މާފަންނުގައި ހުރި ގެއެއްގެ 10 ވަނަ ބުރީގައި މިރޭ ރޯވި ބޮޑު އަލިފާންގަނޑެއް ސިފައިން ނިއްވާލައިފި އެވެ.
މ. ނިޔަދުރުމާގޭގައި ރޯވި އަލިފާންގަނޑުގެ ސަބަބުން އެއްވެސް މީހަކަށް ގެއްލުންނުވާކަން މިހާތަނަށް އެނގިފައިވެ އެވެ. އެކަމަކު، އެ ހާދިސާއާ ގުޅިގެން އަދި ސިފައިންގެ ބަހެއް ނުލިބެ އެވެ.
އަލިފާން ރޯވީ މީހުން ދިރިނުއުޅޭ، އޮފީހެއް ނުވަތަ ގުދަނެއްގެ ގޮތުގައި ބޭނުން ކުރާ ބުރިއެއްގައި ކަމަށް މިހާތަނަށް އެނގިފައިވެ އެވެ.
އަލިފާންގަނޑު ރޯވެފައިވާ މަންޒަރުގެ ވީޑިއޯ މިހާރު ސޯޝަލް މީޑިއާގައި ދަނީ ދައުރުވަމުންނެވެ. އެއިން ފެންނަ ގޮތުގައި ވަރަށް ބޮޑަށް ހުރީ އިމާރާތުގެ 10 ވަނަ ބުރީގައި ހުޅުގަނޑު ހިފައިފަ އެވެ.
އަލިފާން ރޯވި ގެ ހުންނަނީ މާވެޔޮމަގުގައި ހުންނަ ފަތަހަސުންބުލި ފިހާރައާ ޖެހިގެން ހުންނަ ހިމަ ގޯޅީގަ އެވެ.
އަލިފާނުގެ ހާދިސާ ހިނގި ސަރަހައްދުގައި ސިފައިންގެ އިތުރުން ނެޝަނަލް ޑިޒާސްޓާ މެނޭޖްމަންޓް އޮތޯރިޓީއިން ވެސް ދަނީ ހަރަކާތްތެރިވަމުންނެވެ.
އެ ހާދިސާއާ ގުޅިގެން އެއްވެސް މީހަކަށް އެހީތެރިކަން ދޭންޖެހޭތޯ އެންޑީއެމްއޭ އިން މިހާރު ދަނީ ބަލަމުންނެވެ.
