ޕާސަނަލްް ބެސްޓަކާ އެކު އިބާދުﷲ އަށް އޮލިމްޕިކްސްގެ ޕްރިލިމިނަރީ ހީޓުގެ ފަސް ވަނަ

Aug 3, 2024, 11:17 AM
އިބާދުﷲ (ވ.1) މި ފަހަރުގެ އޮލިމްޕިކްސްގެ ޕްރިލިމިނަރީ ބުރުގައި ވާދަކުރަނީ.--- ފޮޓޯ: ގެޓީއިމޭޖަސް

އިބާދުﷲ (ވ.1) މި ފަހަރުގެ އޮލިމްޕިކްސްގެ ޕްރިލިމިނަރީ ބުރުގައި ވާދަކުރަނީ.--- ފޮޓޯ: ގެޓީއިމޭޖަސް

ފްރާންސްގެ ޕެރިހުގައި މިހާރު ކުރިއަށްދާ އޮލިމްޕިކްސްގެ 100 މީޓަރު ދުވުމުގެ ޕްރިލިމިނަރީ ހީޓު ހަތަރެއްގައި ދުވި ރާއްޖޭގެ، އިބާދުﷲ އާދަމް ފަސް ވަނައިގައި ނިންމިއިރު، އޭނާ ވަނީ ޕާސަނަލް ބެސްޓް ޓައިމިން ހަދައިފި އެވެ.

އިބާދުﷲ, 22, ގެ މިއަދުގެ ޓައިމިން އަކީ، 10.55 ސިކުންތެވެ. މި ޓައިމިން އަކީ، މި އިވެންޓްގައި ވާދަކުރި، ހުރިހާ އެތުލީޓުންނަށް ބަލާއިރު، އިބާދުﷲ އަށް މި ފަހަރުގެ އޮލިމްޕިކްސްގެ އެއް ވަނަ ރައުންޑަށް ކޮލިފައިވެވޭ ވަރުގެ ޓައިމިން އެއް ނޫނެވެ.

ޖެމެއިކާގައި ޓްރެއިނިން ހަދަމުން އައި އިބާދުﷲ، އަނިޔާ އަކުން ރިކަވާވެ ކުރި މަސައްކަތުން މި ފަހަރުގެ އޮލިމްޕިކްސް އިން ފުރުސަތު ހޯދިއިރު، އޭނާ ވާދަކުރި ހީޓުގެ އެއް ވަނަ ހޯދި ހައިޓީގެ ކްރިސްޓޮފާ ބްރޮޒޯގެ ޓައިމިން އަކީ 10.26 ސިކުންތެެވެ. ދެ ވަނަ ހޯދި އެންގޯލާގެ މާކޯސް ސަންޓޯސް ރޭސް ނިންމީ 10.31 ސިކުންތުންނެވެ. އަދި ތިން ވަނަ ހޯދި ކޮމޮރޯސްގެ ހަކީމް މަރޫފޫގެ ޓައިމިން އަކީ 10.44 ސިކުންތެެވެ.

އިބާދުﷲ ވާދަކުރި ހީޓުގެ ޓައިމިން.

އެއް ވަނަ ރައުންޑަށް ކޮލިފައިވި، އެންމެ ލަސް ވަގުތަކީ، 10.54 ސިކުންތެވެ. މާނަ އަކީ އިބާދުﷲ އަށް ފުރުސަތު މި ގެއްލުނީ، ގާތްގަނޑަކަށް 0.01 ސިކުންތުގެ ފަރަގަކުންކަން ބެލުމުގެ ޖާގަ އެބައޮތެެވެ. އެއީ، އިބާދުﷲއާ އެއް ހީޓެއްގައި ވާދަކުރި އިރާގުގެ ޔާސީން ތޯހާ އެއް ވަނަ ބުރަށް ކޮލިފައިވީ، 10.54 ސިކުންތުގެ ޓައިމިންއަކާ އެކު ކަމަށްވާއިރު، ކޮންގޯގެ އެތުލީޓު، މުލަމްބާ ވަނީ ހީޓު ފަހެއްގައި، 10.54 ސިކުންތުން ނިންމައިގެން ރައުންޑް ވަން އަށް ކޮލިފައިވެފަ އެވެ.

ރާއްޖޭގެ އެތުލީޓަކަށް، އެންމެ ފަހުން، އޮލިމްޕިކްސްގެ ޕްރިލިމިނަރީ ބުރު ފަހަނައަޅައި ދިޔައީ، އެންމެ ބާރު ދުވުންތެރިޔާ، ހަސަން ސާއިދު އެވެ. ސާއިދު އެންމެ ފުރަތަމަ 2016 ވަނަ އަހަރު ބްރެޒިލްގެ ރިއޯގައި ކުރިއަށްދިޔަ އޮލިމްޕިކްސްގައި ވާދަކުރިއިރު، ޕްރިލިމިނަރީ ހީޓުގެ އެއް ވަނައިގެ ގޮތުގައި ފުރަތަމަ ބުރުން ފުރުސަތު ހޯދި އެވެ. ސާއިދު، އެ ހީޓުގެ އެއްް ވަނަ ހޯދީ 10.43 ސިކުންތުން ރޭސް ނިންމައިގެންނެވެ. އޭނާ އަކީ އޮލިމްޕިކްސްގެ، ބުރެއްގެ އެއް ވަނަ ހޯދި ރާއްޖޭގެ ފުރަތަމަ ކުޅިވަރު އެތުލީޓެވެ. އެ އަށް ފަހު، ފުރަތަމަ ބުރުގެ ފަސް ވަނަ ހީޓުގައި ވާދަކޮށް ސާއިދު އަށް ވަނަ އަށް ދިޔައިރު އޭނާ ރޭސް ނިންމީ 10.47 ސިކުންތުންނެވެ.

ސާއިދަކީ ދުނިޔޭގެ އެންމެ ބޮޑު ކުޅިވަރު ގޭމްސް ކަމަށްވާ އޮލިމްޕިކްސްގެ ޕްރިލިމިނަރީ ބުރެއް ފަހަނައަޅައި ދިޔަ ދެ ވަނަ ދިވެހި އެތުލީޓެވެ. އެ ޝަރަފް އެންމެ ފުރަތަމަ ހޯދީ، 2012 ވަނަ އަހަރުގެ ލަންޑަން އޮލިމްޕިކްސްގެ ފުރަތަމަ ބުރުން ޖާގަ ހޯދި އަޒްނީމް އަހުމަދު (އައްޒަ) އެވެ. ސާއިދު، 2020 އޮލިމްޕިކްސްގައި ވާދަކުރި ހީޓުގެ ހަތަރު ވަނަ އަށް ދިޔައިރު، ފުރަތަމަ ބުރުގެ ޖާގައެއް ނުލިބުނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox