ފިލްމީތަރި، އަލީ ސީޒަން އާ އެންމެ ވައްތަރު މީހަކަށް ހިލޭ ސެންޓުފުޅިއެއް ލިބޭ ޕްރޮމޯޝަނެއް ފައްފަ ގްލެމާ ކިޔާ އިންސްޓްގްރާމް ޕޭޖަކުން ބާއްވަން ނިންމައިފި އެވެ.
ސޯޝަލްމީޑިއާގައި އެ ޕޭޖުން ކޮށްފައިވާ ޕޯސްޓުގައި ބުނެފައި ވަނީ އެ މުބާރާތުގައި ބައިވެރިވާން ބޭނުންވާ ފަރާތްތަކަށް އެ ޕޭޖުގައިވާ ލިންކު މެދުވެރިކޮށް ނުވަތަ ޕޯސްޓުގައިވާ ކިއުއާރު ކޯޑު ސްކޭން ކޮށްގެން ބައިވެރިވެވޭނެ ކަމަށެވެ.
އެ މުބާރާތުގެ ނަތީޖާ ފާޅު ކުރުން އޮތީ އަންނަ ޑިސެމްބަރު 13 ވާ ހުކުރު ދުވަހުގެ ހަވީރު 4:00 ގައި ހުޅުމާލެ ސެންޓްރަލް ޕާކުގަ އެވެ. އެ މުބާރާތުގައި ބައިވެރިވާ މީހުންނަށް ކާމިޔާބަށް އެދި ސީޒަންގެ އަމިއްލަ އިންސްޓަގްރަމް ސްޓޯރީގައި އެ ޕޯސްޓް ޝެއާކޮށްފައިވެ އެވެ.
ސީޒަންއަކީ ރާއްޖޭގައި އުފެދުނު ފިރިހެން ފިލްމީތަރިންގެ ތެރެއިން އެންމެ ފާހަގަކޮށްލެވޭ އެކަކެވެ. އެގޮތުން އޭނާގެ ފިލްމީ ހަޔާތުގައި އެކްޓު ކުރުމުގެ އިތުރުން ކެމެރާގެ ފުރަގަހުގައި ވެސް މުހިންމު މަސައްކަތްތަކެއް އޭނާ ކޮށްފައިވެ އެވެ.
ސީޒަންއަކީ ސްރީލަންކާގައި ހުންނަ ދިވެހި އެމްބަސީގެ ފަސްޓް ސެކްރެޓަރީ އެވެ.
