ފެކްޓު ޗެކް: ރާއްޖެ އައި އެމްއެސްސީ ބޯޓުގެ ހަގީގަތް

ލަންކާއިން ކޮންޓެއިނަރު ހިފައިގެން ރާއްޖެ އައި އެމްއެސްސީގެ ބޯޓު. -- ފޮޓޯ: އެމްޕީއެލް

ލަންކާއިން ކޮންޓެއިނަރު ހިފައިގެން ރާއްޖެ އައި އެމްއެސްސީގެ ބޯޓު. -- ފޮޓޯ: އެމްޕީއެލް

ދުނިޔޭގެ އެންމެ ބޮޑު ޝިޕިން ކުންފުނި، މެޑިޓެރޭނިއަން ޝިޕިން ކޮމްޕެނީ (އެމްއެސްސީ)ގެ ބޯޓެއް ފުރަތަމަ ފަހަރަށް ރާއްޖެ އަތުވެއްޖެ ކަމާއި، އެ ބޯޓާއެކު ރާއްޖެއަށް މުދާ ގެންނަ މިންވަރު ވަރަށް ބޮޑަށް އިތުރުވެ، ކޮންޓެއިނަރު ބޯޓުތަކުގެ ހިދުމަތް ފުޅާ ކުރެވޭނެ ކަމަށް އެމްޕީއެލްއާ ހަވާލާދީ ރާއްޖޭގެ ނޫހެއްގައި އިއްޔެ ބުނެފައިވެ އެވެ.

"އެމްއެސްސީ މަނާސާ އެފް" ބަނދަރު ކުރުން ފާހަގަ ކުރަން މިއަދު ރަސްމިއްޔާތެއް ވެސް ބޭއްވި އެވެ.

އެމްޕީއެލްއިން މައުލޫމާތު ފެތުރި ގޮތުން އެއީ ރާއްޖެ ޝެޑިއުލް ދަތުރުތައް ފެށި ކާގޯ ބޯޓެއް ކަމަށް ގަބޫލު ކުރެވިދާނެ އެވެ. ނަމަވެސް އެއީ ހަގީގަތެއް ނޫނެވެ.

ރާއްޖެއަށް އެންމެ ގިނަ މުދާ އެތެރެކުރާ އެއް ޕޯޓަކީ ކޮލަމްބޯ އެވެ. ކޮލަމްބޯއިން މާލެ އަށް ޝެޑިއުލްކޮށްގެން މުދާ ގެންނަނީ ބޭރުގެ ބައެއް ބޯޓު ފަހަރުންނާއި މޯލްޑިވްސް ސްޓޭޓު ޝިޕިން (އެމްއެމްއެސް) ބޯޓުން ނެވެ.

ރާއްޖެ އަށް ލަންކާއިން އެންމެ ގިނަ ކޮންޓެއިނަރު ގެންނަ އެއް ބޯޓަށް ދާދި ފަހުން ދިމާވި މައްސަަލައަކާ ގުޅިގެން އެ ބޯޓުގެ ދަތުރުތައް ހުއްޓުމުން، ރާއްޖެ އަށް ގެންނަން ހުރި ކޮންޓެއިނަރުތައް ކޮލަމްބޯ ޕޯޓުގައި ގިނަވި އެވެ.

އެމްއެސްސީގެ އެ ބޯޓު ރާއްޖެ މި އައީ އެ ކޮންޓެއިނަރުތަކުން 896 ކޮންޓެއިނަރުގެ މުދާ ހިފައިގެން ކަމަށް އެމްޕީއެލްގެ އޮފިޝަލަކު ވެސް ކަށަވަރުކޮށް ދިނެވެ.

ޝިޕިން ދާއިރާގައި ހަރަކާތްތެރިވާ ބައެއް މީހުން ބުނި ގޮތުގައި އެމްއެސްސީގެ ޝެޑިއުލް ދަތުރުތައް ރާއްޖެއަށް ފަށަން އަދި ނިންމާފައެއް ނެތެވެ. އެހެންވެ، އެބޯޓާއެކު ރާއްޖެއަށް މުދާ ގެންނަ މިންވަރު ވަރަށް ބޮޑަށް އިތުރުވެ، ކޮންޓެއިނަރު ބޯޓުތަކުގެ ހިދުމަތް ފުޅާ ކުރެވޭނެ ކަމަށް އެމްޕީއެލްއިން ބުނެފައިވާ ވާހަކައިން ކަންވި ގޮތާއި ހަގީގަތް އޮޅުން އަރަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox