އާ ދެ ގާނޫނާ އެކު ކައުންސިލްތަކަށް އަމިއްލަ އިހުތިޔާރުގައި މަޝްރޫއެއް ނުހިންގޭނެ: އާޒިމް

Sep 11, 2024, 6:10 AM
ފެލިދެ އަތޮޅު ކައުންސިލްގެ އަހަރީ ޖަލްސާގައި މާލޭގެ މޭޔަރު އާދަމް އާޒިމް ރޭ ވާހަކަ ދައްކަވަނީ. ފޮޓޯ: ވ.އަތޮޅު ކައުންސިލް

ފެލިދެ އަތޮޅު ކައުންސިލްގެ އަހަރީ ޖަލްސާގައި މާލޭގެ މޭޔަރު އާދަމް އާޒިމް ރޭ ވާހަކަ ދައްކަވަނީ. ފޮޓޯ: ވ.އަތޮޅު ކައުންސިލް

ލާމަރުކަޒީ ގާނޫނަށް އެންމެ ފަހުން ގެނައި ބަދަލާއި، ބިނާވެށި ޕްލޭންކުރުމާއި ހިންގުމުގެ ގާނޫނު އޮތް ގޮތުން، ލޯކަލް ކައުންސިލްތަކުގެ އަމިއްލަ އިހުތިޔާރުގައި، ތަރައްގީގެ އެއްވެސް މަޝްރޫއެއް ނުހިންގޭނެ ކަަމަށް ވިދާޅުވެ، މާލޭގެ މޭޔަރު އާދަމް އާޒިމް ރޭ ކަންބޮޑުވުން ފާޅުކުރައްވައިފި އެވެ.

ފެލިދޫގައި ރޭ ބޭއްވި، "ފެލިދެ އަތޮޅު ކައުންސިލްގެ 66 ވަނަ އަހަރީ ޖަލްސާ" ޝަރަފުވެރިކޮށްދެއްވައި ވާހަކަ ދައްކަވަމުން އާޒިމް ވިދާޅުވީ އެ ދެ ގާނޫނު ހިންގަން ފެށުމުން، ކައުންސިލްތަކުގެ ކައުންސިލްގެ ދަށުގައި ހުރި ހުރިހާ ބިންތައް ކަހަލަ ގޮތަކަށް ނެގިގެންދާނެ ކަމަށެވެ. އެގޮތަށް އެކަން ވުމުން ކައުންސިލްތަކަށް ދެން ކުރެވެން އޮންނާނީ ވަރަށް މަދު ކަންތައްތަކެއް ކަމަށް ވެސް އޭނާ ވިދާޅުވި އެވެ.

"މިކަމާމެދު ވަރަށް ފުންކޮށް ވިސްނުންތަކެއް ހިޔާލުތަކެއް ގެންގުޅެން އެބަޖެހޭ. ގާނޫނަށް މި ބަދަލުތައް އަތުވެއްޖެ، ސިޓީ ކައުންސިލުތަކަށާއި ކައުންސިލުތަކަށް އަމިއްލަ އިހްތިޔާރުގައި ތަރައްގީގެ އެއްވެސް މަސައްކަތެއް ކުރަން ދަތިވާގޮތަށް މިގާނޫނު އޮތީ، ދެން ކައުންސިލުތަކުން ކުރަން އޮތްކަމަކަށްވާނީ، ކުނިކެހުމާއި ސަހަރާ ބެލެހެއްޓުމާއި އުފަން ދުވަހުގެ ސެޓްފިކެޓް ހެދުން ފަދަ، ވަރަށް އާދައިގެ މަސައްކަތް ކުރަން އޮތް ތަންތަނަށް،" އާޒިމް ވިދާޅުވި އެވެ.

Advertisement

އެހެން ނަމަވެސް އޭނާ ވިދާޅުވީ ރައްޔިތުންނަށް ބޭނުންވާ މުހިއްމު އިންފްރާންސްޓްރަކްޗާ ކައުންސިލުތަކުން ވެސް ގާއިމްކޮށްދެއްވެން ޖެހޭނެ ކަމަށެވެ. ރައީސް ޑރ. މުހައްމަދު މުއިއްޒު މާލޭގެ މޭޔަރަކަށް ހުންނެވި އިރު އެކަމަށް ވަރަށް ބޮޑަށް ވަކާލާތުކުރެއްވި ކަން އޭނާ ފާހަގަކުރެއްވި އެވެ.

"އެހެން ނަމަވެސް، ގާނޫނަށް މިހާރު ގެންނެވި، ބަދަލުން، ކުރިން ގެންގުޅުއްވި ވިސްނުންފުޅާ ދިމާ އިދިކޮޅު،" އާޒިމް ވިދާޅުވި އެވެ.

އޭނާ ވިދާޅުވި ގޮތުގައި ދުނިޔޭގައި ލާމަރުކަޒީ ނިޒާމު ތައާރަފްކުރަން ޖެހުނު މައިގަނޑު ސަބަބަކީ ވެސް ތަރައްގީވަމުން އައި ގައުއުމުތަކުގައި، މައި ސަރުކާރުގެ ދަށުގައި ހުރިހާ ބަރެއް އޮވެގެން ހިނގަމުން ދިއުމުން ސިޔާސީ ގޮތުންނާއި އިގުތިސާދީ ގޮތުންނާއި ފިކުރީ ގޮތުން، ރައްޔިތުން އެދޭ ހަލުއިމިނުގައި ތަރައްގީ ވަމުން ނުދިއުމެވެ. ލާމަރުކަޒީ ނިޒާމަށް ބަދަލުކުރަން ގައުމުތަކުގެ ރައްޔިތުން ބާރު އަޅަން ފެށީ އެހެންވެ ކަމަށް ވެސް އޭނާ ވިދާޅުވި އެވެ.

"މީގެ ނަތީޖާ މި ގައުމުތަކުން ފެނުނީ ވަރަށް އުޖާލާކޮށް. މީގެ ސަބަބުން މަދު އިގުތިސާދީ ވަސީލަތްތައް ބޭނުންކޮށްގެން، ރައްޔިތުންގެ ބޭނުންތައް ފުދޭ ގޮތަށް މަޝްރޫއުތައް ހިންގަން ފެށުނު،" އާޒިމް ވިދާޅުވި އެވެ.

ދެ ފުށް ފެންނަ ސިޔާސަތެއް ކަނޑައެޅި، ހިދުމަތް ދޭން ތިބި މީހުންނާ މެދު ރައްޔިތުން ފާރަވެރިމުގެ ފުރުސަތު އެ ނިޒާމުން ލިބުނު ކަމަށާއި ކޮރޮޕްޝަންނަށް ހުޅުވޭ ދޮރުތައް އެހެންވެ މަދުކުރެވު ކަމަށް ވެސް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox