އިންޑިއާ އާ ގުޅުވައި ހެދި ދޮގުތަކުން ގައުމަށް ލިބުނު ގެއްލުމަށް ސަރުކާރުގެ ވެރިން ޒިންމާވާން ޖެހޭ: ފައްޔާޒު

އެމްޑީޕީން ބޭއްވި ނޫސްވެރިންގެ ބައްދަލުވުމެއްގައި އެ ޕާޓީގެ ޗެއާޕާސަން، ފައްޔާޒު އިސްމާއިލް ވާހަކަދައްކަވަނީ -- ފޮޓޯ: މިރާޝް ނާޝިމް / އަދަދު

އެމްޑީޕީން ބޭއްވި ނޫސްވެރިންގެ ބައްދަލުވުމެއްގައި އެ ޕާޓީގެ ޗެއާޕާސަން، ފައްޔާޒު އިސްމާއިލް ވާހަކަދައްކަވަނީ -- ފޮޓޯ: މިރާޝް ނާޝިމް / އަދަދު

އިންޑިއާއަށް ރައީސް ޑރ. މުހައްމަދު މުއިއްޒު މިހާރު ކުރައްވަމުން ގެންދަވާ ދަތުރުފުޅުގެ ތެރެއިން މިއަދު ސޮއި ކުރި އެގްރީމެންޓުތަކުންނާއި ކުރި މަޝްވަރާތަކުން، އެނގި ހާމަވީ ވެރިކަން ހޯދުމަށްޓަކައި ޕީއެންސީގެ ވެރިން ހެދި ދޮގުތައް ކަމަށާއި އެ ދޮގުތަކުގެ ސަބަބުން ދިވެހި ގައުމަށް ލިބުނު ގެއްލުމުގެ ޒިންމާ މި ސަރުކާރުގެ ވެރިން އުފުލަން ޖެހޭ ކަމަށް އެމްޑީޕީގެ ޗެއާޕާސަން ފައްޔާޒް އިސްމާއިލް ވިދާޅުވެއްޖެ އެވެ.

އެކްސްގައި ފައްޔާޒު ކުރެއްވި ޕޯސްޓެއްގައި ވިދާޅުވީ މި ސަރުކާރުން އިންޑިއާ އާއެކު މިހާރު ކުރަމުންދާ މަސައްކަތްތަކުން ސާބިތު ކޮށްދެނީ އިންތިހާބު ދުވަސްވަރު ޕީޕީއެމް/ޕީއެންސީން ދެއްކި ވާހަކަތަކަކީ މީހުންގެ ހިތްތަކުގައި ބިރުވެރިކަން އުފެއްދުމުގެ މަގުސަދުގައި ހެދި ދޮގުކަން ކަމަށެވެ.

އެ ދޮގުތަކުގެ ސަބަބުން ދިވެހި ގައުމަށް އިގުތިސާދީ ގޮތުންނާއި ސިޔާސީ ގޮތުން ވަރަށް ބޮޑެތި ގެއްލުންތައް ލިބުނު ކަމަށް ފައްޔާޒް ވިދާޅުވި އެވެ. އެގޮތުން މި ގައުމަށް މާލީ ދަތިކަން ކުރިމަތިވެ، އެންމެ ބޮޑަށް އެހީ ބޭނުންވި ދަނޑިވަޅުގައި އެއްވެސް ބައެއްގެ އެހީ ނުލިބުމުގެ އިތުރަށް، ފައިނޭންޝަލް މާކެޓުތަކުގައި މި ގައުމުގެ އިތުބާރު ވެސް ގެއްލުނު ކަމަށެވެ.

"މި ހަގީގަތް ދުރާލާ ދެނެގަތުމުގެ ވިސްނުން ޑރ. މުއިއްޒުގެ ނެތުމާއި މި ސަރުކާރުގެ ވެރިންގެ ޒިންމާދާރުކަން ކުޑަ ސިޔާސަތުތަކުގެ ސަބަބުން ބައިނަލްއަގުވާމީ މައިދާނުގައި މި ގައުމުގެ އަގު ވެއްޓުމުގެ ހިތި ނަތީޖާ ތަހައްމަލު ކުރަން ޖެހިފައި މިވަނީ ދިވެހި ރައްޔިތުން، ބާރު ހޯދުމަށް ހަޑި މުޑުދާރު ދޮގުތައް ހެދުމުގެ ސަބަބުން ލިބުނު ގެއްލުމަށް މި ސަރުކާރުގެ ވެރިން ޒިންމާ އުފުލަންޖެހޭ،" ފައްޔާޒް ވިދާޅުވި އެވެ.

މި ސަރުކާރުގެ އިސް މަގާމުތަކުގައި ތިއްބެވި ބޭފުޅުންގެ އިތުރުން، ސީދާ ރައީސް މުއިއްޒު ވެސް މީގެ ކުރިން އެ މަޝްރޫއުތަކާ ދެކޮޅަށް އަޑުހަރުކޮށް އަޑު އުފުއްލެވި މަޝްރޫއުތައް ކުރިއަށް ގެންދިޔުމުގެ މަޝްވަރާ ކުރެއްވިކަން މިއަދު ރައީސް މުއިއްޒު އާއި އިންޑިއާގެ ބޮޑުވަޒީރު، ނަރެންދުރަ މޯދީ ދެއްވި ޖޮއިންޓު ޕްރެސް ސްޓޭޓުމެންޓުގައި ވަނީ ވިދާޅުވެފަ އެވެ.

އެކަމަށް ފާޑު ވިދާޅުވެ ފައްޔާޒް ކުރެއްވި ޕޯސްޓުގައި ވިދާޅުވީ އިންޑިއާ އާއެކު އޮންނަ ގުޅުމަކީ ނުރައްކަލެއް ކަމަށް ދެއްކުމަކީ ޒިންމާދާރުކަން ކުޑަ އަމަލެއްކަން މިއަދު އެނގި ހާމަވެއްޖެ ކަމަށެވެ.

"ހައިޑްރޯގްރަފީ އެއްބަސްވުމާއި ޔޫޓީއެފް، އައްޑޫގެ އުމްރާނީ މަޝްރޫއުތައް، އަދި އައްޑޫގައި ކޮންސިއުލޭޓެއް ގާއިމުކުރުމުގެ މަޝްރޫއު، [މިހާރުގެ ސަރުކާރުގެ ލީޑަރުން ކުރީގައި މިއީ ކޮލޮނައިޒް ކުރުމުގެ ޕްލޭނެއް ކަމަށް ސިފަކޮށްފައިވާ މަޝްރޫއުތައް] ކުރިއަށް ގެންދިއުމުން ދައްކުވައިދެނީ އިންޑިއާ އާއެކު އޮންނަ ގުޅުމަކީ ދިވެހިރާއްޖެއަށް ނުރައްކަލެއް ކަމަށް ދެއްކުމަކީ ކިހާ ޒިންމާދާރުކަން ކުޑަ ކަމެއްކަން،" މިދިޔަ ސަރުކާރުގެ އިކޮނޮމިކް މިނިސްޓަރުކަން ވެސް ކުރެއްވި ފައްޔާޒު ވިދާޅުވި އެވެ.

ފައްޔާޒުގެ އިތުރުން ވެސް ގިނަ ބަޔަކު ދަނީ ރައީސް މުއިއްޒުގެ ބަދަލުވި ވާހަކަތަކަށް ފާޑުކިޔަމުންނެވެ. އެގޮތުން ކުރީގެ ހޯމް މިނިސްޓަރު، އުމަރު ނަސީރު ވިދާޅުވީ އިންޑިއާ މައްސަލައިގައި ރައީސް މުއިއްޒު ނެންގެވި ޔޫޓާން އަކީ މިހައިތަނަށް ރާއްޖޭގެ ވެރިއަކު ނުކުރައްވާވަރުގެ ކަމެއް ކަމަށާއި އެއީ ގައުމަށް ވީ ހިޔާނާތެއް ކަމަށެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox