ތޯރިގު އިސްތިއުފާ ދެއްވީ އަބްދުއްރަހީމް ކަންކުރެއްވި ގޮތުން!

ރައީސްގެ އެޑްވައިޒަރު މުހައްމަދު އަލީ ޖަނާހު (ޖަނާ)، ރައްޔިތުންގެ މަޖިލީހުގެ ރައީސް އަބްދުއްރަހީމް، ރައީސުލްޖުމްހޫރިއްޔާ ޑރ. މުހައްމަދު މުއިއްޒު އަދި މަހިބަދޫ ދާއިރާގެ މެންބަރު ތޯރިގު

ރައީސްގެ އެޑްވައިޒަރު މުހައްމަދު އަލީ ޖަނާހު (ޖަނާ)، ރައްޔިތުންގެ މަޖިލީހުގެ ރައީސް އަބްދުއްރަހީމް، ރައީސުލްޖުމްހޫރިއްޔާ ޑރ. މުހައްމަދު މުއިއްޒު އަދި މަހިބަދޫ ދާއިރާގެ މެންބަރު ތޯރިގު

ވެރިކަންކުރާ ޕީއެންސީގެ ޕާލިމެންޓަރީ ގްރޫޕުގެ ޑެޕިއުޓީ ލީޑަރުގެ މަގާމުން، މަހިބަދޫ ދާއިރާގެ މެންބަރު އަހުމަދު ތޯރިގު އިސްތިއުފާ ދެއްވީ ރައްޔިތުންގެ މަޖިލީހުގެ ރައީސް، އަދި ޕީއެންސީގެ ޗެއާޕާސަން އަބްދުއްރަހީމް އަބްދުﷲ މުއާމަލާތް ކުރެއްވި ގޮތާއި ކަންކުރެއްވި ގޮތުން ކަމަށް، އެ މައުލޫމާތު އެނގޭ މަސްދަރުތަކުން ބުނެފި އެވެ.

އިސްތިއުފާގެ ވާހަކަ މީޑިއާތަކަށް ތިލަވުމާއެކު ސޯޝަލް މީޑިއާގައި ތޯރިގު ލިޔުއްވީ "އިސްތިއުފާ ދިނީ، މި ވަގުތު އަމިއްލަ ކަންކަން ހުރި ގޮތުން އެ މަސްއޫލިއްޔަތު އަދާކުރުމަށް ވަގުތު ދެވެން ނެތުމުގެ ސަބަބުން," ކަމަށެވެ.

އެއީ ހަގީގަތެއް ނޫން ކަމާއި، އަސްލު މައްސަލައަކީ އެފްއޭއެމް އަށް، ރައީސްގެ އެޑްވައިޒަރު ވިޔަފާރިވެރިޔާ، މުހައްމަދު އަލީ ޖަނާހު (ޖަނާ) ގެންނަން އުޅުން ކަމަށް އެ މައުލޫމާތު އެނގޭ މީހުންގެ ތެރެއިން މި ނޫހާ ވާހަކަ ދެއްކި ބައެއް މީހުން ބުންޏެވެ.

Advertisement

އިސްތިއުފާގެ ހަގީގަތް

އެފްއޭއެމްގެ ރައީސް ކަމުން ބައްސާމް އަދީލް ޖަލީލް ދުރުކޮށް، އެތަނުގެ ހިންގުން ނޯމަލައިޒިން ކޮމިޓީ އަކާ ހަވާލުކުރަން ފުޓްބޯޅައިގެ ދުނިޔޭގެ މައި އިދާރާ ފީފާއިން ވަނީ ނިންމައިފަ އެވެ. އެ ކޮމިޓީގެ އިސް މީހަކަށް ޖަނާ ހަމަޖައްސަން އުޅޭ އަޑުތައް ވެސް ވަނީ ފެތުރިފަ އެވެ. އެކަން ފީފާއިން ރަސްމީކޮށް ނާންގަ އެވެ. ނޯމަލައިޒިން ކޮމިޓީ އެކުލަވައިލަނީ ސީދާ ފީފާއިން ކަމަށް ވިޔަސް، އެ ކޮމިޓީގެ އިސް މީހަކު ކަނޑައެޅުމުގައި ސަރުކާރުގެ އިއުތިރާޒެއް އޮތްތޯ ބަލަން އިޝާރާތް ކޮށްލާކަމަށް ފުޓްބޯޅައިގެ ދާއިރާގެ ބައެއް މީހުން ބުންޏެވެ.

"އެފްއޭއެމްގެ ނޯމަލައިޒިން ކޮމިޓީ އަށް ޖަނާ އައްޔަން ކުރާތީވެ، ޓޮމްގެ ހިތްހަމަ ނުޖެހިފަ ހުރީ. [މަޖިލީހުގެ ރައީސް] އަބްދުއްރަހީމްއާ ވާހަކަ ދެއްކި، އަދި ރައީސް މުއިއްޒުއާ މަޝްވަރާ ކުރައްވަން ބޭނުންވާ ކަމަށް ބުނި. ނަމަވެސް ރައީސް މުއިއްޒުއާ ނުގުޅޭ ކަމަށް އަބްދުއްރަހީމް ވިދާޅުވެ ދިގު ދަންމަމުން ގެންދެވީ. އެކަމާ ހިތްހަމަ ނުޖެހިގެން ޓޮމް އިސްތިއުފާ އެ ދިނީ. އެފްއޭއެމްއާ ގުޅޭ ގޮތުން ރައީސްއާއެކު ޓޮމް މަޝްވަރާ ކުރަން ހުރަސް އެޅީ އަބްދުއްރަހީމް،" ޕީއެންސީގެ މެންބަރަކު ވިދާޅުވި އެވެ.

މިކަމާ ގުޅޭ ގޮތުން ތޯރިގުގެ ބަހެއް ނުލިބުނެ އެވެ.

ނަމަވެސް މި މައުލޫމާތު އެނގޭ ބައެއް ބޭފުޅުން ވިދާޅުވި ގޮތުގައި ތޯރިގު އިސްތިއުފާ ދެއްވިކަން އެނގިވަޑައިގަތުމުން ރައީސް މުއިއްޒު ތޯރިގު އަށް ގުޅުއްވި އެވެ. އަދި އިސްތިއުފާގެ ސިޓީ ނެންގެވުމަށް އެދިވަޑައިގެންނެވި އެވެ. ނަމަވެސް، ތޯރިގު އޭނާ ނިންމުން ބަދަލެއް ނުކުރި އެވެ.

"އެއީ އަބްދުއްރަހީމް ކަންކުރެއްވި ގޮތުން،" ޕީއެންސީގެ މެންބަރަކު ވިދާޅުވި އެވެ.

ރައްޔިތުންގެ މަޖިލީހުގައި ވިދިވިދިގެން ތިން ވަނަ ދައުރު އަދާ ކުރައްވާ ތޯރިގަކީ، ސިޔާސީ ދާއިރާ އަށް ވަދެވަޑައިގަތުމުގެ ކުރިން ހުނަރުވެރި ފުޓްބޯޅަ ކުޅުންތެރިޔެކެވެ. ނިއުރޭޑިއަންޓު ސްޕޯޓްސް ކްލަބާއި ގައުމީ ޓީމަށް އޭނާ ކުޅުނެވެ. ރާއްޖޭން 2008 ވަނަ އަހަރު ސާފް ޗެމްޕިއަންޝިޕްގެ ތަށި ގެނައި ޓީމުގައި ތޯރިގު ހިމެނެ އެވެ.

ކުޅިވަރަށް ހާއްސަކޮށް، ފުޓްބޯޅައަށް އޮތް ލޯތްބާއެކު، އެފްއޭއެމްގެ ރައީސްކަމުގެ މަގާމު ހޯއްދެވުމަށް ތޯރިގު ދިޔައީ ކެމްޕޭނު ކުރައްވަމުންނެވެ. އޭނާ، 2016 ވަނަ ހަތަރު އެންމެ މަސް ދުވަހުގެ މުއްދަތަކަށް އެފްއޭއެމްގެ ރައީސްކަން ކުރައްވާފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox