ޝަމްނާޒު ބަންދުކުރީ ގޯސްކޮށް ކަމަށް ބުނާ މައްސަލަ ނުބަލަން ހައި ކޯޓުން ނިންމައިފި އެވެެ.
ޝަމްނާޒު ބަންދުކުރީ ގޯސްކޮށް ކަމަށް ބުނެ ޕީޖީ އޮފީހާއި ދެކޮޅަށް ޝަމްނާޒް މައްސަލަ ހުށައެޅީ މި މަހުގެ 9 ވަނަ ދުވަހެވެ. މި މައްސަލަ ބަލައިނުގަންނަން ކޯޓުން ނިންމީ އޭގެ 13 ދުވަސް ފަހުން މި މަހުގެ 22 ގަ އެވެ.
މި މައްސަލަ ބަލައިނުގަތުމަށް ނިންމީ، ހައި ކޯޓުން ބުނި ގޮތުގައި، ޖިނާއީ އިޖުރާތުގެ ގާނޫނުގެ 60 ވަނަ މާއްދާގެ (ކ)ގެ ދަށުން ބަންދުކުރުމުގައި ޝަރީއަތްކުރުމާއި ބެހޭ ޖިނާއީ އިޖުރާތުގެ ގަވާއިދުގެ 13 ވަނަ މާއްދާގެ (ނ) ތަތުބީގުނުކުރެވޭނެ ކަމަށް ފާތިމަތު ޝަމްނާޒު އަލީގެ ފަރާތުން ބުނާބުނުން ފިޔަވައި އިތުރު ގާނޫނީ ސަބަބެއް ހުށައަޅާފައިނެތުމުންނެވެ.
ޝަމްނާޒު ސިހުރުހެދިކަމުގެ ތުހުމަތުގައި ބަންދަށް ގެންދިޔައީ މޭ މަހު އެވެ. އޭނާ ހައްޔަރުކޮށްފައި ވަނީ އެންވަޔަރަމެންޓުގެ މިިނިސްޓްރީގެ ސްޓޭޓް މިނިސްޓަރަކަށް ހުއްޓަ އެވެ. އޭނާ ބަންދުން ދޫކޮށްލީ މި މަހުގެ 13 ގަ އެވެ.
