މަސްވެރިކަން ވަރަށް ބޮޑަށް ދަށްވެ, އަހަރެއްގެ ތެރޭ މަހުގެ އަގު 12 ޕަސެންޓު އުފުލިއްޖެ

ބާޒާރުގައި މީހަކު ކަޅުބިލަމަސްތަކެއް ހިފައިގެން ދަނީ: އަހަރެއްގެ ތެރޭގައި މަހުގެ އަގު ވަނީ 12 ޕަސެންޓު އުފުލިފައި -- ފޮޓޯ: މުހައްމަދު ޝަހުޒާން / އަދަދު

ބާޒާރުގައި މީހަކު ކަޅުބިލަމަސްތަކެއް ހިފައިގެން ދަނީ: އަހަރެއްގެ ތެރޭގައި މަހުގެ އަގު ވަނީ 12 ޕަސެންޓު އުފުލިފައި -- ފޮޓޯ: މުހައްމަދު ޝަހުޒާން / އަދަދު

މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ އާއި މޯލްޑިވްސް ބިއުރޯ އޮފް ސްޓެޓިސްޓިކްސްގެ ހިސާބުތަކުން ދައްކާ ގޮތުގައި މަސްވެރިކަން ވަރަށް ބޮޑަށް ދަށްވެ، މަހުގެ އަގު ވަރަށް ބޮޑުތަނުން އުފުލިއްޖެ އެވެ.

މިފްކޯގެ ހިސާބުތަކުން ދައްކާ ގޮތުގައި މި ހިނގާ އޮކްޓޯބަރު 17، އާ ހަމައަށް އެ ކުންފުންޏަށް ގަތީ 28،951 މެޓްރިކް ޓަނުގެ ކަޅުބިލަ މަހެވެ. އެކަމަކު، މިދިޔަ އަހަރު، އޮކްޓޯބަރު މަހުގެ ނިޔަލަށް އެ ކުންފުންޏަށް 57،510 މެޓްރިކް ޓަނުގެ މަސް ކިރި އެވެ. އެހެންކަމުން ހިސާބުތަކަށް ބަލާއިރު، މި އަހަރު ކިރި މަހުގެ އަދަދު މިދިޔަ އަހަރަށްވުރެ 28،951 މެޓްރިކް ޓަނު މަދެވެ.

ހިސާބުތަކަށް ބަލާއިރު މި އަހަރުގެ ހުރިހާ މަހެއްގައި ވެސް މަސްވެރިކަން ދަށެވެ. އެކަމަކު އެންމެ ބޮޑަށް މަސްވެރިކަން ދަށްވީ ޖުލައި މަހުގެ ތެރޭގަ އެވެ. ޖުލައި މަހު މިފްކޯއަށް ކިރީ އެންމެ 247 މެޓްރިކް ޓަނުގެ މަހެވެ. އެންމެ ގިނައިން މަސް ކިރާފައި އޮތީ ޖެނުއަރީ މަހެވެ. ޖެނުއަރީގައި 7452 މެޓްރިކް ޓަނުގެ މަސް ކިރި އެވެ.

ޖުލައި މަހު މަސް ކިރި އަދަދު އެންމެ މަދުވި ނަމަވެސް، މިދިޔަ އަހަރާ އަޅާބަލާއިރު މަސްވެރިކަން އެންމެ ބޮޑަށް ދަށްވީ މެއި މަހުގެ ތެރޭގަ އެވެ. މި އަހަރުގެ މެއި މަހު ބޭނީ މިދިޔަ އަހަރުގެ މެއި މަހަށް ވުރެ 4869 މެޓްރިކް ޓަނު މަދުންނެވެ.

ސްޓެޓިސްޓިކްސް ބިއުރޯއިން އެންމެ ފަހުން އާންމުކޮށްފައިވާ އޯގަސްޓް، 2024، ގެ ކޮންޒިއުމާ ޕްރައިސް އިންޑެކްސް އަށް ބަލާއިރު، އަހަރެއްގެ ތެރޭގައި މަހުގެ އަގު ވަނީ 12.64 ޕަސެންޓު އުފުލިފަ އެވެ. މި އަހަރުގެ ޖުލައި މަހުން އޯގަސްޓު މަހަށް ވެސް މަހުގެ އަގު 1.13 ޕަސެންޓު އުފުލުނެވެ.

މި އަހަރުގެ ޖުލައި މަހުން އޯގަސްޓު މަހަށް މަހުގެ އަގު ބޮޑުވި އެންމެ ބޮޑު ސަބަބަކީ ފަރުމަހާއި ރިހާކުރުމުގެ އަގު އުފުލުމެވެ. މަހެއްގެ ތެރޭގައި ފަރުމަހުގެ އަގު 3.48 ޕަސެންޓު އުފުލުނެވެ. އަދި ރިހާކުރުގެ އަގު 2.91 ޕަސެންޓު އުފުލުނެވެ.

މި ސަރުކާރު ވެރިކަމަށް އައިއިރު، މަސް ކިލޯއެއްގެ އަގު އުޅުނީ 22ރ. ގަ އެވެ. ނަމަވެސް ސަރުކާރުން ވަނީ މަސް ގަންނަ އަގު ވަރަށް ބޮޑަށް ތިރިކޮށްލައިފަ އެވެ. މިހާރު ގަނޑުކުރި މަސް ކިލޯއެއް މިފްކޯއަށް ގަންނަނީ 16ރ. އަށެވެ. އަދި ގަނޑުނުކުރާ މަސް ކިލޯއެއް ގަންނަނީ 14ރ. އަށެވެ.

މަހުގެ އަގު ސަރުކާރުން ދަށް ކުރި ނަމަވެސް ކިލޯއެއް 20ރ. އިން މަތީގައި ހިފެހެއްޓުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ.

"އެގޮތުން އަޅުގަނޑު ދަންނަވާލަން ބޭނުންވަނީ ދުނިޔޭގެ ބާޒާރުގައި މަސް ގަންނަން ހުންނަ އަގުތަކަށް ރިއާޔަތްކޮށް، އަޅުގަނޑުމެންގެ ސިޔާސަތަކަށް ވާނ،ީ އަޅުގަނޑުމެން ގަސްތުކުރާ ގޮތަކ،ީ ރާއްޖޭގައި މަސް ގަންނ،ަ ރޯމަސް ގަންނަ އެންމެ ދަށް އަގު 20 ރުފިޔާއަށް ހެދުން. އެއީ އަޅުގަނޑުމެން ގަސްދުކުރާ ގޮތް ކަން އަޅުގަނޑު އިއުލާންކުރަން،" އޯގަސްޓު 19، 2023، ގައި މ. ދިއްގަރުގައި ވާހަކަ ދައްކަވަމުން ރައީސް ވިދާޅުވެފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox