ދިރާގުން ހިލޭ 5ޖީ ރައުޓަރެއް ލިބޭ ހާއްސަ ލިމިޓެޑް ޓައިމް އޮފާގެ މުއްދަތު އަންނަ ޑިސެމްބަރު 31، ގެ ނިޔަލަށް އެ ކުންފުނިން އިތުރުކޮށްފި އެވެ.
ދިރާގުން ބުނީ އެ މުއްދަތުގެ ނިޔަލަށް 5ޖީ ޓާބޯ 749 ޕްލޭން އަދި އެއަށްވުރެ މަތީގެ ޕްލޭންތަކަށް ސަބްސްކްރައިބްކުރާ ހުރިހާ ކަސްޓަމަރުންނަށް ހިލޭ 5ޖީ ރައުޓަރެއް ލިބޭނެ ކަމަށެވެ.
ދިރާގުގެ މެނޭޖާ އެކުއިޒިޝަންސް އެންޑް ސީއެލްއެމް، ޖަނާ އިބްރާހިމް ވިދާޅުވީ އެ ކުންފުނިން އަބަދުވެސް މަސައްކަތް ކުރަނީ ކަސްޓަމަރުންނަށް ތަފާތު ހިތްގައިމު އައު އޮފަރތާކެއް ގެނެސްދީ، ފަސޭހަކަމާ އެކު އެފަރާތްތައް ގުޅުވާލަދިނުމަށް ކަމަށެވެ.
"ދިރާގު 5ޖީ ޓާބޯ ވައިފައި އާ އެކު ކަސްޓަމަރުންނަށް ތަފާތު އަގުތަކާއި ޑޭޓާ އެލަވަންސްތަކުގެ ޕޯސްޓްޕެއިޑް އަދި ޕްރީޕެއިޑް ޕްލޭންތައް ހިޔާރުކުރެވޭނެ. އަދި މިއާ އެކު އެފަރާތްތަކުގެ ހުރިހާ ސްޓްރީމްން، ބްރައުސިން އަދި ގޭމިން ބޭނުންތަކަށް 500 އެމްބީޕީއެސްއާ ހަމައަށް އިންޓަނެޓް ސްޕީޑް ތަޖުރިބާކޮށްލެވޭނެ،" ޖަނާ އިބްރާހިމް ވިދާޅުވި އެވެ.
ދިރާގު 5ޖީ ޓާބޯ ވައިފައި ޕްލޭންތަކާއެކު ކަސްޓަމަރުންނަށް އިތުބާރު ކުރެވޭ، 5ޖީ ސްޕީޑްގެ ހަލުވި އިންޓަނެޓް ކޮންމެ ތަނެއްގައި ހުރެގެންވެސް ބޭނުންކޮށްލެވޭނެ ކަމަށް އެ ކުންފުނިން ބުންޏެވެ.
އަދި 5ޖީ ޓާބޯ ޕޯސްޓްޕެއިޑް ޕްލޭންތައް ނަގާ ކަސްޓަމަރުންނަށް ޑޭޓާ ރޯލްއޯވަރއާއެކު ބޭނުން ނުކުރާ ޑޭޓާ އެއް މަސް ދުވަހަށް ކުރިއަށް ގެންދެވޭއިރު، އެ ޕްލޭންތަކާ އެކު ހާއްސަ 5ޖީ ބޫސްޓަރތަށް ވެސް ކަސްޓަމަރުންނަށް ނެގޭނެ އެވެ.
ދިރާގުން އަބަދުވެސް ކަސްޓަމަރުން ޝައުގުވެރިވާ އެކި އެކި ޕްރޮމޯޝަންތައް ކުރިއަށް ގެންދެ އެވެ. އެގޮތުން ކަސްޓަމަރުންނަށް އަގުހުރި އިނާމުތައް ލިބޭ ޕްރޮމޯޝަންތައް ވެސް އެ ކުންފުނިން ދަނީ ކުރިއަށް ގެންދަމުންނެވެ.
