ރޮބިންސަން ރިސޯޓުގެ ކުނިތައް ނިލަންދޫގައި ވަޅުލަނީ

ރޮބިންސަން ރިސޯޓުން ގެނައި ކުނިތައް ގއ. ނިލަންދޫގެ މަގު ހަދާ ސަރަހައްދުގައި: މިއީ ކުނިތަކެއް ނޫން ކަމަށް އެ ރަށު ކައުންސިލުން އަންނަނީ ބުނަމުން -- ފޮޓޯ: އަދަދު

ރޮބިންސަން ރިސޯޓުން ގެނައި ކުނިތައް ގއ. ނިލަންދޫގެ މަގު ހަދާ ސަރަހައްދުގައި: މިއީ ކުނިތަކެއް ނޫން ކަމަށް އެ ރަށު ކައުންސިލުން އަންނަނީ ބުނަމުން -- ފޮޓޯ: އަދަދު

ގއ. ދެއްވަދޫ ކައިރީ ހިންގާ ރޮބިންސަން ކްލަބް މޯލްޑިވްސް ރިސޯޓުގެ ކޮޓަރިތައް ތަޅާލުމުން އުފެދިފައިވާ ކޮންސްޓްރަކްޝަން ކުނިތައް ގއ. ނިލަންދޫއަށް ގެނެސް، އެ ރަށުގެ ބީޗު ސަރަހައްދުގެ ޗަސް ބިން އޮންނަ ސަރަހައްދުގައި ވަޅުލައިފި އެވެ.

ނިލަންދޫއިން "އަދަދު" އާ ވާހަކަ ދެއްކި މީހުން ބުނީ އެ ކުނިތައް މީގެ ތިން މަހެއްހާ ދުވަސް ކުރިން ރަށަށް ގެނައުމަށްފަހު ވަޅުލުމުގެ މަސައްކަތް ފެށީ ހަފްތާއެއްހާ ދުވަސް ކުރިން ކަމަށެވެ. އަދި ރަށަތައް ކުނި ސަބަބާ ގުޅޭ ގޮތުން އޭރު ސުވާލުކުރުމުން އޭރު ބުނީ އެއީ ތިލަފުއްޓަށް ފޮނުވާ ކުނިތަކެއް ކަމަށެވެ.

މިިހެން ނަމަވެސް ނިލަންދޫ ކައުންސިލުން ވަނީ ލިއޯ ޓްރޭޑިންއާ ހަވާލުކޮށްގެން އެ ރަށުގެ ބީޗު ސަރަހައްދުގެ މަގުތައް ހެދުމަށް އެ ސަރަހައްދު ސާފު ކުރުމަށްފަހު އެ ސަރަހައްދުގައި ވަޅުގަނޑުތައް ހަދައި އެ ކުނިތައް ވަޅުލަމުން ކަމަށް އެ މީހާ ބުންޏެވެ.

Advertisement

"އެ ކުނިތައް ތިލަފުއްޓަށް ގެންދިޔުމުގެ ބަދަލުގައި ނިލަންދޫގައި ތިމަންނަމެން މަގެއް ހަދައިދީފާނަމޭ ކިޔާފައި ކައުންސިލަށް ހުށަހަޅައިގެން ރަށް ވަށައިގެން މިއޮންނަ މަގުގެ ބައެއް އެމީހުން ސާފުކުރި އަދި ޗަސް ބިން އޮންނަ ސަރަހައްދުގައި ބޮޑެތި ވަޅުގަނޑުތައް ގާތްގަނޑަކަށް 100 ފޫޓާއި 150 ފޫޓެއްހާ ވަޅުގަނޑުތައް ވަރަށް ފުންކޮށް ކޮނުމަށްފަހު ވަޅުގަނޑަށް އަޅާފައި ފަސް އަޅައިގެން ލެވެލް ކޮށްފައިވަނީ،" އޭނާ ބުންޏެވެ.

ރޮބިންސަން ކްލަބް މޯލްޑިވްސް ރިސޯޓުގެ ކުނިތައް ނިލަންދޫއަށް ގެންދިޔުން -- ފޮޓޯ: އަދަދު
ރޮބިންސަން ކްލަބް މޯލްޑިވްސް ރިސޯޓުގެ ކުނިތައް ނިލަންދޫއަށް ގެންދިޔުން -- ފޮޓޯ: އަދަދު

ރޮބިންސަން ކްލަބް މޯލްޑިވްސް ރިސޯޓުގެ ކުނިތައް ނިލަންދޫއަށް ގެންދިޔުން -- ފޮޓޯ: އަދަދު

ނިލަންދޫގެ ޗަސް ބިން އޮންނަނީ އޮޅު އަލަ ހައްދާ ސަރަހައްދުގަ އެވެ. އެ ގޮތުން އެ ސަރަހައްދުގައި ކުނިތައް އެގޮތަށް ވަޅުލުމުން އާންމު ރައްޔިތުން އަންނަނީ ވަރަށް ބޮޑަށް ކަންބޮޑުވުން ފާޅުކުރަމުންނެވެ.

ނަމަވެސް ނިލަންދޫ ކައުންސިލުގެ ރައީސް ނާސިހް އިބްރާހިމް "އަދަދު" އަށް ވިދާޅުވީ ރޮބިންސަން ރިސޯޓުގެ ރޫމްތައް ތަޅާލައިގެން ގެނައީ ކުނިތައް ކަމަށް ގަބޫލު ނުކުރާ ކަމަށާއި އެއީ ކައުންސިލުން ބޭނުން ވެގެން ގެނައި ތަކެތި ކަމަށެވެ. އޭގެ ތެރެއިން ރަށުގެ ރައްޔިތުން ބޭނުންވާ ބައެއް ލަކުޑިތަކާއި، ޓިނާއި ފާހާނާއަށް ބޭނުންވާ ސާމާނު ނެގި ކަމަށާއި ޗަސް ބިން ކައިރީ ޗަކަ ހެދިފައި އޮތް މަގު ގަނބާތީ ބައެއް ތަކެތި އެތަނުގައި ވަޅުލި ކަމަށެވެ.

"ވަޅުލަނީއެއް ނޫން. މަގު ހަދަން ބޭނުންވާ ބައެއް ސާމާނުތައެއް އެއީ ޗަކަ ހެދިފަ އޮތް ތަނެއް ވަރަށް ބޮޑަށް ގަނބާތީ އަޅަނީ؛ ކުންޏެއް ނޫން އެއީ. އަޅުގަނޑުމެން ބޭނުން ވެގެން ގެނައި އެއްޗެހި. ކުންޏަށް ވަނީ އުކާލާ ނުވަތަ ބޭނުން ނުކުރެވޭ އެއްޗެހި،" ނާސިހް އިބްރާހިމް ވިދާޅުވި އެވެ.

އެ މަސައްކަތް ކުރިއަށް ގެންދިޔުމުގެ ކުރިން އެއްވެސް ދިރާސާއެއް ހަދައި އެންވަޔަރަމަންޓް ޕްރޮޓެކްޝަން އެޖެންސީ (އީޕީއޭ) އާ އެއްވެސް މަޝްވަރާއެއް ކުރަން ނުޖެހޭކަން ފާހަގަ ކުރައްވާ ނާސިހް އިބްރާހިމް ތަކުރާރުކޮށް ވިދާޅުވީ ގެނެސް މަގު ހެދުމަށް ބޭނުންކުރީ ކުނި ކަމަށް ގަބޫލު ނުކުރާ ކަމަށެވެ.

ރޮބިންސަން ކްލަބް މޯލްޑިވްސް ރިސޯޓުގެ ކުނިތައް ނިލަންދޫއަށް އެރުވުން -- ފޮޓޯ: އަދަދު
ރޮބިންސަން ކްލަބް މޯލްޑިވްސް ރިސޯޓުގެ ކުނިތައް ނިލަންދޫއަށް އެރުވުން -- ފޮޓޯ: އަދަދު

ރޮބިންސަން ކްލަބް މޯލްޑިވްސް ރިސޯޓުގެ ކުނިތައް ނިލަންދޫއަށް އެރުވުން -- ފޮޓޯ: އަދަދު

އިބްރާހިމް ނާސިހު ވިދާޅުވީ އޮޅު ސަރަހައްުދު ލޮނު އަރައި އެއްކޮށް ގިރަމުންދާ ކަމަށާއި އެ މަސައްކަތް ކުރަމުންދަނީ އެތަން ހިމާޔަތް ކުރުމުގެ ގޮތުން ކަމަށެވެ.

މިކަމާ ގުޅިގެން އިކޯކެއާ މޯލްޑިވްސްގެ ޑިރެކްޓާ އޮފް އެޑްވޮކަސީ މައީދު ޒާހިރު "އަދަދު" އަށް ވިދާޅުވީ ޗަސް ބިމަކީ އޭގެ ޒާތުގައި ރަށަށް ވަރަށް ފައިދާ ކުރާ ތަނެއް ކަމަށާއި ކުރާ އަމަލެއްގެ ސަބަބުން އެފަދަ ތަނެއް ހަލާކުވެގެން ދިޔުމަކީ ގެއްލުން ހުރި ކަމެއް ކަމަށެވެ.

"އެތަން ނައްތާލުން އަދި އެތަން ހަލާކުވެގެން ދިޔުމަކީ ރަނގަޅު ކަމެއް ނޫން. ކުނި އަޅައިގެން ވިޔަަސް ނުވަތަ ހިއްކައިގެން ވިޔަސް. އެފަދަ ނާޒުކު ސަރަހައްދުތައް ހިމާޔަތްކޮށް ބެލެހެއްޓުމަކީ މުހިންމު ކަމެއް. އެފަދަ ކަމެއް ކުރާނަމަ ދިރާސާތައް ކުރެވި މަޝްވަރާ ކުރަން ޖެހޭނެ،" އޭނާ ވިދާޅުވި އެވެ.

ރިސޯޓުތަކުގައި އުފެދޭ ކުނި އާންމު ގޮތެއްގައި އެހެން ރަށްރަށަށް ނުގެނެސް ގެންދަނީ ތިލަފުއްޓަށެވެ. އެކަމަށް ބޮޑެތި ހަރަދުތައް ވެސް ހިނގަ އެވެ. ނިލަންދޫގެ ބައެއް ރައްޔިތުން ތުހުމަތު ކުރާ ގޮތުގައި އެ ކުނިތައް ތިލަފުއްޓަށް ގެންދިޔުމުގެ ބަދަލުގައި އެ ރަށަށް ގެނެސް ވަޅުލުމަކީ ބޮޑު ޖަރީމާއެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox