ވައިގެ މަގުން ރާއްޖެ އެތެރެކުރި 10 ކިލޯގެ ކެނަބިސް ވެލަނާ އިންޓަނޭޝަނަލް އެއާޕޯޓުން އަތުލައިގަނެފި އެވެ.
ކަސްޓަމްސްއިން ބުނީ އޯގަސްޓް، 19 ގައި ވައިގެ މަގުން ގެނައީ 10.20 ކިލޯގެ ކެނަބިސް ކަމަށެވެ.
ހަމަ އެ ދުވަހު ރާއްޖެ ގެނައި 740 ގްރާމުގެ ހެރޮއިން ވެސް އަތުލައިގަނެފައިވާ ކަމަށް ކަސްޓަމްސްއިން ބުނެ އެވެ.
Advertisement
މީގެއިތުރުން ކަސްޓަމްސްއިން ބުނީ އޯގަސްޓް، 14 ގައި ސިންތެޓިކް ކެތިނޯންގެ 680 ގްރާމު ވެސް އަތުލައިގަތް ކަމަށެވެ.
ދެ ދުވަހެއްގެ މަތިން ކަސްޓަމްސްއިން އަތުލައިގަތް 11.62 ކިލޯގެ މަސްތުވާތަކެތީގެ މަގުމަތީ އަގު ޖުމްލަ 9.86 މިލިއަން ރުފިޔާ އަރަ އެވެ.
ކަސްޓަމުން މި އަހަރު ތެރޭގައި ރާއްޖެއަށް ވައިގެ މަގުން އެތެރެކުރަން މަސައްކަތް ކުރި ގިނަ އަދަދެއްގެ ކެނަބިސްގެ އިތުރުން އެހެން ބާވަތުގެ މަސްތުވާތަކެތި ވަނީ އަތުލައިގަނެފަ އެވެ.
