ޖަޕާނު ސަރުކާރުން ރާއްޖެއަށް 2.5 މިލިއަން ޑޮލަރުގެ ސީސީޓީވީ ކެމެރާ ހަދިޔާކޮށްފި

Oct 14, 2024, 8:46 AM
ސީސީޓީވީ ހަދިޔާ ކުރަން ބޭއްވި ރަސްމިއްޔާތުގެ ތެރެއިން: ޖަޕާނުން ވަނީ މި ފަހުން ރާއްޖެއަށް ވަރަށް ބައިވަރު އެހީ ދީފައި -- ފޮޓޯ: ޖަޕާނު އެމްބަސީ

ސީސީޓީވީ ހަދިޔާ ކުރަން ބޭއްވި ރަސްމިއްޔާތުގެ ތެރެއިން: ޖަޕާނުން ވަނީ މި ފަހުން ރާއްޖެއަށް ވަރަށް ބައިވަރު އެހީ ދީފައި -- ފޮޓޯ: ޖަޕާނު އެމްބަސީ

ޖަޕާނު ސަރުކާރުން ދިވެހި ފުލުހުންނަށް 2.5 މިލިއަން ޑޮލަރު (38.5 މިލިއަން ރުފިޔާ) ގެ ސީސީޓީވީ ކެމެރާތަކެއް ހަދިޔާކޮށްފި އެވެ.

އެއީ އެއްގަމުން ކަނޑުގެ ސަރަހައްދު އަދި ބަނދަރުމަތި ބެލޭވަރުގެ ކެމެރާތަކެކެވެ. އެ ކެމެރާތައް ހަވާލުކޮށްދެއްވީ ޖަޕާނުން ރާއްޖެއަށް ކަނޑައަޅާފައި ހުންނަ އެމްބެސަޑަރު ޓަކެއޫޗީ މިޑޯރީ އެވެ. ތަކެއްޗާ ހަވާލުވީ ޕޮލިސް ކޮމިޝަނަރު އަލީ ސުޖާއު އެވެ.

ޖަޕާނަކީ ދިވެހިރާއްޖެއަށް އެންމެ ބޮޑަށް އެހީތެރިވެދޭ އެއް ގައުމެވެ. އެގޮތުން މިދިޔަ ސެޕްޓެމްބަރު މަހުގެ ތެރޭގައި މާލޭގެ ތޮށިގަނޑު މަރާމާތު ކުރަން ވެސް ޖަޕާނުން ވަނީ 140،000 ޑޮލަރު ދީފަ އެވެ. ސީސީޓީވީ ހަވާލު ކުރީ އިއްޔެ އިސްކަންދަރު ކޮށީގައި ބޭއްވި ރަސްމިއްޔާތެއްގަ އެވެ.

އޭގެ ކުރިން ޖުލައި މަހުގެ ތެރޭގައި އެއް މިލިއަން ޑޮލަރުގެ ހިލޭ އެހީއެއް ވެސް ޖަޕާނު ސަރުކާރުން ދިނެވެ. އެއީ އިންސާނީ ވަސީލަތްތައް ތަރައްގީ ކުރަން ދިން އެހީއެކެވެ.

ފެބްރުއަރީ، 2024، ގައި ވެސް ޖަޕާނުން ވަނީ ރާއްޖެއަށް 38 މިލިއަން ރުފިޔާގެ އެހީއެއް ދީފަ އެވެ. އެ ފަހަރު އެހީ ދިނީ ބްރޯޑްކާސްޓިން ނެޓްވޯކް ތަރައްގީ ކުރުމަށެވެ.

އޮކްޓޯބަރު، 2023، ގައި ވެސް ޖަޕާނު ސަރުކާރުން ވަނީ ރާއްޖެއަށް ބޮޑު އެހީއެއް ދީފަ އެވެ. އެ ފަހަރު ދިނީ 38 މިލިއަން ރުފިޔާގެ ޑްރަގް ޓެސްޓިން ކިޓުތަކެކެވެ. އަދި ޑިސެމްބަރު، 2022، ގައި ވެސް ދެމެހެއްޓެނިވި ގޮތެއްގައި ކުނި ނައްތާލުމަށް 80 މިލިއަން ރުފިޔާގެ އެހީއެއް ޖަޕާނުން ދިނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox