ހުޅުމާލޭގައި ހިންގި އޮޕަރޭޝަނެއްގައި ގިނަ އަދަދެއްގެ ބަނގުރަލާއެކު ބިދޭސީއަކު ރޭ ހައްޔަރުކޮށްފި އެވެ.
އެ އޮޕަރޭޝަނުގައި ހުޅުމާލެ ފޭސް އެކެއްގެ މިދިލިމަގުން ކާރެއް ހުއްޓުވައި، ބަލައި ފާސްކުރިއިރު ގިނަ އަދަދެއްގެ ބަނގުރާ ފެނިފައިވާ ކަމަށް ފުލުހުން ބުނެ އެވެ.
"ކާރުން 144 ދަޅު ބަނގުރާ އަދި ހަތަރު ފުޅި ބަނގުރާ ފެނިފައިވޭ،" ފުލުހުން ބުންޏެވެ.
އެ މައްސަލައާ ގުޅިގެން ހައްޔަރުކުރީ ބަންގްލަދޭޝްގެ އެމްޑީ ކާލޫ، 26، ކަމަށް ފުލުހުން ބުންޏެވެ.
ފުލުހުން ބުނީ ހުޅުމާލެ ފޭސް އެކެއްގެ ޕޮލިސް ސްޓޭޝަނުން އެ މައްސަލަ ތަހުގީގު ކުރަން ފަށާފައިވާ ކަމަށެވެ.
