ދިވެހިރާއްޖޭގެ 59 ވަނަ މިނިވަން ދުވަސް ފާހަގަކުރުމުގެ ގޮތުން ދިރާގުން ލޯންޗުކުރި ހާއްސަ ސޯޝަލް މީޑިއާ ކޮންޓެސްޓްގެ ނަސީބުވެރިންނަށް މިއަދު އިނާމު ހަވާލުކޮށްފި އެވެ.
އެ ކޮންޓެސްޓުގައި ބައިވެރިވާން ފުރުސަތު ދިނީ މިނިވަން ދުވަހުގެ ހާއްސަ ފޮޓޯއެއް Minivan26 ހޭޝްޓެގާ އެކު ފޭސްބުކް، އިންސްޓަގްރާމް ނުވަތަ އެކްސްގައި ހިއްސާކޮށްގެންނެވެ.
"ހޮވުނު ތިން ނަސީބުވެރިންގެ ތެރެއިން، ކޮންމެ ފަރާތަކަށް ވަނީ ފުޖިފިލްމް އިންސްޓެކްސް މިނީ 12 އިންސްޓަންޓް ކެމެރާ އަދި އިންސްޓެކްސް މިނީ އިންސްޓަންޓް ފިލްމް ޕެކެއް ހަވާލުކޮށްފައި،" ދިރާގުން ބުންޏެވެ.
އެ ކޮންޓެސްޓްގެ ނަސީބުވެރިންގެ ގޮތުގައި ހޮވިފައިވަނީ އާމިނަތު ފަޒްލާ، އިސްމާއިލް ސައިމަން އަދި އާމިނަތު ލީލާ އެވެ.
ދިރާގުން އެ ކޮންޓެސްޓު ކުރިއަށް ގެންދިޔައީ މިނިވަން ދުވަސް ފާހަގަކުރުމުގެ ގޮތުންނާއި އެ ހާއްސަ ދުވަހުގެ އުފާވެރި ރޫހު މުޖުތަމައު ތެރޭގައި ދިރުވާ އާލާކުރުމުގެ މަގްސަދުގައި ކަމަށް އެ ކުންފުނިން ބުނެ އެވެ.
ދިރާގުން ބުނީ އެ ކުންފުނީގެ އަމާޒަކީ މިފަދަ ހާއްސަ ދުވަސްތަކާ ގުޅުވައިގެން ތަފާތު، މަޖާ އަދި ހިތްގައިމު ހަރަކާތްތައް އާންމުންނާ ހަމައަށް ގެނެސްދިން ކަމަށެވެ.
