މުރާލި، ނަތީޖާ ނެރެވޭ މީހަކަށްވުމަށް ނަފުސާނީ ދުޅަހެޔޮކަން މުހިންމު: ރައީސް
މުރާލި ނަތީޖާ ނެރެވޭ މީހަކަށްވުމަށް ނަފުސާނީ ދުޅަހެޔޮކަން މުހިންމު ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
ދުނިޔޭގެ ނަފުސާނީ ދުޅަހެޔޮކަމުގެ ދުވަހުގެ މުނާސަބަތުގައި ރައީސް އެކްސްގައި ކުރެއްވި ޕޯސްޓެއްގައި ވިދާޅުވީ، މުރާލި އަދި ނަތީޖާ ނެރެވޭ މީހަކަށްވުމަށް މީހާގެ ނަފުސާނީ ދުޅަހެޔޮކަން ބޮޑު ދައުރެއް އަދާ ކުރާ ކަމަށެވެ.
"ސަލާމަތް ސިއްހަތުގެ ދެބައިކުޅަ އެއްބަޔަކީ ނަފުސާނީ ދުޅަހެޔޮކަން،" އެމަނިކުފާނު ވިދާޅުވި އެވެ. "އެހެންކަމުން ނަފުސާނީ ދުޅަހެޔޮކަމަށް ސަމާލުކަމެއް ދެމާތޯ!."
ޒަހަމްތަކަކާއެކު މަގުމައްޗަށް ވެއްޓިފައި އޮތް މީހަކު ފެނިއްޖެ
ޒަހަމްތަކަކާއެކު މަޖީދީ މަގަށް ވެއްޓިފައި އޮތް ފިރިހެނަކު ރޭ ދަންވަރު ފެނިފައިވާ ކަމަށް ފުލުހުން ބުނެފި އެވެ.
މީޑިއާތަކަށް ފުލުހުން ފޮނުވި މެސެޖެއްގައި ބުނީ އެ މީހާ ފެނުނީ ރޭ ދަންވަރު 1:25 ހާއިރު "ސޮރީ ބަޮއިސް" ފިހާރަ ކައިރިން ކަމަށެވެ.
އޭނާ އެ ވަގުތު ހޮސްޕިޓަލަށް ގެންގޮސް ފަރުވާ ދިނުމަށްފަހު ހެނދުނު 6:19 ހާއިރު އޭނާ ދޫކޮށްލާފައިވާ ކަމަށް ފުލުހުން ބުނެ އެވެ.
އެ މައްސަލަ ފުލުހުން ބަލަމުންދާ ކަމަށް އެ އިދާރާއިން ބުންޏެވެ.
މި ސަރުކާރުގެ އެންމެ ބޮޑު ތަފާތަކީ އެއްބަސްވުންތައް ނުފޮރުން: ފޮރިން މިނިސްޓަރު
މި ސަރުކާރުގެ އެންމެ ބޮޑު ތަފާތަކީ، އެހެން ގައުމުތަކާއެކު ސޮއި ކުރާ އެއްބަސްވުންތަކުގައި ފޮރުވާނެ ކަމެއް ނެތުން ކަމަށް ހާރިޖީ ވަޒީރު އަބްދުﷲ ހަލީލު ވިދާޅުވެއްޖެ އެވެ.
ރައީސް ޑރ. މުހައްމަދު މުއިއްޒު އަދި ސަރުކާރުގެ ސީނިއާ ވަފުދެއް އިންޑިއާއަށް މިހާރު ކުރައްވަމުން ގެންދަވާ ދަތުރުގައި ޕީއެސްއެމްއަށް ދެއްވި އިންޓަވިއުއެއްގައި ހަލީލު ވިދާޅުވީ،
"އެންމެ ބޮޑު ތަފާތަކީ ދިވެހި ރައްޔިތުންނަށް ފޮރުވާނެ ކަމެއް ނެތް ކަން. އަޅުގަނޑުމެން އިންޑިއާ ސަރުކާރާ އެއްކޮށް ކުރެވުނު ނެގޯޝިއޭޝަނުގެ ތެރޭގައި އުފެދިގެންދިޔައީ ވިޝަން ޑޮކިއުމެންޓު ކިޔާ ޑޮކިއުމެންޓެއް. އެ ޑޮކިއުމެންޓު އެ އޮތީ އިންޑިއާ ސަރުކާރުން އިންޑިއާ ސަރުކާރުގެ ވެބްސައިޓުތަކުގައި ޝާއިއުކޮށްފައި،" އޭނާ ވިދާޅުވި އެވެ.
އިންޑިއާއަށް ކުރައްވަމުން ގެންދަވާ ދަތުރު ނިންމާލެއްވުމަށްފަހު ރައީސް މުއިއްޒު މިއަދު މާލެ ވަޑައިގަންނަވާނެ އެވެ.
