ޒާކްޒީގެ ގޯލުން ޔުނައިޓެޑަށް ލީގުގެ ފުރަތަމަ މޮޅު

Aug 16, 2024, 9:03 PM
ޒާކްޒީގެ ގޯލުން ޔުނައިޓެޑަށް ލީގުގެ ފުރަތަމަ މޮޅު

މެންޗެސްޓާ (އޮގަސްޓް 17) - ބަދަލަކަށް ކުޅެން އަރައި، ޔޯޝުއާ ޒާކްޒީ ޖެހި ގޯލުން 1-0 އިން ފުލަމް ބަލިކޮށް، އިނގިރޭސި ޕްރިމިއާ ލީގުގެ އާ ސީޒަނުގެ ފުރަތަމަ މޮޅު މެންޗެސްޓާ ޔުނައިޓެޑުން ހޯދައިފި އެވެ.

އިޓަލީގެ ބޮލޯނިއާ ދޫކޮށް، ޔުނައިޓެޑަށް ބަދަލުވި، ޒާކްޒީ އަށް އަށް ޕްރީ ސީޒަނުގައި މެޗެއް ނުލިބުނީ، ޔޫރޯގައި ނެދަލެންޑްސް ސްކޮޑުގައި ހިމެނުމަށް ފަހު، ލަހުން ޓީމާ ގުޅުމުންނެވެ. އެކަމަކު، ބަދަލަކަށް ކުޅެން އަރައި، ޔުނައިޓެޑް މޮޅުކޮށްދިން ލަނޑު ޒާކްޒީ ޖެހީ މެޗުގެ ފުރިހަމަ ވަގުތު ހަމަވާން ތިން މިނިޓަށް ވެފައިވަނިކޮށެވެ.

ޔުނައިޓެޑްގެ އޯލްޑް ޓްރެފޯޑް ސްޓޭޑިއަމްގައި ކުޅުނު މެޗު ފަށައިގެން ފުރަތަމަ ހަމަލާ ފޮނުވާލީ ފުލަމް އިންނެވެ. ކައުންޓަ އެޓޭކެއްގައި ފުލަމްގެ ފުލްބެކް، ކެނީ ޓެޓޭ ޖެހި ޝޮޓް ޔުނައިޓެޑްގެ ގޯލްކީޕަރު، އަންދްރޭ އޮނާނާ ވަނީ މަތަކޮށްފަ އެވެ.

Advertisement

ފުރަތަމަ ހާފު ކުރިއަށްދިޔަ ވަރަކަށް ޔުނައިޓެޑުން ކޮންޓްރޯލް ނަގައިގެން ކުޅެމުންދިޔައިރު، އެ ޓީމުން ލަނޑު ޖަހާނެ ފުރުސަތުތަކެއް ތަނަވަސްކުރި އެވެ. މި ހާފުގައި ޔުނައިޓެޑަށް ލަނޑު ޖަހައިދޭން އެންމެ ރަނގަޅު ފުރުސަތުތައް ލިބުނީ، ޓީމުގެ ކެޕްޓަން ބްރޫނޯ ފެނާންޑޭސް އަށެވެ. އެ ގޮތުން، ފުލަމް އޭރިއާތެރެއިން ފެނާންޑޭސް އަށް ލިބުނު ދެ ފުރުސަތުގައި ވެސް ޖެހި ޝޮޓްތައް ފުލަމްގެ ކީޕަރު ބާން ލޭނޯ ވަނީ މަތަކޮށްފަ އެވެ.

ޔުނައިޓެޑްގެ ބްރޫނޯ ފެނާންޑޭސް ފުލަމްގެ ގޯލަަށް ބޯޅަ ފޮނުވާލަނީ.

ޔުނައިޓެޑްގެ ބްރެޒިލް މިޑްފީލްޑަރު، ކަސެމީރޯ އަށް ރަނގަޅު ފުރުސަތުތަކެއް ލިބިގެންދިޔައިރު، އޭނާ ފޮނުވާލި ހަމަލާތައް ދިޔައީ ގޯލާ ސީދާނުވެ އެވެ.

ދެ ވަނަ ހާފު ފަށައިގެން އަށް މިނިޓް ތެރޭ ޔުނައިޓެޑްގެ މޭސަން މައުންޓް އޭރިއާތެެރެއިން ޖެހި ބޯޅަ ކީޕަރު ލެނޯ ވަނީ ހުއްޓުވައިފަ އެވެ.

ކައުންޓަ އެޓޭކުގައި ދެ ވަނަ ހާފުގައި ފުލަމް އަށް ލިބުނު އެންމެ ރަނގަޅު ފުރުސަތުގައި އެ ޓީމުގެ އަންޑްރެއަސް ޕެރެއިރާ އެ ޓީމުގެ، އަލެކްސް އިވޯބީ އަށް ދޭން ފޮނުވާލި ބޯޅަ ޔުނައިޓެޑްގެ ޑިފެންޑަރު ހެރީ މެގުއާ ވަނީ ބްލޮކްކޮށްފަ އެވެ. ފުލަމްގެ ފޯވާޑް، ރޮޑްރީގޯ މުނީޒް ޖެހި ބޯޅައެއް ކީޕަރު އޮނާނާ ވަނީ މަތަކޮށްފަ އެވެ.

ޔުނައިޓެޑް މޮޅުވި ގޯލު 87 ވަނަ މިނިޓްގައި ޖެހީ ޒާކްޒީ އެވެ. މިއީ، ޔުނައިޓެޑްގެ އަލެހަންދްރޯ ގަނާޗޯ ނެގި ހުރަހަކުން ޒާކްޒީ ޖެހި ބޯޅަ އަމާޒުވީ ގޯލުގެ ދުރުކަނަށެވެ. އޭގެ ފަހުން، ޔުނައިޓެޑަށް ދެ ވަނަ ލަނޑެއް ޖަހަން ގާނާޗޯ އަށް ރަނުގެ ފުރުސަތެއް ލިބުނެވެ. ފުލަމްގެ ޑިފެންޑަރު، ބާސޭ ހެދި ގޯހެއްގެ ފައިދާނަގައި، މާކަސް ރަޝްފޯޑް ބޯޅަ ހޯދައި، މުޅިން ހުސްކޮށްލާފައި ގާނާޗޯ އަށް ދިނުމުން އޭނާ އަށް ރަނގަޅަށް ފޮނުވާނުލެވުނެވެ.

މިއީ، ޔުނައިޓެޑުން އިނގިރޭސި ފުރަތަމަ ޑިވިޝަނުގައި ކުޅޭ 100 ވަނަ ސީޒަނެވެ. މި މެޗުގައި، ޔުނައިޓެޑް މޮޅުކޮށްދިން ގޯލު ޖެހީ ޒާކްޒީ އަކީ ޔުނައިޓެޑަށް ކުޅުނު ފުރަތަމަ މެޗުގައި އެ ޓީމަށް ލަނޑެއް ޖަހައިދިން 22 ވަނަ ކުޅުންތެރިޔާ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox