ކުޑަކުއްޖަކާ ބެހުމުގެ ދައުވާ ލިބޭ މީހެއްގެ "އިސްކުރު މަދު" ކަމަށް ބުނެ އަމިއްލައަށް ދިފާއު ނުވެވޭނެ ކަމަށް ތިނަދޫ ކޯޓުން ނިންމައިފި

Aug 14, 2024, 5:51 AM
ގދ. ތިނަދޫ ބަނދަރު ސަރަހައްދު: -- ފޮޓޯ: މުހައްމަދު ޝާބިން/އަދަދި

ގދ. ތިނަދޫ ބަނދަރު ސަރަހައްދު: -- ފޮޓޯ: މުހައްމަދު ޝާބިން/އަދަދި

ކުޑަކުއްޖަކާ ބެހުމުގެ ކުށުގެ ދައުވާ ލިބޭ މީހެއްގެ "އިސްކުރު މަދު" ކަމަށް ބުނެ އޭނާއަށް އަމިއްލައަށް ދިފާއު ނުވެވޭނެ ކަމަށް ގދ. ތިނަދޫ މެޖިސްޓްރޭޓް ކޯޓުން ނިންމައިފި އެވެ.

ނަމަވެސް ތިނަދޫ ކޯޓުގެ އެ ނިންމުން ހައި ކޯޓުން ވަނީ އިއްޔެ ބާތިލުކޮށްފަ އެވެ. އެ މައްސަލައިގައި ތިނަދޫ، ނޫރަލިއާގޭ، ޝިފާއު މުހައްމަދަށް ލިބެނީ ކުޑަކުއްޖެއްގެ ހަށިގަނޑުގައި ޖިންސީ ނިޔަތެއް އޮވެގެން އަތްލުމުގެ ދައުވާ އެވެ.

އެ މައްސަލައިގައި ޝިފާއު ބުނެފައި ވަނީ ދައުވާ އަމިއްލައަށް ލިބިގަތުމަށް އޭނާ ނުކުޅަދޭ ކަމަށެވެ. އެ މައްސަލަ ބެލުމަށްފަހު ތިނަދޫ ކޯޓުގެ މެޖިސްޓްރޭޓް ނިހާމް ރަޝީދު ނިންމެވީ ޝިފާއުއަކީ "އަހަރުމެންގެ މުޖްތަމައުގައި ބޭނުންކޮށް އުޅޭ 'އިސްކުރު މަދު' ކަމަށް ބުނެ އުޅޭ ހާލަތުގައި ހުރި މީހެއް ކަމަށް" އޭނާއަށް ބުރަވެވޭ ކަމަށެވެ.

Advertisement

ހައި ކޯޓުގެ ނިންމުމުގައި ބުނެފައި ވަނީ ޝިފާއުގެ މެޑިކަލް އެގްޒެމިނޭޝަން ހެދި ހަބީރުގެ ހެކިބަހުން ވެސް އޭނާއަކީ ދިފާއެއް ބިނާކުރަން ނުކުޅަދޭ މީހެއް ކަމަށް ބުނެފައިނުވާ ކަމަށެވެ. ޝިފާއުއަކީ އާންމު ވިސްނުމާ އެކަށީގެންވާ މިންވަރަށް ކަންކަން ކުރުމުގެ ގާބިލު މީހެއް ކަމަށާއި ނަމަވެސް ބޮޑެތި ކަންކަން ރާވައި ކުރުމަށް ދަތިތަކެއް ހުންނާނެ ކަމަށް ހަބީރު ބުނެފައިވާ ކަމަށް ހައި ކޯޓުން ބުންޏެވެ.

"ހަބީރުގެ މިބަހުން ދިފާއެއް ބިނާ ކުރުމަށް ނުކުޅަދޭ މިންވަރަށް މައުރިފާގެ ސަލާހިއްޔަތު ނެތްކަން ދޭހަވަނީ ކިހިނަކުންކަން ސާފެއް ނޫން،" ހައި ކޯޓުގެ ނިންމުމުގައި ބުނެފައިވެ އެވެ.

އެހެންކަމުން ހައި ކޯޓުން ކަނޑައެޅީ އަލުން ޝިފާއުގެ މެޑިކަލް އެގްޒެމިނޭޝަނެއް ހެދުމަށްފަހު އޭނާއަކީ އަމިއްލައަށް ދިފާއު ނުނެގޭނެ ހާލަތުގައި ހުރި މީހެއްކަން ކަށަވަރު ކުރުމަށެވެ.

އޭގެ އިތުރުން، ޝިފާއުއަކީ "އިސްކުރު މަދު" މީހެއް ކަމަށް މެޖިސްޓްރޭޓް ބުނާ ބުނުމަށް ގާނޫނީ ގޮތުން ދެވޭ މާނައެއް ބުރަދަނެއް ނުވަތަ ނަތީޖާއެއް ސާފު ނޫން ކަމަށެވެ. ނުކުޅެދުންތެރިކަން ހުންނަ މީހުންގެ ކަރާމާތަށް އިހުތިރާމް ކުރުމުގެ ބޭނުމުގައި ހާއްސަ ގާނޫނެއް އޮންނައިރު އެފަދަ ސުވާލު އުފެދޭ ބަސްތައް ބޭނުން ކުރުމަކީ އެންމެ އެދެވޭ ގޮތް ނޫން ކަމަށް ވެސް ހައި ކޯޓުން ފާހަގަ ކުރި އެވެ.

"އެހެން މީހުންނެކޭ އެއްފަދައިން ނުކުޅެދުންތެރިކަން ހުންނަ މީހުންގެ ވެސް ކަރާމާތަށް އިހުތިރާމްކުރުމުގެ މަގުސަދު ހާސިލު ކުރުމުގެ ބޭނުމުގައި ހާއްސަ ގާނޫނެއް ހެދިފައިވާއިރު މުޖުތަމައުގައި ބޭނުންކުރެވޭ ސުވާލު އުފެދޭ މިބާވަތުގެ ބަސްތައް، އެއަށް ބުރަދަންދެވޭ އެއްވެސް އަސާސެއް ނެތި ގަޟާއީ ނިންމުމެއްގައި މިފަދައިން ނިންމައި މުހާތަބު ކުރުމަކީ އެދެވޭ ގޮތެއް ކަމުގައި ނުދެކެން،" ހައި ކޯޓުން ބުނެފައިވެ އެވެ.

މެޖިސްޓްރޭޓް ނިހާމް މުހައްމަދު ތިނަދޫ ކޯޓުގެ މެޖިސްޓްރޭޓެއްގެ މަގާމަށް އައްޔަން ކުރީ ޑިސެމްބަރު، 2022، ގަ އެވެ. އެ މަގާމަށް ކުރިމަތިލުމަށް ހުޅުވާލުމުން ކުރިމަތިލީ ވެސް ނިހާމް އެކަންޏެވެ. އޭނާ ކުރިން މަސައްކަތް ކުރެއްވީ ގދ. ރަތަފަންދޫ މެޖިސްޓްރޭޓް ކޯޓުގަ އެވެ.

ތިނަދޫ މެޖިސްޓްރޭޓް ކޯޓުގެ މަގާމެއް ހުސްވީ ކުރިން އެ ކޯޓުގައި މަސައްކަތް ކުރެއްވި މެޖިސްޓްރޭޓް އިބްރާހިމް ރަޝީދު މަގާމުން ވަކި ކުރުމުންނެވެ. އޭނާ މަގާމުން ވަކި ކުރީ ކޯޓަށް އައި އަންހެނަކަށް ފުރައްސާރަކޮށް އޭނާއަށް ޖިނާއީ ބޮޑު ތުހުމަތެއް ކުރުމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox