ކިއުބާގެ ރެސްލަރު ލޮޕޭޒަށް ޖެހިޖެހިގެން އޮލިމްޕިކްސްގެ ފަސް ވަނަ ރަން މެޑަލް: މިއީ ރެކޯޑެއް

Aug 7, 2024, 4:24 AM
ކިއުބާގެ ރެސްލަރު ލޮޕޭޒަށް ޖެހިޖެހިގެން އޮލިމްޕިކްސްގެ ފަސް ވަނަ ރަން މެޑަލް: މިއީ ރެކޯޑެއް

ޕެރިސް (އޮގަސްޓް 7) - ކިއުބާގެ ރެސްލަރު މިޖާއިން ލޮޕޭޒް، އޮޮލިމްޕިކްސްގެ ރެސްލިން އިވެންޓްގެ 130 ކިިލޯ ގްރީކޯ-ރޯމަން ކެޓަގަރީން ޖެހިޖެހިގެން ފަސް ވަަނަ ފަހަރަށް ރަން މެޑަލް ހޯދައި ރެކޯޑެއް ގާއިމްކޮށްފި އެވެ.

ކުރިއަށް އޮތް ދެ ހަފްތާ ތެރޭ، އުމުރުން 42 އަހަރު ފުރޭ ލޮޕޭޒް ރެކޯޑް ހެދީ ފައިނަލުގައި ޗިލީގެ ޔަސްމާނީ އަކޯސްޓާ ބަލިކުރުމަށް ފަހު އެވެ.

ލޮޕޭޒް ވަނީ، އެންމެ ފަހުން، ބޭއްވި ޓޯކިޔޯ 2020 (ކޮވިޑް-19އާ ހެދި 2021ގައި ބާއްވަން ޖެހުނު) އޮލިމްޕިކްސް އަށް ފަހު، ރިޓަޔާ ވެސް ކޮށްފަ އެވެ. އެކަމަކު، އަމިއްލަ ޓާގެޓްތަކެއް ހުރުމުން އެނބުރި ރިންގަށް އައީ އެވެ.

އެންމެ ފަހުން ބޭއްވި އޮލިމްޕިކްސްގެ ކާމިޔާބީ އަށް ފަހު، ޖެހިޖެހިގެން އެއް އިވެންޓަކުން، ރަން މެޑަލް ހޯދުމުގެ ރެކޯޑް ހަތަރު ފަހަރު ހޯދައިގެން، ލޮޕޭޒް ވަނީ އެހެން އެތުލީޓުންތަކަކާ އެއްވަރުކޮށްފަ އެވެ. އެއީ، ހަތަރު ފަހަރު ލޯންގް ޖަމްޕުން ރަން މެޑަލް ހޯދި ކާލް ލެއުވިސް، ފެތުމުގެ 200 މީޓަރު މެޑްލީން ރަން މެޑަލް ހޯދި މައިކަލް ފެލްޕްސް، ފެތުމުގެ 800 މީޓަރު ފްރީސްޓައިލުން ހަތަރު ފަހަރު މެޑަލް ހޯދި ކޭޓީ ލެޑެކީ، ޑިސްކަސް އުކުމުން ހަތަރު ފަހަރު ރަން މެޑަލް ހޯދި އަލް އޮއާޓާ، ސެއިލިން އިން ހަތަރު ފަހަރު ރަން މެޑަލް ހޯދި ޕޯލް އެލްވްސްޓްރޯމް އަދި ރެސްލިން އިން ހަަތަރު ފަހަރު ރަން މެޑަލް ހޯދި ކައޯރީ އީޗޯ އެވެ.

ރިޓަޔާމަންޓް އުވާލުމަށް ފަހު، ލޮޕޭޒް އެނބުރި އައީ މި ފަަހަރުގެ އޮލިމްޕިކްސް އަށް ޕްލޭންތަކެއް ވެސް ހަދައިގެންނެވެ. މި ފަހަރުގެ އޮލިމްޕިކްސްގެ ކުއާޓާ ފައިނަލުގައި، ލޮޕޭޒް ވަނީ ދުނިޔޭގެ ޗެމްޕިއަން، އާމިން މިރްޒަޒާދޭ އަތުން މޮޅުވެފަ އެވެ. ފައިނަލުގައި، ލޮޕޭޒް އަތުން ބަލިވި އަކޯސްޓާ އަކީ ވެސް ކިއުބާ ދަރިކޮޅަށް ނިސްބަތްވާ ރެސްލަރެކެވެ.

މިހާތަނަށް އޮލިމްޕިކްސްގައި ލޮޕޭޒް ނުކުތް 23 މެޗުގެ ތެރެއިން ބަލިވީ އެންމެ މެޗަކުންނެވެ. އެއީ، 2004 ވަނަ އަހަރު ގްރީސްގެ އެތަންސްގައި ބޭއްވި އޮލިމްޕިކްސްގެ ކުއާޓާ ފައިނަލުގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox