ހާޖީ މެޑިކަލްގެ ނަމުގައި ކުޅުދުއްފުށީގައި ކްލިނިކެއް ހުޅުވައިފި

Aug 10, 2024, 7:25 AM
ކުޅުދުއްފުށީ މޭޔަރު އާތިފް މިއަދު ހެނދުނު، ހާޖީ މެޑިކަލް ހުޅުވައި ދެއްވުމަށް ފަހު އެ ކްލިނިކް ބައްލަވާލައްވަނީ. -- ފޮޓޯ: ހާޖީ ކްލިނިކް

ކުޅުދުއްފުށީ މޭޔަރު އާތިފް މިއަދު ހެނދުނު، ހާޖީ މެޑިކަލް ހުޅުވައި ދެއްވުމަށް ފަހު އެ ކްލިނިކް ބައްލަވާލައްވަނީ. -- ފޮޓޯ: ހާޖީ ކްލިނިކް

ހާޖީ މެޑިކަލްގެ ނަމުގައި ކުޅުދުއްފުށީގައި މިއަދު ކްލިނިކެއް ހުޅުވައިފި އެވެ.

ކުޅުދުއްފުށީ ހިކިފިނިފެންމާގޭގައި ހަދާފައިވާ މި ކުލިނިކް ހުޅުވައިދެއްވީ ކުޅުދުއްފުށީ މޭޔަރު މުހައްމަދު އާތިފެވެ.

އާތިފު ވިދާޅުވީ ހާޖީ މެޑިކަލްގެ ސަބަބުން ކުޅުދުއްފުއްޓާއި އެ ސަރަހައްދުގެ ރައްޔިތުންނަށް، ސިއްހީ ފަރުވާ ހޯދަން އިތުރު ލުއިފަސޭހަކަން ލިބިގެންދާނެ ކަމަށާއި ހޮސްޕިޓަލުން ނުލިބޭ ހިދުމަތްތައް ހޯދުމަށް މާލެ ސަރަހައްދަށް ގޮސްގެން ކުރާ ހޭދަ ކުޑަވެގެންދާނެ ކަމަށެވެ.

Advertisement

"ބޮޑުތިލަދުންތީގެ ހަތްދިހަ ހާހުގެ ރައްޔިތުންގެ އެކި ހިދުމަތްތަކަށް ކަނެކްޓްވެފަ މިއޮންނަނީ ކުޅުދުއްފުއްޓާ، އެހެންވީމަ ކުޅުދުއްފުށީގައި އިތުރުވާ ކޮންމެ ހިދުމަތެއް ވެގެންދާނީ ކުޅުދުއްފުށީގެ ރައްޔިތުނަށް އެކަނި ހުޅުވިގެންދާ ހިދުމަތެއް ނޫން. މިއީ މުޅި ބޮޑުތިލަދުންމަތީގެ ރައްޔިތުންނަށް ލިބިގެންދާ ހިދުމަތަކާއި ލުއި ފަސޭހަ ކަމެއް." މޭޔަރު އާތިފު ވިދާޅުވި އެވެ.

ހާޖީ މެޑިކަލް މި ފެށީ ދަތުގެ ފަރުވާއިންނެވެ. ނަމަވެސް ކުރިއަށް އޮތްތަނުގައި ހާއްސަ ބަލިތަކުގެ ޑޮކްޓަރުންގެ ހިދުމަތް ލިބިގެންދާނެ އެވެ. ވިޒިޓިން ޑޮކްޓަރުންގެ ގޮތުގައި އެކި ބަލިތަކަށް ހާއްސަ، ދިވެހި، އަދި ބޭރުގެ ޑޮކްޓަރުން ހާޖީ މެޑިކަލް އަށް އަންނާނެ އެވެ.

ހާޖީ މެޑިކަލް ކުލިނިކުން ލިބޭ ހިދުމަތް

  • ރޫޓް ކެނަލް ހެދުން
  • ކުޑަކުދިންގެ ރޫޓް ކެނަލް ހެދުން
  • ފުޓުނި އެޅުން
  • ދަތް ނެގުން
  • ދަތް ސާފުކުރުން / ދަތް ހުދުކުރުން
  • ދަތްޕިލާ ހެދުން
  • ބަލިތަކުގެ ހާއްސަ ޑޮކްޓަރުންގެ ހިދުމަތް

ހާޖީ މެޑިކަލްއިން ބުނީ އެ ކްލިނިކްގެ ހުރިހާ ހިދުމަތެއް ފޯރުކޮށް ދެނީ ޒަމާނީ ވަސީލަތްތަކާއި ތަޖުރިބާކާރު ޑޮކްޓަރުންނާއެކު ކަމަށެވެ.

ހާޖީ މެޑިކަލް ކްލިނިކްގެ ނަން ނިސްބަތްވަނީ ކުޅުދުއްފުށީގެ ވިޔަފާރިވެރިޔާ ހާޖީ ހަސަންފުޅުބެ އަށެވެ.

titledesc

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox