ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އާ ގުޅިގެން ކަރަންޓުގެ ހިދުމަތްތަކަށް އިންވެސްޓްކޮށް ފުޅާކުރަން ޝަގުރުވެރިވާ ފަރާތްތައް ހޯދުމަށް އެ ކުންފުނިން އިއުލާނު ކޮށްފި އެވެ.
ސްޓެލްކޯ އިން މިދިޔަ ހަފުތާގައި ގެޒެޓްގައި މައިގަނޑު ހަތަރު ކަމަކަށް ޝަގުރުވެރިވާ ފަރާތްތައް ހޯދަށް އިއުލާނު ކޮށްފައިވެ އެވެ. އަދި ޝައުގުވެރިވާ ފަރާތްތަކަށް މި އަހަރުގެ ޑިސެމްބަރު 30، ވަނަ ދުވަހުގެ ނިޔަލަށް ފުރުސަތު ހުޅުވާލާފައިވެ އެވެ.
ފުރުސަތު ހުޅުވާލި މަސައްކަތްތައް
- ބިންމަތީގަ އާއި ފުރާޅުގައި ސޯލާ ޕެނަލް ހަރުކޮށްގެން ކަރަންޓު ދިނުމާއި މޫދާއި ކަނޑުމަތީގައި ގާއިމު ކުރާ ނިޒާމުތަކުން ކަރަންޓު ދޭން ޝައުވެރިވާ ފަރާތްތަކުން، ކޮންޓްރެކްޓާ ފައިނޭންސް އުސޫލުން ނުވަތަ ހަކަތަ ވިއްކުމާ ބެހޭ އެއްބަސްވުމެއްގެ ދަށުން ސްޓެލްކޯ އަށް ކަރަންޓު ވިއްކުން.
- އިޔާދަކުރަނިވި ހަކަތަ ފޯރުކޮށްދިނުން ހަރުދަނާ ކުރުމަށްޓަކައި ބެޓެރި އެނާޖީ ސްޓޯރޭޖް ސިސްޓަމާއި އެނާޖީ މެނޭޖުމަންޓް ސިސްޓަމް ގާއިމުކޮށްދޭނެ ފަރާތްތަތަކަށް ފުރުސަތު ހުޅުވާލުން.
- ރަށްރަށުގައި އިންޖީނުގެ އެޅުމާއި ކަރަންޓް ވިއުގަ ގާއިމު ކުރުމަށް ޝައުގުވެރިވާ ފަރާތްތަކަށް ފުރުސަތު ހުޅުވާލުން.
- ސަބްސްޓޭޝަންތައް އިމާރާތްކުރުމާއި ސަބްސްޓޭޝަނަށް ބިމުގައި ވަޅުލާ ކޭބަލް އެޅުން.
ސްޓެލްކޯގެ އިއުލާނުގައި ބުނެފައިވާ ގޮތުގައި މި މަސައްކަތަކަށް ޝައުގުވެރިވާ ފަރާތްތަކުން ޕްރޮޕޯޝަލް ހުށައެޅިމުގެ ކުރިން، ޝައުގުވެރިކަން ފާޅުކުރުމާއި އިވެލުއޭޓް ކުރުމުގެ މަރުހަލާއެއް ކުރިއަށްދާނެ އެވެ. އަދި އެއްބަސްވުމުގައި ސޮއިކުރުމުގެ ކުރިން އަގާމެދު މަޝްވަރާ ކުރާނެ އެވެ.
ސްޓެލްކޯ އިން މާލެ ސަރަހައްދާ އެކު، 35 ރަށެއްގައި ކަރަންޓުގެ ހިދުމަތް ދެ އެވެ.
