މުހިންމީ ކެބިނެޓުން ކަންކަން ނިންމުމެއް ނޫން ތަންފީޒު ކުރުން، ފާއިތުވި އަށް މަސްދުވަސް ތެރޭ އެއްވެސް ކަމެއް ނުކުރެވޭ: އެމްޑީޕީ

ހަވަރު ބެރުގެ ނަމުގައި އެމްޑީޕީން ރޭ ކުރިއަށް ގެންދިޔަ ނޫސްވެރިންގެ ބައްދަލުވުން -- ފޮޓޯ: އެމްޑީޕީ

ހަވަރު ބެރުގެ ނަމުގައި އެމްޑީޕީން ރޭ ކުރިއަށް ގެންދިޔަ ނޫސްވެރިންގެ ބައްދަލުވުން -- ފޮޓޯ: އެމްޑީޕީ

ސަރުކާރެއްގެ ދުވެލި ވަޒަން ކުރަނީ ކެބިނެޓުން ނިންމާ ނިންމުންތަކުގެ އަދަދުން ނޫން ކަމަށާއި ސަރުކާރުގެ ހިންގުންތެރިކަން ފެންނަނީ ތަންފީޒު ކުރާ ކަންތައްތަކުގެ އަދަދުން ކަމަށް އިދިކޮޅު މައި ޕާޓީ އެމްޑީޕީން ބުނެފި އެވެ.

އެ ޕާޓީން ބުނީ މި ސަރުކާރު އައި ފަހުން އަދި އެއްވެސް ކަމެއް ނުހިނގާ ކަމަށެވެ.

"ހަވަރު ބެރު"ގެ ނަމުގައި އެމްޑީޕީން ރޭ ބޭއްވި ޕެނަލް ޑިސްކަޝަންގައި، ވާހަކަދައްކަވަމުން އެ ޕާޓީގެ ރައީސް، އަބްދުﷲ ޝާހިދު ވިދާޅުވީ ފާއިތުވި އަށް މަސްދުވަސް ތެރޭގައި ކެބިނެޓުން ނިންމި ކަންތައްތަކުގެ ތަފުސީލު ފެންނަން ވެސް ނެތް ކަމަށާއި ފެންނަން ހުރި ނިންމުންތަކުގެ ތެރެއިން ތަންފީޒު ކުރެވުނީ ރޯދަމަހުގެ ފަހު ދިހައެއް ބަންދު ކުރުމާއި ދެ އީދު ދެދުވަހުގެ މެދުތެރެއަށް އައި ދުވަސްތައް ބަންދު ކުރުން ކަހަލަ ކަންތައްތައް ކަމަށެވެ.

"އެނގިވަޑައިގަންނަވާނެ ކެބިނެޓުގެ ބަންދަލުވުންތަކަށްފަހު ކުރީކޮޅުގައި ބަޔާންތައް ދެއްވަމުން ގެންދެވި ދެން ފަހުން 225 ތެރޭގައި ހިމެނޭ އެއްޗެއް އެނގޭކަށް ވެސް ނެތް، އެހެންވީމާ އަޅުގަނޑުމެންނަށް ފެންނަން ހުރި ތަންތަނުގައި 225 ގެ ތެރެއިން ތަންފީޒުވެފައި ހުރީ ބަންދު ދުވަސްތައް ކަނޑައަޅައިގެން އެ ބަންދު ދުވަސްތައް ބަންދު ކުރުން ކަހަލަ ކަންތައްތައް،" ޝާހިދު ވިދާޅުވި އެވެ.

"ނިންމަވާ ކަމެއް ތަންފީޒު ކުރުން ހަރާން، އެއް ކަމެއް ވެސް ނުހިނގާ، ބައްލަވާ ރާއްޖޭގެ ރަށްތައް ބައްލަވާ ހުރިހާ ކަމެއް ހުއްޓިފައޭ ހުރީ، ދެން 225 އެއް ނޫން 530 ވެސް ނިންމިދާނެ،"

ކެބިނެޓުން ނިންމާ ކަންކަން ތަންފީޒު ނުވާ ކަމުގެ މިސާލެއް ދައްކަވަމުން ޝާހިދު ވިދާޅުވީ އިޒްރޭލު ޕާސްޕޯޓު މަނާ ކުރުމަށް ނިންމައި އެކަން އިއުލާނު ކުރެއްވިތާ އެތައް ދުވަހެއް ވީއިރު ވެސް އެކަން ތަންފީޒު ނުވާ ކަމަށެވެ.

"އެއް ދުވަހެއްގައި ކެބިނެޓު ބައްދަލުވުމެއް ނިންމަވާފައި ނުކުމެވަޑައިގެން ހަމަ ވަޒީރުންގެ ރަނގަޅު ޓީމެއް ނުކުމެ ވަރަށް ބާރަށް އެއްކަލަ ގޮތަށް ޕޯޑިއަމްގައި މިހެން ޖައްސަވާފައި ވަރަށް ބާރަށް ޖައްސަވާފައި ވިދާޅުވި އިޒުރޭލު މިހާރު ޕާސްޕޯޓު މަނާކުރިއްޔޭ، މިކަން ނިމުނިއްޔޭ އިނގޭތޯ؟ ދުނިޔޭގެ ހުރިހާ ނޫސްތަކެއްގައި ޖެހި އިނގޭތޯ؟ އަޅުގަނޑުމެން ވެސް ހަމަ ދުށިން އެ ހުރިހާ ކަމެއް ކޮބައިތޯ؟ ރާއްޖެއަކުން އެކަން ތަންފީޒެއް ނުކުރޭ، ތަންފީޒެއް ނުކުރޭ، ތަންފީޒު ކުރުން ކަމަކީ ދެއްތޯ؟" ޝާހިދު ވިދާޅުވި އެވެ.

ފާއިތުވި އަށް މަސްދުވަސް ތެރޭގައި ސަރުކާރުން 20 ޖަލްސާ ބާއްވާފައިވެ އެވެ. ބައްދަލުވުންތަކަށް ނިންމުންތަކުގެ އަދަދު ބަހައިލުމުން އެއީ ކޮންމެ ޖަލްސާއަކަށް 11.25 ނިންމުމެވެ. އެގޮތުން ބަލާއިރު ވެސް ކޮންމެ ކެބިނެޓު ބައްދަލުވުމަކަށް ހަ ގަޑިއެއްހާއިރު ހޭދަ ކުރަންޖެހޭނެ އެވެ.

އެކަން ފާހަގަ ކުރައްވައި ޝާހިދު ވިދާޅުވީ ސަރުކާރު ހިންގަން މިހާރު ލިބެނީ ހަފުތާއެއްގެ ފަސް ދުވަހުގެ ބަދަލުގައި ހަތަރު ދުވަސް ކަމަށެވެ. ސަރުކާރުގެ ހުރިހާ މަސައްކަތްތަކެއް ހުއްޓިފައި ހުރީ އެހެންވެގެން ކަމަށް ޝާހިދު ވިދާޅުވި އެވެ.

އެ މައުލޫގައި ވާހަކަދައްކަވަމުން އެމްޑީޕީގެ ޗެއާޕާސަން، ފައްޔާޒް އިސްމާއިލް ވިދާޅުވީ ރައީސް މުއިއްޒުގެ ވިސްނުންފުޅު ހުރީ އެމަނިކުފާނު އެކަނި ދައުލަތް ހިންގަން ކަމަށެވެ. ނަމަވެސް ރައީސް އޮފީހުގައި ކެބިނެޓު މިނިސްޓަރުން ބައިތިއްބައިގެން ކުރައްވަނީ އެ މަސައްކަތް ކަމަށް އޭނާ ވިދާޅުވި އެވެ.

"ރައީސް ޑރ. މުއިއްޒު އެބަ ވިދާޅުވޭ ދެއްތޯ އެންމެ މީހަކަށް ވެސް ރަށްރަށް ވެސް ކުރިއަށް ގެންދެވިދާނެޔޭ، ރަށެއްގައި އެއް ކައުންސިލަރު ހުރެގެން، ކޮންމެވެސް ތަނެއްގައި ވިދާޅުވި އަޅުގަނޑަށް ހީވަނީ އެ ވިސްނުމުގައި ޑރ. މުއިއްޒު ގަބޫލުފުޅު ކުރައްވަނީ ކަންނޭނގެ ދިވެހިރާއްޖެ ވެސް އެންމެ މީހަކަށް ހިންގިދާނެ ކަމަށް،" ފައްޔާޒް ވިދާޅުވި އެވެ.

"ދެން ހަމަ އެހައި މޮޅު ވެސް ވެދާނެ، އަޅުގަނޑު ނުދަންނަވާނަން އެހެން ނޫނެކޭ، އެހެން ނަމަވެސް މިހައި ހިސާބަށް ދުނިޔޭގައި އަދިއެއް އެގޮތަށް ހިންގިފައެއް ނެތް،"

ފައްޔާޒް ވިދާޅުވީ ސަރުކާރުން އެ ހުރިހާ ކެބިނެޓް ބައްދަލުވުންތަކެއް ކުރިއަށް ގެންދިޔަ އިރުގައި ވެސް ރާއްޖޭގެ ތަރައްގީގެ ދުވެލި އެއްކޮށް ހުއްޓިފައި އޮތް ކަމަށެވެ.

"އެއްވެސް ރަށެއްގައި އެއްވެސް ކަމެއް ނުހިނގާ ރައްޔިތަކަށް ފައިސާއެއް ލިބެނީކީ ނޫން އެއްވެސް ކަމެއްގައި ކުރިއެރުމެއް މިގައުމަށް ލިބެނީއަކީ ނޫން، އެހެންވީމާ ނޫނީ އަދިވެސް ހަމަ ތައްޔާރު ވަނީ، އަށް މަސްދުވަސް ހަމަ ތައްޔާރުވެލަން ރަނގަޅު،"

މިއަހަރުގެ މިނިވަން ދުވަހުގެ ޖަލްސާގައި ރައީސް މުއިއްޒު ދެއްކެވި ވާހަކަފުޅުގައި އެމަނިކުފާނު ވިދާޅުވީ "މި ވޭތުވެދިޔަ 8 މަސް ދުވަހުގެ ތެރޭގައި، އަޅުގަނޑުމެން ވަޒީރުންގެ މަޖިލީހުގެ 17 ބައްދަލުވުން،" ބާއްވައި "225 ނިންމުމެއް ވާނީ ނިންމާފައި" ކަމަށެވެ.

އަދި، "225 ނިންމުމެއް ނިންމި ވާހަކަ ދަންނަވާއިރުގައި، އެއީ، ވަރަށް ގިނަ މަޝްވަރާތައް. ވަރަށް ގިނަ ކަންކަން،" ކަމަށް ރައީސް މުއިއްޒު އެދުވަހު ވިދާޅުވި އެވެ.

މީގެ ކުރީގެ ދެ ވެރިކަމުގައި ފުރަތަމަ އަށް މަސްދުވަހު ކެބިނެޓުން ނިންމި ނިންމުންތަކާއި މި ސަރުކާރުގެ އަދަދުތައް އަޅާކިޔައި ރައީސް ވަނީ އެއީ މި ސަރުކާރުގެ ކާމިޔާބެއްގެ ގޮތުގައި ސިފަ ކުރައްވައިފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox