ސިމްބޮލިކްގެ "ކަޅުޖާދޫ" ހަ މިޔަލީ ކަނޑިއެއް

ސިމްބޮލިކްގެ "ކަޅުޖާދޫ" ހަ މިޔަލީ ކަނޑިއެއް

"ބުޅަލު މެއިން ކައްކައި ދެފައި

މުޅަ މަހުން މިނި ލޭ ފެލައި

ގުޅަ ހަދާ އޭގެން ދެބައި

ހުޅަކު ފިހެ ޖިންނީން ގެނައި

ކުޅަ ނުޔަސް އެކަމަށް ފިކުރު

ކުޅަކަމަށް ކިޔަނީ ސިހުރު"

އިންސާނުން ތަފާތު ގޮތްގޮތަށް ހިޔާލުފާޅުކުރެއެވެ. ބައެއް ފަހަރަށް އަނގައިން ބުނާ ބަސްތަކަކުންނެވެ. އަނެއް ބައިފަހަރަށް ގަލަމު ތުނޑުން ތަރުތީބުކުރާ އަކުރުތަކަކުންނެވެ. ބުނާ ބަސްތަކަކުން ވިޔަސް ލިޔާ ލިޔުމަކުންވިޔަސް ހިޔާލުފާޅުކުރުމުގައި ތަފާތު އުސްލޫބު ނުވަތަ ވައްޓަފާޅި އިންސާނުން ބޭނުންކުރެއެވެ. ސާފުކޮށް ބުނާ ބަސްތަކަކުން ނުވަތަ ލިޔާ ލިޔުމަކުންނެވެ. ހިޔާލީ ވާހަކައެއްގެ ސިފައިގައެވެ. ބައެއް ފަހަރަށް ދެފުށު މާނަ އެކުލެވޭ ގޮތަށް އޮންނަ ފުން ޅެމަކުންނެވެ.

މިއެންމެހާ ވައްތަރުތަކުގެ ތެރެއިންވެސް އެންމެ ޝައުގުވެރި އަދި އެއެއްޗަކާ މެދު އެންމެ ގިނަ ސުވާލު އުފެދި ހައިރާންކަން ލިއްބައިދޭނެ އެއް ވަސީލަތަކީ ލަވަ ކަމުގައި ބުނެވިދާނެއެވެ. ވަކީން ހާއްސަކޮށް އަޑުއަހާ މީހުންނަށް އެއިން ތަފާތު މާނަ އުފެދިދާނެ ގޮތަށް ވަގުތާއި ހާލަތަށް ބަލައިގެން އެމީހެއްގެ ސިކުނޑި ހުރި މިސްރާބަކަށް ބޭނުންކުރެވިދާނެ ގޮތަށް އުފެއްދޭ ލަވަތެކެވެ. ސިމްބޮލިކް ރެކޯޑްސް އިން މީގެ ވަގުތުތަކެއް ކުރިން ޔޫޓިއުބަށް ދޫކޮށްލި 'ކަޅުޖާދޫ' ލަވަޔަކީ އެ ލަވައިގެ ވަށައިގެން ތަފާތު ސުވާލު އުފެދޭނެ ފޭރާންހެޔޮ މޮޅު ލަވައެކެވެ.

ބުޅަލު މެއި ކައްކައިގެން އެމައްޗަށް މުޅަ މަހުން މިނި ލޭ ފެލައިގެން ދޭތި އެއްކޮށްގެން ގުޅަ ހަދައިގެން ޖިންނި ގެންނަ ގޮތުގެ ރައިވަރަކުން ފަށާފައިވާ މި ލަވައިގައި ކިޔައިދެނީ ސިހުރުވެރިއެއްގެ އަމަލުތަކުގެ ހިޔާލީ ފޮލާއެއްހެޔެވެ؟ ނުވަތަ މީގައި ބުނާ މާކަންވެރިޔާ، ޒީރު ހަދާ ސިހުރުވެރިޔާ އަކީ ވަކި މީހަކަށް ނިސްބަތްކުރެވޭ އިޝާރާތްތަކެ އްހެޔެވެ؟

Advertisement

ލާރިޔަށް ސިހުރު ހެދުވުމުގެ ވާހަކަތައް ހިމެނިފައިވާ މި ލަވަ ރިލީޒްވުން ލޯކަލް ކައުންސިލް އިންތިހާބު ކެމްޕޭނާ ދިމާވުމަކީ ބާވަތަކުގެ އިއްތިފާގެއް ހެއްޔެވެ؟ ނުވަތަ ޅެމުން ފަރުވާ ދިނުމުގެ މަޝްރޫއުގެ ބޮޑު ބައި ނިމި ޑެޕިއުޓީ މިނިސްޓަރަކު ފޮތް ލިޔުނުކަން އިއުލާނުވީ ވަގުތާ މި ލަވަ ރިލީޒްވީ ވަގުތު ދިމާވީ، މިއީ ޖިންނި މޮޔަވާ މީހުންނަށް އޮތް ޅެން ރުގުޔާއެއް ކަމުގައިވާތީ ހެއްޔެވެ؟

"ޤުރުބާން ބަކައްޓެއްކޮށް ހާލެއް ވިޔަސް ހެޔޮ

އޮހުރުނު ލެއިން ތައްޓެއް ލޭ ބޯން ވިޔަސް ހެޔޮ

ކުފުރުގެ ބަހުން ބަސް ހަދައިގެން ކިޔަސް ހެޔޮ

ޝިރުކަށް އަރައިގެން ހަލާކަށް ދިޔަސް ހެޔޮ"

ބަސްމޮށުންތެރިކަމުގެ ޒަރީއާއިން އެހެން ހުރިހާ ޖަނަވާރުތަކަކަށްވުރެ ހާއްސަކަން ލިބިފައިވާ އިންސާނާގެ ތަފާތުކަމާއެވެ. އެ އިންސާނާގެ އެންމެ އަސާސީ އެއް ހައްގުކަމުގައިވާ އޭނާގެ ހިތަށް އަންނަ ހިޔާލާއި ޝުއޫރު މިނިވަންކަމާއެކު ފާޅުކޮށްގަތުމުގައި އިންސާނުން ހޯދާފައިވާ ހުނަރުވެރިކަމުގެ ބޮޑުކަމާއެވެ!

ޅެންވެރިކަމާއި ލަވަ ބޭނުންކޮށްގެން ތަފާތު ހިޔާލު ފާޅުކުރުމަކީ ޑިކްޓޭޓަރުންނަށް ހަމަލާދިނުމަށް ވެސް އޮތް އެންމެ މުހިންމު ވަސީލަތެވެ. އާންމުންނަށް ވަކި މާނައެއް، ހޭލުންތެރި މީހުންނަށް ވަކި މާނައެއް، ވެރިންނަށް އަދި މާ ތަފާތު އެހެން މާނައެއް ކުރެވޭ ގޮތަށް ތައްޔާރުކުރެވޭ ޅެމަކީ، އަދި އެޔަށް ރާގު އެއްކުރެވިފައިވާ ރީތި ލަވަޔަކީ، ހަ މިޔަލީ ކަނޑިއެކެވެ. އެއްފަހަރާ ހަ ފަރާތަށް ވަޒަން ފޮނުވާލެވޭ ބަޑިއެކެވެ. އަދަބިއްޔާތުގެ އެ މޮޅު ހަތިޔާރުގެ ކުރިމަތީގައި ޑިކްޓޭޓަރުންނަށް ވެސް ކުރެވޭ މާކަ ބޮޑު ކަމެއް ނޯންނާނެއެވެ.

ސިމްބޮލިކް ރެކޯޑްސްގެ ކަޅުޖާދޫ އަކީ އޭގެ ކަޅުކަން ބޮޑު ޖާދޫއެކެވެ. އެޔަށް ބުއްދީގެ ބައްތީން އަލިކުރުމުން ފެންނަ މަންޒަރުތައް ވަރަށް ވެސް ޖާދުވީއެވެ. އެއިން ސިހުރުވެރިއެއްގެ އައްޔާޝީ އަމަލުތައް ފެނެއެވެ. އެކަމަކު އެ ސިހުރުވެރިޔާއަށް ހަރަދުކުރަމުންދާ ފަރުދާގެ ފުރަގަހުގައި ހުރި މުޝްރިކް ކަލޭގެ ހޯދުމަށް އަދި އިތުރު ހައެއްކަ ބައްތި ބޭނުންވެއެވެ.

ބައެއް މީހުންގެ ބައްތީން އަލިކުރީމާ އެމީހަކީ ޖިންނި މޮޔަވެފައިވާ މީހަކަށް ޅެމުން ފަރުވާދޭ ރާޤީއެއްކަމުގައި ވެދާނެއެވެ. އަނެއް މީހާގެ ނަޒަރުގައި އެއީ އިންތިހާބެއްގައި ވާދަކުރަމުންދާ ސިޔާސީ ލީޑަރަކު ކުރިއަށް ނެރެފައިވާ ކެންޑިޑޭޓަކަށްވެސް ވެދާނެއެވެ. އެއީ ކޮން ސިހުރެއްގެ ވާހަކަހެއްޔެވެ؟ އެ ސިހުރުވެރިޔާ އަކީ ކާކުހެއްޔެވެ؟ ސިޔާސީ ކުޅިގަނޑެއް ހިނގަން އުޅެނީ ހެއްޔެވެ؟ ރާއްޖޭގެ މަސްރަހު ސިހުރުން ކަޅުވާން އުޅެނީ ހެއްޔެވެ؟ ނޫންނަމަ މިއީ ހަމަ ހުސް އިއްތިފާގު ހެއްޔެވެ؟

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox