ފަހުރުވެރި އޮލިމްޕިކްސްގެ ފުރުސަތު އިބާދުﷲ އަށް ވަރަށް ހާއްސަ

Aug 3, 2024, 3:48 AM
ފަހުރުވެރި އޮލިމްޕިކްސްގެ ފުރުސަތު އިބާދުﷲ އަށް ވަރަށް ހާއްސަ

ފްރާންސްގެ ޕެރިހުގައި މި ފަހަރު ކުރިއަށްދާ ދުނިޔޭގެ އެންމެ ބޮޑު ކުޅިވަރު ހަރަކާތް، އޮލިމްޕިކްސްގައި ރާއްޖެ ތަމްސީލްކުރުމުގެ ފުރުސަތު ހުނަރުވެރި އެތުލީޓު، އިބާދުﷲ އާދަމް އަށް ލިބުމަކީ އެކި ގޮތްގޮތުން އޭނާ އަށް ވަރަށް ހާއްސަ ޝަރަފެކެވެ. އޮލިމްޕިކްސްގެ މި ފުރުސަތު އިބާދުﷲ އަށް ލިބުމުން އޭނާ އަމާޒުހިފައިގެން ހުރީ ހުރިހާ ގޮތަކުން މި ފުރުސަތުގެ ބޭނުންހިފުމަށެވެ.

ޖެމެއިކާގައި ތަމްރީނު ފުރިހަމަކުރަމުން އައި އިބާދުﷲ އަށް އޮލިމްޕިކްސްގެ ޓްރައިޕާޓައިޓް އިންވިޓޭޝަން (ކޮލިފައިނުވާ ގައުމުތަކަށް ދޭ ފުރުސަތު) ލިބުނީ އޮލިމްޕިކްސްއާ ދިމާކޮށް އެންމެ ފަހުން އެތުލެޓިކްސް އެސޯސިއޭޝަނުން ބެލި ޓައިމް ޓްރައިލްސް ތަކުން އެންމެ ރަނގަޅު ޓައިމިންގް އެއް ނެރެފައިވާތީ އެވެ. ރޭންކިން ޕޮއިންޓަށް ބަލާއިރު، އިބާދުﷲ އަށް ވަނީ، 1003 ޕޮއިންޓް ލިބިފަ އެވެ.

އޮލިމްޕިކްސް އަށް ދާނެ ދިވެހި އެތުލީޓެއް ކަނޑައެޅުމުގައި، އެތުލެޓިކްސް އެސޯސިއޭޝަނުން ބަލާ މިންގަނޑުގެ ތެރެއިން ޕޮއިންޓް އެންމެ ގިނައީ އިބާދުﷲ ގެ އެވެ. ދެ ވަނަ އަށް ދިޔަ، މަރިޔަމް ރޫޔާ އަލީގެ ޕޮއިންޓުގެ ޖުމްލަ އަކީ، 974 ޕޮއިންޓެވެ.

Advertisement

އޮލިމްޕިކްސް ހުޅުވުމުގެ ރަސްމިއްޔާތުގެ ތެރެއިން އިބާދުﷲ ރާއްޖޭގެ ދިދަ ހިފައިގެން.--- ފޮޓޯ: ގެޓީއިމޭޖަސް

މި ފަހަރުގެ އޮލިމްޕިކްސްގެ ހުޅުވުމުގެ ރަސްމިއްޔާތު ކުރިއަށްދިޔައީ ތަފާތުކޮށް، ޕެރިހުގެ ރިވާ ސިއެންގަަ އެވެ. މިއީ، އޮލިމްޕިކްސް ތާރީހުގައި ވެސް މެއިން ސްޓޭޑިއަމުން ބޭރުގައި ހުޅުވުމުގެ ރަސްމިއްޔާތު ބޭއްވި ފުރަތަމަ ފަހަރެެވެ.

އެ އިވެންޓްގައި، މި ފަހަރުގެ އޮލިމްޕިކްސްގެ ހުޅުވުމުގެ ރަސްމިއްޔާތުގައި ދިވެހި ދިދަ އުފުލުގެ ޝަރަފް ލިބުނީ އިބާދުﷲ އާއި ޓީޓީ ތަރި، ފާތިމަތު ދީމާ އަލީ އަށެވެ.

ދިދަ އުފުލުގެ ޝަރަފާ އެކު، އިބާދުﷲގެ ކެރިއަރުގެ ބޮޑު ގޭމްސްގެ ފުރިހަމަކަން އިތުރުވީ އެވެ.

"އޮލިމްކްސްގައި ފްލެގް ބިއަރާކަން ލިބުމަކީ ވަރަށް ޕްރެސްޓީޖިއަސް (ޝަރަފްވެރި) ކަމެއް. ވަރަށް އުފާވޭ އެ އޮޕޮޗިއުނިޓީ ލިބުނީމަ،" އޮލިމްޕިކްސް އަށް ފުރުމުގެ ކުރިން، "އަދަދު ސްޕޯޓްސް" އަށް ދިން އިންޓަވިއުއެއްގައި އިބާދުﷲ ބުންޏެވެ.

ހުޅުމާލެ ސިންތެޓިކް ޓްރެކުގައި ކުރިއަށްދިޔަ ޓްރެއިނިންއެއްގެ ތެރެއިން އިބާދުﷲ.--- ފޮޓޯ: އަތޫފް އާތިފް / އަދަދު

އިބާދުﷲ އަށް އައިއޯއައިޖީއާ އެކު، އޭޝިއަން ގޭމްސްގެ ފުރުސަތު ވެސް ގެއްލުނެވެ. ބޮޑު ދެ ގޭމްސް އިން ފުރުސަތު ގެއްލުމުގެ ހިތްދަތިކަން ދިޔައީ އޮލިމްޕިިކްސްގެ ފުރުސަތާ ހަމައިންނެވެ.

މަތީ ފެންވަރުގެ އެތުލީޓުން ތަމްރީނު ކުރުމުގައި މަޝްހޫރު ގައުމެއް ކަމަށްވާ ޖެމެއިކާ އިން އިބާދުﷲ އަށް ޓްރެއިނިން ފުރުސަތު ހޯދައިދިންއިރު ވެސް އެންމެ ބޮޑު އެއް އަމާޒެއް ގުޅިފައި އޮތީ، މިދިޔަ އަހަރުގެ އޮގަސްޓް/ސެޕްޓެމްބަރުގައި، މަޑަގަސްކަރާގައި ބޭއްވި އިންޑިއަން އޯޝަން އައިލެންޑް ގޭމްސް (އައިއޯއައިޖީ) އިން މެޑަލް ހޯދުމެވެ. އެކަމަކު، އެ މުބާރާތަށް ދިއުމުގެ ކުރިން އިބާދުﷲ އަށް އަނިޔާވެ، ފުރުސަތު ގެއްލުނީ އެވެ.

"(އޮލިމްޕިކްސްގެ) ފުރުސަތުގެ ބޭނުންހިފަން، 100 ޕަސެންޓް ރެޑީ، އައިއޯއައިޖީ މިސްވީމަ އޭގެ ކަމްބެކް (އެނބުރި އައުން) އޮލިމްޕިކްސް އަކީ، އޭގެ ބޭނުން ހެޔޮ ގޮތުގައި ހިފާނަން،" އޮލިމްޕިކްސްގެ އުންމީދުތަކާ ގުޅޭގޮތުން އިބާދުﷲ ބުންޏެވެ.

އިބާދުﷲ، އަނިޔާއިން ރިކަވާވެގެން ކުރި ދަތުރުގައި އޮލިމްޕިކްސް އަށް ކޮލިފައިވުމުގެ ހިތްވަރަށް، ސްޕޯޓްސް މިނިސްޓަރު، އަބްދުﷲ ރާފިއު (ރާއްޕެ) ވަނީ ތައުރީފުކުރައްވައިފަ އެވެ.

ގދ. ތިނަދޫ އަށް އުފަން، އިބާދުﷲ، އެތުލެޓިކްސް ކެރިއަރު ފަށައިގެން އަހަރު، 2015 އަކީ، ރާއްޖޭގެ އެންމެ ކާމިޔާބު އިންޑިވިޖުއަލް އެތުލީޓު، ހަސަން ސާއިދު، އައިއޯއައިޖީން ރަން މެޑަލް ގެނައި އަހަރެވެ. އިބާދުﷲ، ކެރިއަރު ފެށީ، އުފަން ރަށުގައި ބޭއްވި އިންޓަ ހައުސް މީޓަކުންނެވެ.

އިބާދުﷲގެ ފުރަތަމަ ކޯޗު، ރައުހަތު ގުދުރަތުﷲގެ އެހީތެރިކަމާ އެކު، ހަރުފަތަކަށް ފަހު ހަރުފަތެއް ގިރާކޮށް، ގައުމީ ޓީމުގައި ވެސް ކުރިއެރުން ހޯދައި، އިބާދުﷲ މިއަދު ދުވަން އެ ތައްޔާރުވަނީ، ދުނިޔޭގެ އެންމެ ބޮޑު ކުޅިވަރު ހަރަކާތް، އޮލިމްޕިކްސްގެ އިވެންޓެކެވެ.

ކުޅިވަރު ހަޔާތުގެ އެންމެ ހާއްސަ ވަގުތާ ބެހޭގޮތުން ވާހަކަ ދެއްކިއިރު ވެސް އިބާދުﷲ ވަނީ އޭނާ އަށް މި ކަމުގެ ތެރެއަށް ނުކުމެވުނު، ރަށަށްޓަކައި މުސްތަގުބަލުގައި ކަމެއް ދެކޭކަން ހިއްސާކޮށްފަ އެވެ.

"ތިނަދޫގެ އެންމެ ފުރަތަމަ އޮލިމްޕިއަން މިއީ. އަޅުގަނޑުގެ ފަހަތުން ތިނަދޫ އިން ބައިވަރު އޮލިމްޕިއަނުންތަކެއް ފެނިގެންދިއުން އުންމީދަކީ ކުރިއަށް އޮތްތަނުގައި،" އިބާދުﷲ ބުންޏެވެ.

އިބާދުﷲ، މީގެ ކުރިން، ބުނީ އޮލިމްޕިކްސްގައި ވާދަކުރުމަކީ، އެންމެ ފުރަތަމަ ދުވަން ފެށިއިރު, އޭރުގެ ކޯޗު ރައުހަތު ވެސް ދެކެމުން އައި ހުވަފެން ކަމަށެވެ. އަދި ކޯޗު ރައުހަތު، އަަބަދުވެސް، އިބާދުالله އަށް މިކަން ވާނެ ކަމަށް ބުނި ކަމަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox