"ބަޖެޓުން ހަރަދުކުރި ކަމަށް ފެންނަނީ 18 ބިލިއަން، ބާކީ 31 ބިލިއަން މި ސަރުކާރުން ދިރުވާލައިފި"

ކަނޑިތީމު މެންބަރު އަމީން, ކެންދޫ މެންބަރު މަޓޭ, ގަލޮޅު ދެކުނު މެންބަރު މީކާއިލް, ހުޅުމާލެ ދެކުނު މެންބަރު ޝަމްހީދު, ހަނިމާދޫ މެންބަރު ޣަފޫރު ---

ކަނޑިތީމު މެންބަރު އަމީން, ކެންދޫ މެންބަރު މަޓޭ, ގަލޮޅު ދެކުނު މެންބަރު މީކާއިލް, ހުޅުމާލެ ދެކުނު މެންބަރު ޝަމްހީދު, ހަނިމާދޫ މެންބަރު ޣަފޫރު ---

މި އަހަރަށް ފާސްކުރި ދައުލަތުގެ ބަޖެޓުން ހަރަދު ކުރި ގޮތް ހާމަނުކޮށް އެ ފައިސާއިން ދެކޮޅު ނުޖެހިގެން ސަޕްލިމެންޓަރީ ބަޖެޓެއް ހުށަހަޅާފައިވަނީ ރައްޔިތުންގެ ފައިސާއިން ވައްކަން ކުރުމުގެ ނިޔަތުގައި ކަމަށާއި 31 ބިލިއަން ރުފިޔާއަށް ވީނުވީއެއް ނޭނގި ދިރުވާލާފައިވާ ކަމަށް އިދިކޮޅު މައި ޕާޓީ, މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ މެންބަރުން ވިދާޅުވެއްޖެ އެވެ.

މިއަދު ފިނޭންސް މިނިސްޓަރު ވަނީ 5.1 ބިލިއަން ރުފިޔާގެ ސަޕްލިމެންޓަރީ ބަޖެޓެއް ރައްޔިތުންގެ މަޖިލީހަށް ހުށަހަޅުއްވާފަ އެވެ. އެ ބަޖެޓުގެ ބަހުސްގައި ވާހަކަ ދައްކަވަމުން އެމްޑީޕީގެ މެންބަރުން ވިދާޅުވީ، ހަރަދުތައް ސިއްރުކޮށްގެން ތިބެ މުޅި މާލީ ނިޒާމާ މެދު ރައްޔިތުންގެ މެދުގައި އޮތް އިތުބާރު ސަރުކާރުން ގެއްލުވާލާފައިވާ ކަމަށެވެ.

"49 ބިލިއަން ރުފިޔާގެ ބަޖެޓުން މިހާ ހިސާބަށް އައިއިރު ހަރަދު ކުރެވިފައިވާ ކަމަށް އޮތީ އެންމެ 18 ބިލިއަން ރުފިޔާ. ބާކީވާ 31 ބިލިއަން ރުފިޔާއަށް ވީ ގޮތެއް އަޅުގަނޑުމެންނަކަށް ނޭނގޭ. އެހެން ތިއްބާ އިތުރު ފަސް ބިލިއަންގެ ސަޕްލިމެންޓަރީ ބަޖެޓެއް ހުށަހަޅައިފި. އެ 31 ބިލިއަނަށް ވީ ގޮތެއް ހިސާބުތަކުން ބުނެ ނުދީ, ދައުލަތުގެ މާލީ ރިޕޯޓުތައް ހާމަނުކޮށް އިތުރު ފަސް ބިލިއަން ރުފިޔާ ދޭށޭ ތި ވިދާޅުވަނީ," ކެންދޫ ދާއިރާގެ މެންބަރު މައުރޫފް ޒާކިރު (މަޓޭ) ވިދާޅުވި އެވެ.

ޖޫން 20, ގެ ފަހުން ދައުލަތުގެ އާމްދަނީ އާއި ހަރަދުގެ ހިސާބުތައް ހާމަނުކުރެ އެވެ. އެ މައުލޫމާތުތައް ހާމަކުރާނެ ދުވަހެއް ވެސް ސަރުކާރުން ބުނެފައި ނުވާއިރު އެކަމުގެ ކަންބޮޑުވުން އެމްޑީޕީގެ މެންބަރުން ވަނީ ފާޅުކޮށްފަ އެވެ. ހަރަދުތައް ފޫބެއްދުމަށް ދަރަނި ނަގަމުންދާކަން ވެސް މެންބަރުން ފާހަގަކުރެއްވި އެވެ.

31 ބިލިއަން ރުފިޔާ ފެން ތައްޓާކާ ނުލައި މި ސަރުކާރުން ވީނުވީއެއް ނޭނގި ދިރުވާލައިފި,

ބަޖެޓަށް ތާއިދެއް ނެތް ކަމަށާއި ބަޖެތު ފާސްވިޔަ ނުދިނުމަށް ކުރަން ޖެހޭ ހުރިހާ ކަމެއް ކުރައްވާނެ ކަމަށް ވެސް މަޓޭ ވިދާޅުވި އެވެ.

"މިއަހަރާ އެއްވަރަށް ދައުލަތުން ހަރަދު ކުރި އަހަރެއް މި ބަޖެޓު ފާސްކުރީމަ ދެނެއް ނޯންނާނެ. މި ދައްކަނީ ހަރަދު ކުޑަކުރާ ވާހަކަ. ނަމަވެސް ހަރަދު ކުޑަކުރާ ތަނެއް ނުފެނޭ އަޅުގަނޑުމެންނަށް. އެއްވެސް ޕްރޮޖެކްޓެއް ހިނގާ މަންޒަރެއް ނުފެނޭ. ހަރަދު ވެއްޖެ ދުވަހަކު ވެސް ހަރަދު ނުވާ ވަރަށް. އެ ހަރަދު ހިނގި ގޮތެއް ފެންނާކަށް ނެތް. މާލިއްޔަތު ކޮމިޓީއަށް ވެސް ފެންނަން ނެތް," މާލިއްޔަތު ކޮމިޓީގައި އެމްޑީޕީ ތަމްސީލުކުރާ ދެ މެންބަރުންގެ ތެރެއިން ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ ވިދާޅުވި އެވެ.

މި ސަރުކާރުން ވެސް ދަރަނި ނަގަމުންދާ ކަމަށާއި ނަމަވެސް އެ ދަރަނި ނަގައިގެން ރައްޔިތުންނަށް ޓަކައި ކުރެވޭ އެއްވެސް ކަމެއް ފެންނަމުން ނުދާކަން އެމްޑީޕީގެ މެންބަރުން ފާހަގަކުރެއްވި އެވެ.

"މި އަހަރު ދައުލަތުގެ ދަރަންޏަށް 21 ބިލިއަން އެބަ އިތުރުވޭ. މިއީ ރާއްޖޭގެ ތާރީހެއްގައި އަހަރެއްގެ ތެރޭގައި ދައުލަތުގެ ދަރަންޏަށް އެންމެ ބޮޑު އަދަދެއް އިތުރުވެގެންދާނެ އަހަރު. ގާތްގަނޑަކަށް 37 ޕަސެންޓު ދަރަނި ބަޖެޓެއްގެ ވާހަކަ މި ދައްކަނީ," މާލިއްޔަތު ކޮމިޓީގައި އެމްޑީޕީ ތަމްސީލުކުރާ ދެވަނަ މެންބަރު ހުޅުމާލެ ދެކުނު ދާއިރާގެ މެންބަރު ޑރ. އަހްމަދު ޝަމްހީދު ވިދާޅުވި އެވެ.

ނަވާރަވަނަ މަޖިލީހުން ބަޖެޓު ކުރި ޕީއެސްއައިޕީގެ މަޝްރޫއުތަކަށް ފައިސާ ހަރަދު ކޮށްފައި ނުވާ ކަމަށާއި އެ ފައިސާއަށް ވީ ގޮތެއް ރައްޔިތުންނަށް ސާފު ކޮށްދޭން ޖެހޭ ކަމަށް ކަނޑިތީމު ދާއިރާގެ މެންބަރު އަމީން ފައިސަލް ވިދާޅުވި އެވެ. މަޝްރޫއުތައް ހިންގަނީ ރައްޔިތުން ދައްކާ ޓެކްސް ފައިސާއިން ކަމަށާއި އެއަށް ވީގޮތެއް ރައްޔިތުން ހޯދާނެ ކަމަށް ވެސް އޭނާ ވިދާޅުވި އެވެ.

"10 މަސް 11 މަސްވީ. ކުރީ ސަރުކާރުގެ ކާކު ގެނެވުނީ. ކޮން ކަމެއް ބެލުނީ. ކޮން ފިޔަވަޅެއް އެޅުނީ. ވައްކަން ވައްކަން ވައްކަން. ރިހާކުރުފުޅި ވަގަށް ނަގާ މީހާ މިއަދު ވެސް ހުރީ ޖަލު ހުކުމުގައި. އެކަމަކު ބައިތުލްމާލުން ހަތަރެސްފައި ޖަހާފައި ވައްކަން ކުރީޔޭ ބުނާއިރު ފިޔަވަޅެއް ނޭޅޭ. މިއަދު ވެސް ކުރަނީ ވައްކަން. އެޅޭނެ ފިޔަވަޅެއް ނެތް," އަމީން ވިދާޅުވި އެވެ.

ބަޖެޓު ބަހުސްގައި ޕީއެންސީގެ މެންބަރުން މައިގަނޑު ގޮތެއްގައި ދެއްކީ "ކުރީ ސަރުކާރު"ގެ ވާހަކަ އެވެ. ބަހުސް ނިންމައި ބަޖެޓު ދިރާސާކުރަން ކޮމިޓީއަށް ފޮނުވާފައިވާއިރު ކޮމިޓީއަށް ދީފައިވަނީ ދިރާސާކުރަން އެއް ދުވަހުގެ މުއްދަތެކެވެެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox