ކޮންޓްރޯލް ނެގުމަށް ސަރުކާރުން ޓެކްސީ ހިދުމަތް ދޭން ފަށަނީ

ޓްރާންސްޕޯޓް މިނިސްޓަރު މުހައްމަދު އަމީން: ކޮންޓްރޯލް ނެގުމަށް ސަރުކާރުން ޓެކްސީ ހިދުމަތް ދޭން ފަށަން ނިންމާފައިވާ ކަމަށް ވިދާޅުވި -- ފޮޓޯ: އަދަދު ފައިލް

ޓްރާންސްޕޯޓް މިނިސްޓަރު މުހައްމަދު އަމީން: ކޮންޓްރޯލް ނެގުމަށް ސަރުކާރުން ޓެކްސީ ހިދުމަތް ދޭން ފަށަން ނިންމާފައިވާ ކަމަށް ވިދާޅުވި -- ފޮޓޯ: އަދަދު ފައިލް

ޓެކްސީ ހިދުމަތުގެ ކޮންޓްރޯލް ނެގުމަށް ސަރުކާރުން ޓެކްސީ ހިދުމަތް ދޭން ނިންމާފައިވާ ކަމަށް ޓްރާންސްޕޯޓް މިނިސްޓަރު މުހައްމަދު އަމީން މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ އިގްތިސާދީ ކޮމިޓީގައި އަމީން ވިދާޅުވީ ޓެކްސީ ހިދުމަތް ދިނުން ސަރުކާރު ހިއްސާވާ ކުންފުންޏަކާ ހަވާލު ކުރަން ނިންމާފައިވާ ކަމަށާއި އެ ކަމަށް މަސައްކަތްތަކެއް ވެސް ކުރަމުންދާ ކަމަށެވެ.

"ބްރޭންޑް ނިއު އެއްޗެހި [ކާރުތައް] ގެނެސްފައި ރާއްޖޭގެ އެސްއޯއީއަކާ ހަވާލު ކުރަން މިއުޅެނީ. އެސްއޯއީއަކާ ހަވާލުކޮށްގެން މިކަންތައް ފަށަން މިހާރު ގޮސްފައި އޮތް ހިސާބަކީ މާލެ ސަރަހައްދުގައި ޕާކް ކުރާނެ ތަންތަނުގެ ކޮންސާންސްއާ އެކީގައި އަޅުގަނޑުމެން މިނިސްޓްރީއަށް ސަރުކާރުގެ ތެރެއިން މިހާރު ބިން ކަނޑައަޅާފައި މިކަމަށް،" އަމީން ވިދާޅުވި އެވެ.

އަމީން ވިދާޅުވީ އެ ބިންތައް ކުރިއަށް އޮތް 10 ވަރަކަށް ދުވަސް ތެރޭގައި މިނިސްޓްރީއާ ހަވާލު ކުރާނެ ކަމަށެވެ.

އާރްޓީއެލް ބަސް ހިންގާ ކޮންސެޕްޓްގެ ދަށުން އެމްޓީސީސީއާ ޓެކްސީގެ ހިދުމަތް ހަވާލު ކުރެވިދާނެކަން ފަހާގަ ކުރައްވާ އަމީން ވިދާޅުވީ އެ ކުންފުންޏަށް ކެޕިޓަލް އިންވެސްޓްމަންޓް ދީގެން ދިގު މުއްދަތަކަށް ހިދުމަތް ދިނުމަށް ހަވާލު ކުރެވިދާނެ ކަމަށެވެ.

ޓެކްސީ ހިދުމަތް ދޭން ފަށާނީ ސޮއިކޮށްފައި ހުރި ކޮންވެންޝަންތަކާ އެއްގޮތަށް އިލެކްޓްރިކަލް ވެހިކަލްތައް ވެސް ބޭނުން ކޮށްގެން ކަމަށާއި ސްޓެލްކޯގެ ޕަވާ ގްރިޑަށް އެކަށީގެންވާ ވަރަށް 20 ޕަސަންޓާއި 25 ޕަސަންޓާ ދޭތެރޭގައި އިލެކްޓްރިކް ވެެހިކަލްތައް ބޭނުން ކުރާނެ ކަމަށް އަމީން ވިދާޅުވި އެވެ.

އަމީން ވިދާޅުވީ ޓެކްސީ ހިދުމަތް ދޭން ފަށާނީ 50 ޕަސަންޓް ފުލްކޮށް މަސައްކަތް ކުރާ މުވައްޒަފުންނާއި އަނެއް 50 ޕަސަންޓް ޕާޓް ޓައިމްކޮށް މަސައްކަތް ކުރާ މުވައްޒަފުންނާ އެކުގައި ކަމަށާއި ރަނގަޅު ޝަރުތުަކެއް އެކަމަށް ކަނޑައެޅިފައި ހުންނާނެ ކަމަށެވެ.

އޭގެއިތުރުން އެ ހިދުމަތް ދޭން ފަށާނީ ޑްރައިވަރުންގެ ބާރު ނުހިނގާ ގޮތަށް ވަރަށް ސްޓޭޑަޑައިޒްކޮށް ޓެކްސީ ހިދުމަތް ހުރިހާ ގަޑިއެއްގައި އެއްވެސް ދައްޗެއް ނެތި ލިބޭނޭ ގޮތަށްކަމަށް އަމީން ވިދާޅުވި އެވެ.

"ޑްރައިވަރުންގެ ބާރު ނުހިނގާ ގޮތަށް، ސިސްޓަމުން އެންގީމަ އެމީހަކު އެތަނަކަށް ގޮސްފައި އަދި ފައިސާގެ މުއާމަލާތް ވެސް ކުރަން ނުޖެހޭ ގޮތަށް ޑްރައިވަރުގެ ޑިޒިޝަނެއް ނެތި، ވާހަކައަކީ ޑްރައިވަރަކަށް ނުނިންމޭނެއޭ ތިމަންނަ މިވެނި ގަޑިއެއްގައޭ މަސައްކަތް ކުރާނީ. ޑްރައިވަރަކަށް ނުނިންމޭނެއޭ މިވެނި އަދަދަކަށޭ ފައިސާ ނަގާނީ ވެސް،" އަމީން ވިދާޅުވި އެވެ.

ޓެކްސީގެ ހިދުމަތް މާލެ ސަރަހައްދުގައި ދިނުމަށްފަހު، އެ ހިދުމަތް އާބާދީ ބޮޑެތި ސަރަހައްދަށް ފުޅާ ކުރާނެ ކަމަށް ވެސް އަމީން ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox