އޮލިމްޕިކްސްގެ ނުވަ ވަނަ ރަން މެޑަލް ހޯދައި ލެޑެކީ ރެކޯޑަކާ ހަމަކޮށްފި

Aug 4, 2024, 10:00 AM
އޮލިމްޕިކްސްގެ ނުވަ ވަނަ ރަން މެޑަލް ހޯދައި ލެޑެކީ ރެކޯޑަކާ ހަމަކޮށްފި

ޕެރިސް (އޮގަސްޓް 4) - އެމެރިކާގެ އަންހެން ފެތުންތެރިޔާ، ކޭޓީ ލެޑެކީ، މިހާރު ޕެރިސްގައި ކުރިއަށްދާ އޮލިމްޕިކްސްގެ 800 މީޓަރު ފްރީސްޓައިލް އިވެންޓުން ރަން މެޑަލް ހޯދައި، ގޭމްސްގެ ތާރީހުގައި އެންމެ ގިނަ ރަން މެޑަލް ހޯދި އަންހެން އެތުލީޓުގެ ރެކޯޑާ ހަަމަކޮށްފި އެވެ.

މީގެ ކުރިން އޮލިމްޕިކްސްގައި، އަންހެން އެތުލީޓުންގެ ތެެރެއިން، އެންމެ ގިނަ ރަން މެޑަލް ހޯދުމުގެ ރެކޯޑް ހަމައެކަނި އޮތީ، ސޯވިއެޓް ޔޫނިއަންގެ ޖިމްނާސްޓިކް އެތުލީޓު، ލަރީސާ ލަޓީނީނާ އަތުގަ އެވެ. ޖުމްލަ އެކު، އޭނާ އަތުގައި، އޮލިމްޕިކްސްގެ ނުވަ ރަން މެޑަލް ހިމެނޭ ގޮތަށް، 14 މެޑަލް އެބައޮތެވެ.

މި ފަހަރު އޮލިމްޕިކްސްގެ 800 މީޓަރު ފްރީސްޓައިލް އިވެންޓް، ލެޑެކީ ފުރިހަމަ ކުރީ އަށް މިނިޓް، 11.04 ސިކުންތުންނެވެ. މިއާ އެކު، އޮލިމްޕިކްސްގެ މި އިވެންޓުން އެކަނި ވެސް ލެޑެކީ މި ވަނީ ހަތަރު ވަނަ ފަހަރަށް ރަން މެޑަލް ހޯދައިފަ އެވެ. ލެޑެކީ، އަކީ އެމެރިކާގެ ތަރި، މައިކަލް ފެލްޕް އަށް ފަހު އެއް އިވެންޓުން ހަތަރު ރަން މެޑަލް ހޯދި ފުރަތަމަ އެތުލީޓެވެ.

ލެޑެކީ، 27، ބުނީ ހަތަރު ފަހަރު އެއް އިވެންޓަކުން ރަން މެޑަލް ހޯދުމަކީ ކުޑަ ކަމެއް ނޫން ކަމަށާއި ފަހުރުވެރިވެވޭނެ ބޮޑު ކާމިޔާބެއް ކަމަށެެވެ.

އޭނާ ބުނީ، 3 އޮގަސްޓް، 2012 އަކީ ފުރަތަމަ ފަހަރަށް އެ މެޑަލް ހޯދި ދުވަސް ކަމަށާއި މި ފަހަރު ވެސް އެ ތާރީހާ ދިމާކޮށް މެޑަލް ހޯދުމަކީ، ކުރިއަށް ފިޔަވަޅުތަކެއް އެޅޭ ކަމުގެ ހެއްކެއް ކަމަށެވެ.

އޮލިމްޕިކްސްގައި އެންމެ ގިނަ މެޑަލް ހޯދުމުގެ ރެކޯޑް އޮތީ އެމެރިކާގެ ލެޖެންޑަރީ ފެތުންތެރިޔާ، ފެލްޕްސް އަތުގަ އެވެ. އޭނާ ވަނީ ޖުމްލަ އެކު، 28 މެޑަލް ހޯދައިފަ އެވެ. އޭގެތެރެއިން 23 މެޑަލަކީ ރަން މެޑަލް އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox