މި އަހަރު ހާސިލު ކުރެވުނު އެންމެ ބޮޑު ކަމަކީ ބަނގުރޫޓުވިޔަ ނުދީ ގައުމު ސަލާމަތް ކުރުން: ރައީސް މުއިއްޒު

ރަސްދޫ ރައްޔިތުންނާ މުހާތަބު ކުރައްވައި ރައީސް ވާހަކަދައްކަވަނީ -- ފޮޓޯ: ރައީސް އޮފީސް

ރަސްދޫ ރައްޔިތުންނާ މުހާތަބު ކުރައްވައި ރައީސް ވާހަކަދައްކަވަނީ -- ފޮޓޯ: ރައީސް އޮފީސް

ހިނގަމުން މިދާ އަހަރު ތެރޭގައި ހާސިލު ކުރެވުނު އެންމެ ބޮޑު ކަމަކީ އޭގައި އަތް ލެވެން ނެތް އެއްޗެއް ކަމަށާއި އެ ކަމަކީ ބަނގުރޫޓުވިޔަ ނުދީ ގައުމު ސަލާމަތް ކުރުން ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.

އއ. ރަސްދޫއަށް މިއަދު ވަޑައިގެން އެރަށު ރައްޔިތުންނާ މުހާތަބު ކުރައްވައި ވާހަކަ ދައްކަވަމުން ރައީސް ވިދާޅުވީ ވެރިކަމަށް އައިސް ފުރަތަމަ ކުރަން ޖެހުނު މަސައްކަތަކީ ބަނގުރޫޓުވުމުގެ ތުންފަތް މަތީގައި އޮތް އިގުތިސާދެއް ހަމައަކަށް އެޅުވުން ކަމަށެވެ.

އެގޮތުން މިދިޔަ ވެރިކަން ނިމުމުގެ ކުރިން އައިއެމްއެފުން ނެރުނު ރިޕޯޓެއްގައި ރާއްޖޭގެ މާލީ ހާލަތު ރަނގަޅު ނޫން ކަމަށް ބުނެފައި އޮތް ކަމަށް ރައީސް ވިދާޅުވި އެވެ.

"އެހެންވީމާ އެ ހިސާބުން އެ އިގުތިސާދު ސަލާމަތްކޮށް ސަލާމަތުގެ އައްސޭރިއަށް ގެންދިޔުން އެއީ ހަގީގަތުގައި މިދިޔަ އަހަރު އަޅުގަނޑުމެންނަށް ކުރެވުނު އެންމެ ބޮޑު ކަންތައް، ޑިފޯލްޓަކަށް ނުވެ ގައުމު ސަލާމަތް ކުރުން، އިގުތިސާދު ސަލާމަތް ކުރުން،" ރައީސް ވިދާޅުވި އެވެ.

"އެއީ އަޅުގަނޑު ހިތުން ފެންނަން އޮތް އެއްޗެއް ނޫން، ތެދުފުޅެއް، ފެންނާކަށް ނެތް އެކަމެއް، އަތުން ހިފޭކަށް ނެތް، އެހެން ނަމަވެސް އެއީ އެންމެ ބޮޑު ކަންތައް ކުރެވުނު."

އެކަން ހާސިލު ކުރެވުނީ އެތައް ބައިވަރު ފިޔަވަޅުތަކެއް އަޅައިގެން ކުރި ގިނަ މަސައްކަތުން ކަމަށް ރައީސް ވިދާޅުވި އެވެ. ނަމަވަސް ކުރިން ވެވަޑައިގެންނެވި ވައުދާ އެއްގޮތަށް، ފައިސާ ޗާޕު ނުކުރައްވައި ރަނގަޅު މަގުގައި އިގުތިސާދު ކުރިއަރުވާނެ ކަމުގެ ޔަގީންކަން އެމަނިކުފާނެ ދެއްވި އެވެ.

ރައީސްގެ ވާހަކައިގައި ވަނީ ރަސްދޫގެ މަސްވެރިންނަށާއި އެރަށުގައި ޓޫރިޒަމް ވިޔަފާރި ކުރައްވާ ފަރާތްތަކަށް ވެސް ފަހި ގޮތްތަކެއް ކުރިއަށް އޮތް ދުވަސްތަކުގައި ހައްދަވައިދެއްވާނެ ކަމަށް ވިދާޅުވެފަ އެވެ.

އެގޮތުން ލޯކަލް ޓޫރިޒަމްގެ ވިޔަފާރި ކުރާ ފަރާތްތަކުން އިއާދަކުރަނިވި ހަކަތަ ބޭނުން ކުރުމަށް ރައީސް އިލްތިމާސް ކުރެއްވި އެވެ. އަދި އެފަދަ ކަންކަމަށް އެއްބާރުލުން ދެއްވާނެ ކަމަށް ވެސް އެމަނިކުފާނު ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox