ވެލާނާ އިންޓަނޭޝަނަލް އެއާޕޯޓުގައި ޔޫރޯ މާކެޓިންގެ ފަރާތުން ބަހައްޓާފައިވާ ވެންޑިން މެޝިންތައް ނެގުމަށް އެއާޕޯޓު ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން އަންގައިފި އެވެ.
ކުރީގެ ރައީސް އަބްދުالله ޔާމީންގެ ވެރިކަމުގައި މި މެޝިންތައް އެއާޕޯޓުގައި ބަހައްޓާފައި ވަނީ އެމްއޭސީއެލްއިން އެދިގެންނެވެ.
ޔޫރޯއަށް ފޮނުވި ސިޓީއެއްގައި އެމްއޭސީއެލްއިން ވަނީ ޑިސެމްބަރު 26, ގެ ކުރިން ވެންޑިން މެޝިންތައް ނަގަން އަންގާފަ އެވެ. ނަމަވެސް, ނެގުމަށް އެންގީ ކީއްވެ ކަމެއް އެމްއޭސީއެލްއިން ސާފުކޮށްދީފައި ނުވެ އެވެ.
އެއާޕޯޓުގެ ޑޮމެސްޓިކް ޓާމިނަލާއި އިންޓަނޭޝަނަލް ޓާމިނަލް ހިމެނޭހެން ހަތް ވެންޑިން މެޝިނެއް ޔޫރޯއިން ބަހައްޓާފައިވެ އެވެ.
ޔޫރޯއަކީ ރާއްޖޭގައި ފުޅާ ދާއިރާއެއްގައި އިމްޕޯޓު މުދަލުގެ ވިޔަފާރި ކުރާ ކުންފުންޏެކެވެ. އެ ކުންފުނިން އެތެރެކުރާ މަގުބޫލު ބްރޭންޑުތަކުގެ ތެރޭގައި ލަވާޒާ ކޮފީ އާއި ރެޑްބުލް އާއި ޔޫރަޕުގެ ތަފާތު ވައްތަރުގެ ޗޮކުލެޓުތައް ހިމެނެ އެވެ؛.
