އުރީދޫގެ 19 ވަނަ އަހަރީ ދުވަސް ފާހަގަ ކުރުން ކުޑަކުދިންގެ ފެސްޓިވަލަކާއެކު އިއްޔެ ކުލަގަދަކޮށް ނިންމާލައިފި އެވެ.
ކުޑަކުދިންގެ ފެސްޓިވަލްގައި ފޯމް ޕާޓީއެއްގެ އިތުރުން ހާއްސަ ރޮބޮޓްތަކާއެކު އެކި ހަރަކާތްތައް ކުރިއަށް ގެންދިޔަ އެވެ.
އުރީދޫގެ އަހަރީ ދުވަހާ ދިމާކޮށް އެ ކުންފުނިން ރާއްޖޭގެ އާބާދީގެ 60 ޕަސަންޓަށް 5-ޖީ ނެޓްވޯކް ފުޅާކުރިކަން ވަނީ އިއުލާން ކޮށްފަ އެވެ.
އުރީދޫއިން ވަނީ އަހަރީ ދުވަހާ ދިމާކޮށް ގަތަރާއި އެހެން ބައެއް ގައުމުތަކުގައި އެ ކުންފުނިން ހިންގާ ނުޖޫމް ލޯޔަޓީ ޕްރޮގްރާމް ރާއްޖޭގައި ތައާރަފުކޮށްފަ އެވެ.
އުރީދޫގެ އަހަރީ ދުވަސް ފާހަގަކުރުން ކުޑަކުދިންގެ ފެސްޓިވަލަކާއެކު ނިންމާލުން -- ފޮޓޯ: އުރީދޫ
އެގޮތުން އުރީދޫ އެޕް މެދުވެރިކޮށް ކުރާ ކޮންމެ ޓްރާންސެކްޝަނަކާއެކު ޕޮއިންޓް ހޯދައި، އުރީދޫގެ ގިނަ ހިދުމަތްތަކަށާއި ތާޑް ޕާޓީ އޮފާތަކަށް ރިޑީމް ކުރެވޭނެ އެވެ.
މީގެ އިތުރުން އުރީދޫގެ އާޗާ ސުޕަނެޓުން ކޮންމެ ދުވަހަކު ޑޭޓާ ލިބޭ ޕްލޭންތަކެއް ތައާރަފްކޮށް، އޭއައި މެދުވެރިކޮށް ޕްލޭންތައް ތައްޔާރު ކުރެވޭ ފީޗާއެއް އިތުރުކޮށް، ޑޭޓާ ލިބޭ އެކި އާ އޮފާތައް ތައާރަފްކޮށްފަ އެވެ.
އުރީދޫއިން ވަނީ އަހަރީ ދުވަހާ ދިމާކޮށް ގަތަރާއި ރާއްޖޭގެ ޕްލޭޔަރުންނަށް ބައިވެރިވެވޭ ގޮތަށް އުރީދޫ ނޭޝަންގެ އިންޓަނޭޝަނަލް ފުރަތަމަ މުބާރާތް ބާއްވާފަ އެވެ. އަދި އޮފީސްތައް މެދުގައި ވެސް ބޮޑެތި ފައިސާގެ އިނާމުތަކާއެކު އީ-ސްޕޯޓްސްގެ މުބާރާތްތަކެއް އުރީދޫއިން ކުރިއަށް ގެންދިޔަ އެވެ.
ޑިޖިޓަލް ޓްރާންސްފޯމޭޝަން ގެނައުމަށާއި، އިނޮވޭޓިވް ސޮލިއުޝަންތަކާއި، ތަފާތު ހިދުމަތުގެ ޒަރިއްޔާއިން ދިވެހިންގެ ދިރިއުޅުން ކުރިއެރުވުމަށް އުރީދޫ މޯލްޑިވްސް އިން އަބަދުވެސް ދަނީ އިންވެސްޓުކޮށް، މަސައްކަތް ކުރަމުންނެވެ.
