ބަންގްލަދޭޝް ކޯޗުގެ ތައުރީފު ރާއްޖޭގެ ކީޕަރު ހުސެން އަށް

Nov 14, 2024, 4:49 AM
މިދިޔަ އަހަރުގެ ސާފް ޗެމްޕިއަންޝިޕްގެ ތެރެއިން ކީޕަރު ހުސެން: އޭނާ ވަނީ އިއްޔެގެ މެޗުގައި ބަންގްލަދޭޝާ ދެކޮޅަށް މޮޅު ކުޅުމެއް ދައްކައިފައި.--- ފޮޓޯ: އަދަދު ފައިލް ފޮޓޯ

މިދިޔަ އަހަރުގެ ސާފް ޗެމްޕިއަންޝިޕްގެ ތެރެއިން ކީޕަރު ހުސެން: އޭނާ ވަނީ އިއްޔެގެ މެޗުގައި ބަންގްލަދޭޝާ ދެކޮޅަށް މޮޅު ކުޅުމެއް ދައްކައިފައި.--- ފޮޓޯ: އަދަދު ފައިލް ފޮޓޯ

ފީފާ ރަޖިސްޓާޑް އެކުވެރިކަމުގެ މެޗެއްގައި އިއްޔެ ރާއްޖޭން 1-0 އިން ބަންގްލަދޭޝް ބަލިކުރި މެޗުގައި ރާއްޖޭގެ ކީޕަރު ހުސެއިން ޝަރީފް (ހުސެން)ގެ ފަރާތުން ފެނިގެންދިޔަ ކުޅުމަށް ބަންގްލަދޭޝްގެ ކޯޗު ހަވިއޭ ކަބްރޭރާ ތައުރީފުކޮށްފި އެވެ.

ބަންގްލަދޭޝްގެ ބަޝުންދަރަ ކިންގްސް އެރީނާގައި ކުޅުނު މި މެޗުގައި ރާއްޖޭގެ ކީޕަރު ހުސެން ވަނީ ބަންގްލަދޭޝް އިން ފޮނުވާލި ރަނގަޅު ހަމަލާތަކެއް ހުއްޓުވައިފަ އެވެ. އަހަރަކަށް ވުރެ ގިނަ ދުވަސް ފަހުން، އެއްވެސް ފެންވަރެއްގެ ރަސްމީ މެޗެއްގައި ކުޅެން ނުކުމެ، ހުސެން އިއްޔެ ދެއްކި ކުޅުމަށް ގިނަ ދިވެހި ސަޕޯޓަރުން ވެސް ތައުރީފުކުރި އެވެ.

އިއްޔެގެ މެޗަށް ފަހު ބޭއްވި ނޫސްވެރިންގެ ބައްދަލުވުމުގައި، ކަބްރޭރާ ބުނީ، މިއީ އޭނާ ބަންގްލަދޭޝް ޓީމާ ހަވާލުވެ، އެ ޓީމު ކުޅުނު މެޗުތަކުގެ ތެރެއިން އެންމެ ގިނައިން ގޯލު ޖަހާނެ ފުރުސަތު ލިބިގެންދިޔަ މެޗު ކަމަށެވެ. އެކަމަކު، އޭގެއިން އެއްވެސް ފުރުސަތެއް ގޯލަކަށް ހަދައިނުލެވުމުގެ އެއް ސަބަބަކީ، ރާއްޖޭގެ ކީޕަރު ހުސެންގެ ހުށިޔާރުކަން ކަމުގައި ކަބްރޭރާ ވަނީ ފާހަގަކޮށްފަ އެވެ.

"ވަރަށް އުނދަގޫ ހަގީގަތުގައި މި ކުރެވޭ އިހުސާސް ބުނެދޭން. އެއީ އަހަރެމެން ވަރަށް ރަނގަޅަށް ކުޅެ، މަސައްކަތް ކޮށްފައި އެއްޗެއް ހާސިލްނުވެ މިދިޔައީ، އެ މީހުންގެ ކީޕަރު (ހުސެން)ގެ ވަރަށް ރަނގަޅު ދުވަހަކާ މި ދިމާވީ،" ކަބްރޭރާ ބުންޏެވެ.

ކަބްރޭރާ ވަނީ ރާއްޖޭން މި މެޗުގައި ޖެހި ހަމައެކަނި ލަނޑު، އަލީ ފާސިރު (ސެންޓޭ) ބޮލުން ކާމިޔާބުކުރި ގޯލުގައި ވެސް ބަންގްލަދޭޝްގެ ކުޅުންތެރިންގެ ފަރުވާކުޑަކަން ފެނިގެންދިޔަ ކަމަށެވެ. އަދި އެއީ ވިސްނައިގެން ހުރި ނަމަ ބަންގްލަދޭޝް ކޮޅަށް ވަންނާނެ ގޯލެއް ނޫން ކަމަށެވެ.

ކީޕަރު ހުސެން އެންމެ ފަހުން ކުޅެފައިވާ ރަސްމީ މެޗުތަކަކީ ވެސް ގައުމީ ޓީމުގެ މެޗުތަކެވެ. އެއީ، މިދިޔަ އަހަރު އޮކްޓޫބަރު މަހު ބަންގްލަދޭޝާ ދެކޮޅަށް ކުޅުނު ފީފާ ވޯލްޑް ކަޕް/ އޭޝިއަން ކަޕް ޖޮއިންޓް ކޮލިފައިން މެޗުތަކެވެ.

ގައުމީ ކޯޗު އަލީ ސުޒޭން ވެސް ވަނީ ކީޕަރު ހުސެންގެ ކުޅުން ފާހަގަކޮށްފަ އެވެ. އެ ގޮތުން, ހުސެން މި މެޗުގައި އާދަޔާހިލާފު ދެ ބޯޅައެއް ހުއްޓުވާފައިވާ ކަމަށާއި އެއީ އެހެން ނޫންނަމަ އެއީ ދެ ގޯލު ވަންނާނެ ފަހަރެއް ކަމަށް ވެސް ސުޒޭން ވަނީ ބުނެފަ އެވެ.

ބަންގްލަދޭޝާއި ރާއްޖެ ކުޅޭ އެކުވެރިކަމުގެ ދެ ވަަނަ މެޗު އޮންނާނީ ހޮނިހިރު ދުވަހު ހަވީރު އެވެ. ކަބްރޭރާ ވަނީ އެ މެޗުން މޮޅުވާން ވަރަށް ގިނަ ކަންކަން ބަންގްލަދޭޝް އިން ރަނގަޅުކުރަން ޖެހޭ ކަމަށް ބުނެފަ އެވެ.

މި އަހަރުގެ ޑިސެމްބަރު މަހުގެ ނިޔަލަށް ކަބްރޭރާގެ ކޮންޓްރެކްޓް ހަމަވާނެ އެވެ. މުސްތަގުބަލާ ގުޅޭގޮތުން ކުރި ސުވާލަށް ކަބްރޭރާ ބުނީ ވިސްނަނީ، ހަމައެކަނި ކުރިއަށް އޮތް މެޗަށް ކަމަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox