ފިރިހެނެއް ކަމަށް ތުހުމަތު އަމާޒުވި އަލްޖީރިއާގެ އަންހެން އެތުލީޓަށް ރަން މެޑަލް

Aug 10, 2024, 6:13 AM
ފިރިހެނެއް ކަމަށް ތުހުމަތު އަމާޒުވި އަލްޖީރިއާގެ އަންހެން އެތުލީޓަށް ރަން މެޑަލް

ޕެރިސް (އޮގަސްޓް 10) - ފިރިހެނެއް ކަމަށް ބުނެ، އެންމެ ފަހުގެ ވޯލްޑް ޗެމްޕިއަންޝިޕުން ޑިސްކޮލިފައިކޮށްލި އަލްޖީރިއާގެ އަންހެން ބޮކްސަރު، އިމާން ހަލީފް، އޮލިމްޕިކްސްގެ ވެލްޓާވެއިޓް ޑިވިޝަންގެ ޗެމްޕިއަންކަން ހޯދައި ރަން މެޑަލް ހާސިލްކޮށްފި އެވެ.

މިދިިޔަ އަހަރުގެ ބޮކްސިން ވޯލްޑް ޗެމްޕިއަންޝިޕްގެ ތެރެއިން، ގިނަ ޝަކުވާތަކަކާ ހެދި ކުރިއަށްގެންދިޔަ، ޖެންޑާ ޓެސްޓުން އިމާންގެ ގައިގައި ފިރިހެނުންގެ ހަށިގަނޑުގައި ހުންނަ ލެވަލްގެ ހޯމޯން ހުރި ކަމަށް ފެންނާތީ، އޭނާ ޑިސްކޮލިފައިކޮށްލި އެވެ.

މި ފަހަރުގެ އޮލިމްޕިކްސްގައި އިމާން ބައިވެރިކުރަން ނިންމުމުން ވެސް އެ ފާޑުކިޔުންތައް އަމާޒުވި އެވެ. އެކަމަކު، އިންޓަނޭޝަނަލް އޮލިމްޕިކް ކޮމިޓީ (އައިއޯސީ) އިން ބުނީ، އިމާން އަކީ އަންހެނެއްކަން ކަށަަވަރުކުރާނެ "ހުރިހާ މަރުހަލާއެއް ފުރިހަމަކޮށްފައިވާނެ" ކަމަށެވެ.

Advertisement

ޕެރިހުގައި މިހާރު ކުރިއަށްދާ އޮލިމްޕިކްސްގައި އެންމެ ގިނަ ބަޔެއްގެ ސަމާލުކަން ހުއްޓުނު އެތުލީޓު އިމާން، 25، ރަން މެޑަލް ހޯދުމަށް ފަހު ވަރަށް ބޮޑަށް އުފާފާޅުކުރި އެވެ.

"މިއީ އަހަރެންގެ ހުވަފެން، އަހަރެން ވަރަށް އުފަލުން މި ހުރީ، ވަރަށް ވަރަށް އުފަލުން މި ހުރީ،" އަލްޖީރިއާ ދިދަ ހިފައިގެން ހުރެ، އިމާން އޭނާގެ ޝުއޫރުތައް ހިއްސާކުރި އެވެ.

"އަށް އަހަރު ދުވަހުގެ މަސައްކަތް، ހަމަނިންޖެއް ނުއެއް ލިބޭ. އެކިއެކި ކަންކަން ދިމާވި. އަހަރެން ވަރަށް ބޮޑަށް ޝުކުރު އަދާކުރަން ބޭނުން އަލްޖީރިއާގެ ރައްޔިތުންނަށް. ވަރަށް ހިތްހަމަޖެހޭ އަމިއްލަ ނަފްސާ މެދު، އަހަންނަކީ ވަރުގަދަ އަންހެނެއް ކަމުގެ އިހުސާސް އެބަކުރެވޭ،"

މި ފަަހަރުގެ އޮލިމްޕިކްސްގައި އިމާންއާ މެދު އަނެއްކާ ވެސް ސުވާލު އުފެދުނު ސަބަބަކީ، އިޓަލީގެ ބޮކްސަރު، އެންޖެލާ ކަރީނީއާ ދެކޮޅަށް ކުޅުނު މެޗު ފަށައިގެން، 46 ސިކުންތު ތެރޭގައި، އިމާން ޖެހި ބާރު ޝޮޓަކާ އެކު އެންޖެލާ މެޗު ދޫކޮށްލުމުންނެވެ. އިމާންގެ ޖިންސު ދެނެގަންނަން، ޖެންޑާ ޓެސްޓެއް އަނެއްކާ ވެސް ހެދުމަށް، ގިނަ ޕްރެޝަރުތަކެއް މީޑިއާގެ ފަރާތުންނާއި ވާދަވެރި ކުޅުންތެރިންނާއި އޮފިޝަލުންގެ ފަރާތުން ކުރިމަތިވި ނަމަވެސް، އައިއޯސީން ނިންމީ އެ ފެޑެރޭޝަނުން ކުރި ކަނޑައެޅި މިންގަނޑުގެ ތެރެއިން ހުރިހާ ކަމެއް އޮތީ ރަނގަޅަށް ކަމަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox