ގަން އެއާޕޯޓުގެ ސޯލާ މަޝްރޫއު އެއްބަސްވުން ބާތިލުކުރުން މަޑުޖައްސާލަން ފެނަކައަށް އަމުރެއް

ގަން އެއާޕޯޓުގައި ފްލައިޓުތަކެއް ޕާކުކޮށްފައި. އެ އެއާޕޯޓު ތަރައްގީކޮށް ބައިނަލްއަގުވާމީ ޝެޑިއުލް ދަތުރުތައް އިތުރުކުރުމަކީ ކޮންމެ ސަރުކާރެއްގެ ވެސް ވައުދެއް --- ފޮޓޯ: އައްޑޫ އިންޓަނޭޝަނަލް އެއާޕޯޓު

ގަން އެއާޕޯޓުގައި ފްލައިޓުތަކެއް ޕާކުކޮށްފައި. އެ އެއާޕޯޓު ތަރައްގީކޮށް ބައިނަލްއަގުވާމީ ޝެޑިއުލް ދަތުރުތައް އިތުރުކުރުމަކީ ކޮންމެ ސަރުކާރެއްގެ ވެސް ވައުދެއް --- ފޮޓޯ: އައްޑޫ އިންޓަނޭޝަނަލް އެއާޕޯޓު

މުޅި ގަން އެއާޕޯޓަށް ބޭނުންވާ ކަރަންޓު އުފެއްދުމުގެ ކެޕޭސިޓީ ހިމެނޭހެން، އައްޑޫ ސިޓީގައި 4.5 މެގަވޮޓުގެ ސޯލާ ހައިބްރިޑު ނިޒާމެއް ގާއިމުކުރަން ފެނައިކައިން ޔޫއޭއީގެ ކްލިއާ ފިއުޗާ ސިނާޖީސް ކުންފުންޏާ ވެފައިވާ އެއްބަސްވުން ބާތިލުކުރުން މަޑުޖައްސާލަން އަންގައި ސިވިލް ކޯޓުން ވަގުތީ އަމުރެއް ނެރެފި އެވެ.

ކޯޓު އަމުރުން އެނގޭ ގޮތުގައި ފިއުޗާ ސިނާޖީސް ކުންފުނިން މި މައްސަލަ ކޯޓަށް ހުށަހެޅީ މިދިޔަ އޮގަސްޓު 29، ގައި ފެނަކައިން އެއްބަސްވުން ބާތިލުކުރުމާ ގުޅިގެންނެވެ. ފެނަކައިން އެއްބަސްވުން ބާތިލުކުރީ ޕްރޮޖެކްޓު ހިންގަން ބޭނުންވާ ފައިސާ ހަމަޖެހިއްޖަ ކަން އަންގައިދޭ ލިޔުން އެ ކުންފުންޏަށް ހުށަނާޅައި އޮތުމުންނެވެ.

އެއްބަސްވުން ބާތިލުކުރަން ފޮނުވި ސިޓީއަކީ ބާތިލު ސިޓީއެއް ކަމަށް ކަނޑައަޅައިދިނުމަށް އެދި ކޯޓަށް ހުށަހެޅި މައްސަލައިގައި ފިއުޗާ ސިނާޖީސްއިން ބުނީ ފައިސާ ހަމެޖެހުނުކަމުގެ ލިޔުމަކީ އެއްބަސްވުމުގައި ހިމެނޭ އެއްބަސްވުން ބާތިލުކުރެވޭ ހާލަތްތަކުގެ ތެރޭގައި ހިމެނޭ ލިޔުމެއް ނޫން ކަމަށެވެ.

ސޯލާ ޕީވީ ނިޒާމު ގާއިމުކުރަން ސޮއިކުރި އެއްބަސްވުމުގައި، އެ އެއްބަސްވުން ބާތިލުކުރެވޭނެ ހާލަތްތަކުގެ ގޮތުގައި އޮތީ ފިއުޗާ ސިނާޖީސްއިން އަދާކުރަން ޖެހޭ ޒިންމާއެއް އަދާނުކުރާ ހާލަތުގައި އެ ކަމެއް އިސްލާހުކުރަން އަންގައި ނޯޓިސް އޮފް ޑީފޯލްޓެއް ދިނުމަށް ފަހު ނުވަތަ ދެ ކުންފުނިން އެއްބަސްވެގެންނެވެ. މި ބުނާ ނޯޓިސް އޮފް ޑީފޯލްޓު ދެވެނީ ކޮމާޝަލް އޮޕަރޭޝަންތައް ފަށަން ދިން މުއްދަތުގެ އަހަރެއް ފަހަނައަޅައި ދިޔުމުންނެވެ.

ފެނަކަ އާއި ފިއުޗާ ސިނާޖީސްއާ ދެމެދު ފުރަތަމަ ސޮއިކުރި އެއްބަސްވުމުގައި ކޮމާޝަލް އޮޕަރޭޝަންތައް ފަށަން ކަނޑައެޅީ ތާރީހަކީ މާޗު 15، 2023 އެވެ. ނަމަވެސް ފަހުން އެއްބަސްވުމަށް ބަދަލު ގެނެސް މި ތާރީހު ވަނީ މި އަހަރުގެ މާޗު 15، އަށް ފަސްކޮށްފަ އެވެ.

މި ތާރީހަށް ރިއާޔަތްކޮށް ފިއުޗާ ސިނާޖީސްއިން ބުނީ، އެ ކުންފުންޏަށް ނޯޓިސް ދެވޭނީ އަންނަ އަހަރުގެ މާޗު 15، އާ ހަމައަށް އެއްބަސްވުމުގެ ދަށުން އަދާކުރަން ޖެހޭ ޒިންމާއެއް އަދާނުކުރާ ހާލަތުގައި ކަމަށެވެ. އަދި އެއްބަސްވުމުގެ ދަށުން، ކަންކަން އިސްލާހުކުރަން 30 ދުވަހުގެ މުއްދަތެއް ދޭން ޖެހޭ ކަމަށް ވެސް އެ ކުންފުނިން ކޯޓުގައި ބުނެފައިވެ އެވެ.

ފިއުޗާ ސިނާޖީސްއިން ކޯޓުގައި ބުނީ އެއްބަސްވުން ބާތިލުކުރަން ސިޓީ ފޮނުވުމާ ގުޅިގެން މައްސަލަ ހައްލުކުރަން ފެނަކައާ މަޝްވަރާކުރަން މަސައްކަތް ކުރި ކަމަށެވެ. އެ ގޮތުން މިދިޔަ އޮކްޓޫބަރު 9، ގައި އެ ކުންފުންޏަށް ސިޓީއެއް ފޮނުވި ނަމަވެސް ކޯޓަށް މައްސަލަ ހުށަހެޅުމާ ހަމައަށް ވެސް ފެނަކައަށް ފޮނުވި ސިޓީއަށް ޖަވާބެއް ދީފައި ނުވާ ކަމަށް އެ ކުންފުނިން ބުނެފައިވެ އެވެ.

އެއްބަސްވުން ބާތިލުކުރުމާ ގުޅިގެން ލިބިދާނެ މާލީ ގެއްލުންތަކުގެ ބައެއް ހިސާބުތައް ވެސް ފިއުޗާ ސިނާޖީސްއިން ކޯޓާ ހިއްސާކޮށްފައިވެ އެވެ. އެއީ ޕަވާ ޕާޗޭސީން އެގްރީމަންޓުގެ ދަށުން ދެ ކުންފުނިން އެއްބަސްވެފައިވާ ރޭޓުގައި ކަރަންޓު ވިއްކަމުން ގޮސްފި ހާލަތެއްގައި އެ ކުންފުންޏަށް ލިބިދާނެ ގެއްލުންތަކެވެ.

ކޯޓަށް ހުށަހެޅި ހިސާބުތަކުގައި އޮތީ ކޮންމެ ކިލޯވޯޓަކަށް 0.15 ޑޮލަރުގެ ރޭޓުން އަހަރަކު 1.6 މިލިއަން ޑޮލަރު، އަދި އެއްބަސްވެފައިވާ 20 އަހަރުގެ މުއްދަތަށް ހިސާބުކުރާއިރު 33.9 މިލިއަން ޑޮލަރުގެ ގެއްލުން ލިބޭނެ ކަމަށެވެ.

އޭގެ އިތުރުން މި ޕްރޮޖެކްޓަށް 7.2 މިލިއަން ޑޮލަރުގެ އިންވެސްޓްމަންޓު ހޯދާފައިވާ ކަމަށް ވެސް ފިއުޗާ ސިނާޖީސްއިން ބުނެފައިވެ އެވެ. އަދި މިހާރު ވެސް އެ ކުންފުނިން މި މަޝްރޫއުގެ މަސައްކަތް މަސައްކަތް ކުރަމުންދާ ކަމަށް ވެސް ބުންޏެވެ.

ފިއުޗާ ސިނާޖީސްއަށް ރައްދު ދެމުން ފެނަކައިން ކޯޓުގައި ފާހަަގަކުރީ، ކޮމާޝަލް އޮޕަރޭޝަންތައް ފަށަން ބުނި ތާރީހެވެ. އެއްބަސްވުމުގައި މި ތާރީހު މާނަކޮށްފައި ވަނީ ޓެސްޓު އޮޕަރޭޝަންތައް ކާމިޔާބުކަމާއެކީ ނިންމާލާ ތާރީހު ކަމަށެވެ. އަދި ޕްރޮޖެކްޓުގެ އެއްބަސްވެފައިވާ ޝެޑިއުލާ އެއްގޮތަށް މަސައްކަތް ނުހިނގާ ކަމަށް ވެސް އެ ކުންފުނިން ކޯޓުގައި ބުންޏެވެ.

ފެނަކައިން އިތުރަށް ބުނީ، ޕްރޮޖެކްޓުގެ މަސައްކަތް ނުހިނގާތީ ފައިސާ ހަމެޖެހުނުކަމުގެ ލިޔުން ހުށަހަޅަން މުހުލަތެއް ދިނީ ފިއުޗާ ސިނާޖީސްއާ މަޝްވަރާކުރުމަށް ފަހުގައި ކަމަށެވެ. އަދި އެ ކުންފުންޏަށް ދިން ތާރީހު ކަމުގައިވާ މި އަހަރުގެ ޖެނުއަރީ 31، ގެ ނިޔަލަށް ވެސް ފައިސާ ހަމަޖެހިފައި ނުވާކަން މި މުއާމަލާތާ ގުޅިގެން އެކި ދުވަސް މަތިން ބަދަލުކުރި އީމެއިލްތަކުން އެނގޭ ކަމަށް ވެސް ފެނަކައިން ބުންޏެވެ.

ސޯލާ މަޝްރޫއަށް ބޭނުންވާ ފައިސާ ހަމެޖެހުނުކަން ފިއުޗާ ސިނާޖީސްއިން ފެނަކައަށް އެންގީ މިދިޔަ ސެޕްޓެމްބަރު 17، ގަ އެވެ. އެހެންކަމުން އެ ކުންފުނިން އެއްބަސްވުމާ އެއްގޮތަށް ޒިންމާތައް އަދާނުކުރާ ކަން މީގެން ވެސް އެނގޭ ކަމަށް ފެނަކައިން ކޯޓުގައި ބުންޏެވެ. އަދި އެއްބަސްވުން ބާތިލުކުރީ ސޮއިކުރި ތާރީހުން ފެށިގެން އެއް އަހަރާ ހަތް މަސް ދުވަސް ވޭތުވެދިޔަ ފަހުން ކަމަށް ވެސް އެ ކުންފުނިން ފާހަގަކުރި އެވެ.

ފެނަކައިން މިކަންކަން ފާހަގަކުރި ނަމަވެސް، ކޯޓުން އަމުރު ނެރުނީ ފިއުޗާ ސިނާޖީސްއިން އެދުނު ގޮތަށެވެ. އަދި އެ ކޯޓުން އަމުރުކުރީ އެ މައްސަލައިގައި ހުކުމް ކުރުމާ ހަމައަށް ނުވަތަ ޝަރީއަތުން ވަކި ގޮތެއް އަންގަން ދެން ފެނަކައިން ފޮނުވި ސިޓީއަށް އަމަލު ނުކުރުމަށާއި އެ ސިޓީއާ ގުޅިގެން އެއްވެސް ފިޔަވަޅެއް ނޭޅުމަށެވެ.

މައްސަލައިގެ ފަސްފަހަތް

އައްޑޫ ސިޓީގައި 4.5 މެގަވޮޓުގެ ކަރަންޓު އުފައްދާ ސޯލާ ޕީވީ ހައިބްރިޑް ނިޒާމެއް ގާއިމުކުރަން ފިއުޗާ ސިނާޖީސްއާއެކީ އެއްބަސްވުމެއްގައި ސޮއިކުރީ ފެނަކައިގެ ކުރީގެ މެނޭޖުމަންޓުންނެވެ. މި އެއްބަސްވުމުގެ ދަށުން ގަން އެއާޕޯޓަށް ބޭނުންވާ ވަރަށް ކަރަންޓު އުފައްދަން 2.5 މެގަވޮޓުގެ ސޯލާ ގްރިޑެއް އަދި އެ ސިޓީގެ ހުޅުމީދޫގައި ދެ މެގަވޮޓުގެ ކަރަންޓު އުފައްދާ ގްރިޑެއް ގާއިމުކުރެވޭނެ ކަމަށް އޭރު ފެނަކައިން ބުންޏެވެ.

ފެނަކައިން އިތުރަށް ބުނި ގޮތުގައި މި މަޝްރޫއު ނިމުމުން އައްޑޫގައި ކަރަންޓު އުފެއްދުމަށް ކުރާ ހޭދައިގެ ތެރެއިން އަހަރަކު ގާތްގަނޑަކަށް 2.1 މިލިޔަން ލީޓަރުގެ ޑީސަލް އެންދުން މަދުކުރެވޭނެ އެވެ. އަދި، ޖައްވަށް ބޭރުވާ ވިހަ ގޭހުގެ ތެރެއިން އަހަރަކު 5,500 ޓަނު ކާބަންޑައިއޮކްސައިޑް މަދުކުރެވޭނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox