މަޖިލިސް ކެމްޕޭނާ ދިމާކޮށް ރައީސް ކުރެއްވި "ރަސްމީ" ދަތުރުތަކަށް ދައުލަތުން 4 މިލިއަން ރުފިޔާ ހަރަދުކުރި

ރައީސް މުއިއްޒު ގައުމުން ބޭރަށް ކުރެއްވި ދަތުރަކަށްފަހު މާލެ ވަޑައިގެން އެއާޕޯޓުގައި: އެމަނިކުފާނު މަޖިލިސް ކެމްޕޭނާ ދިމާކޮށް ކުރެއްވި ރަސްމީ ދަތުރުތަކަށް ހަތަރު މިލިއަން ހަރަދުވި - ފޮޓޯ: ރައީސް އޮފީސް

ރައީސް މުއިއްޒު ގައުމުން ބޭރަށް ކުރެއްވި ދަތުރަކަށްފަހު މާލެ ވަޑައިގެން އެއާޕޯޓުގައި: އެމަނިކުފާނު މަޖިލިސް ކެމްޕޭނާ ދިމާކޮށް ކުރެއްވި ރަސްމީ ދަތުރުތަކަށް ހަތަރު މިލިއަން ހަރަދުވި - ފޮޓޯ: ރައީސް އޮފީސް

މި އަހަރު އެޕްރީލް 21، ގައި ބޭއްވި ރައްޔިތުންގެ މަޖިލީހުގެ އިންތިހާބާ ދިމާކޮށް ރައީސް ޑރ. މުހައްމަދު މުއިއްޒު ރާއްޖޭގެ އެކި އަތޮޅުތަކަށް ކުރެއްވި ރަސްމީ ދަތުރުތަކަށް ދައުލަތުގެ ބަޖެޓުން ހަތަރު މިލިއަން ރުފިޔާ ހަރަދުކޮށްފައިވާ ކަމަށް ރައީސް އޮފީހުން ބުނެފި އެވެ.

ރައްޔިތުންގެ ހާލު ބެލުމަށް ކަމަށް ބުނެ ރައީސް އާއި ސަރުކާރުގެ އިސްވެރިން ބައިވެރިވި މި ދަތުރުތައް ފެށީ ފެބްރުއަރީ 6، ގަ އެވެ. ރައީސްގެ އެންމެ ފަހު ދަތުރު ކުރެއްވީ މަޖިލިސް އިންތިހާބަށް ހަފުތާއަކަށް ވެފައި ވަނިކޮށް އެޕްރީލް 14، ގަ އެވެ.

މި ދަތުރުތަކަށް ދައުލަތުގެ ބަޖެޓުން ކުރި ހަރަދު ހޯދުމަށް މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން "އަދަދު" އިން ވާނީ އެދިފަ އެވެ. މެއި 14، ގައި ހުށަހެޅި މި އާރުޓީއައި ރިކުއެސްޓަށް ރައީސް އޮފީހުން ޖަވާބުދީފައިވަނީ އޭގެ ދެ މަސް ފަހުން އިއްޔެ އެވެ.

ތިން މަހެއްހާ ދުވަސް ތެރޭގައި އއ. އަދި އދ. އަތޮޅު ފިޔަވާ ރާއްޖޭގެ ހުރިހާ އަތޮޅަކަށް ރައީސް މި ދަތުރުތަކުގައި ވަޑައިގެންނެވި އެވެ.

ރައީސް އޮފީހުން ދިން ޖަވާބުގައި ބުނީ ދަތުރުތަކަށް ދައުލަތުގެ ބަޖެޓުން ޖުމްލަކޮށް ހަރަދުކޮށްފައިވަނީ 4،170،695ރ. (ހަތަރު މިލިއަން އެއް ލައްކަ ހަތްދިހަ ހާސް ހަ ސަތޭކަ ނުވަދިހަ ފަސް ރުފިޔާ) ކަމަށެވެ.

އޭގެ ތެރޭގައި އެކި ރަށްރަށުގައި ރައީސް އަދި ޓީމުގެ އެކޮމޮޑޭޝަނާއި ފްލައިޓު އަދި ލޯންޗު ހަރަދުގެ އިތުރުން ސައުންޑާއި ލައިޓިން އަދި ބެނާތަކަށް ކުރި ހަރަދުތައް ހިމެނެ އެވެ.

"ރަސްމީ" ދަތުރުތަކަށް ދިޔަ ހަރަދު

  • ފެބްރުއަރީ 6، އިން 8، އަށް ތ. އަތޮޅަށް ކުރެއްވި ދަތުރު - 422،090ރ.
  • ފެބްރުއަރީ 18، އިން 19، އަށް އައްޑޫއަށް ކުރެއްވި ދަތުރު - 435،479ރ.
  • ފެބްރުއަރީ 19، އިން 20، އަށް ފުވައްމުލަކަށް ކުރެއްވި ދަތުރު - 509،407ރ.
  • ފެބްރުއަރީ 20، އިން 21، އަށް ގދ. އަދި ގއ. އަތޮޅަށް ކުރެއްވި ދަތުރު - 373،873ރ.
  • ފެބްރުއަރީ 24، އިން 29، އަށް ހއ. އަތޮޅަށް ކުރެއްވި ދަތުރު - 243،718ރ.
  • ފެބްރުއަރީ 24، އިން 29، އަށް ހދ. އަތޮޅަށް ކުރެއްވި ދަތުރު - 184،755ރ.
  • ފެބްރުއަރީ 24، އިން 29، އަށް ށ. އަތޮޅަށް ކުރެއްވި ދަތުރު - 110،664ރ.
  • ފެބްރުއަރީ 24، އިން 29، އަށް ނ. އަތޮޅަށް ކުރެއްވި ދަތުރު - 184،802ރ.
  • މާޗު 2، އިން 4، އަށް ރ. އަދި ބ. އަތޮޅަށް ކުރެއްވި ދަތުރު - 373،628ރ.
  • މާޗު 5، އިން 7، އަށް ދ. އަދި މ. އަދި ކ. އަތޮޅަށް ކުރެއްވި ދަތުރު - 204،694ރ.
  • މާޗު 9، ގައި ޅ. އަތޮޅަށް ކުރެއްވި ދަތުރު - 287،784ރ.
  • މާޗު 15، ގައި ނ. މާފަރަށް ކުރެއްވި ދަތުރު - 198،999ރ.
  • އެޕްރީލް 11، އިން 13، އަށް ލ. އަތޮޅާއި އައްޑޫއަށް ކުރެއްވި ދަތުރު - 335،432ރ.
  • މާޗު 13، އިން 14، އަށް ފ. އަތޮޅަށް ކުރެއްވި ދަތުރު - 305،366ރ.

ރައީސް އާއެކު މި ދަތުރުތަކުގައި އެކި ވަޒީރުންނާއި 19 ވަނަ މަޖިލީހުގެ ބައެއް މެންބަރުން ބައިވެރިވެވަޑައިގެންނެވި އެވެ. އޭގެއިތުރުން ގިނަ ދާއިރާތަކުން ވެރިކަންކުރާ ޕީއެންސީގެ ޓިކެޓުގައި ނުވަތަ ރައީސްގެ ތާއީދާއެކު ވާދަކުރެއްވި ކެންޑިޑޭޓުންވެސް އެ ދަތުރުތަކުގައި އަރިހުގައި ވަޑައިގެން ޖަލްސާތަކުގައި ބައިވެރިވެވަޑައިގެންނެވި އެވެ.

ރައްޔިތުންގެ މަޖިލިސް އިންތިހާބުގައި ޕީއެންސީން ވަނީ 66 ގޮނޑި ކާމިޔާބޔކޮށް މަޖިލީހުގެ ސުޕަ މެޖޯރިޓީ ހޯދައިފަ އެވެ. އިންތިހާބަށްފަހު ޕީއެންސީއާ ގުޅުނު މެންބަރުންނާއެކު މަޖިލީހުގައި މިވަގުތު އެ ޕާޓީގެ 77 މެންބަރުން ތިއްބަވަ އެވެ.

މި ދަތުރުތަކާ ގުޅިގެން އެކަމާ ގުޅިގެން ސުވާލުކުރުމުން ރައީސް އޮފީހުގެ ކޮމިއުނިކޭޝަން މިނިސްޓަރު އިބްރާހިމް ހަލީލު "އަދަދު" އާ ވާހަކަދައްކަވަމުން ވިދާޅުވީ މަޖިލިސް އިންތިހާބު ކައިރިވެފައި ވީނަމަވެސް، އެ ދަތުރުތަކަކީ ރައްޔިތުންގެ އަރިހަށް ކުރެއްވި ދަތުރުތަކެއް ކަމަށް ވިދާޅުވެފަ އެވެ.

ނަމަވެސް، ރައީސްގެ "ރަސްމީ" ދަތުރުތައް ކުރެއްވި ދުވަސްވަރު، މަޖިލީސް އިންތިހާބުގައި ކެންޑިޑޭޓުންނަށް ތާއިދު ހޯދުމަށް ދައުލަތުގެ ވަސީލަތްތައް ބޭނުން ނުކުރަމަށް އެންޓި ކޮރަޕްޝަން ކޮމިޝަން (އޭސީސީ) އިން ވެސް އިލްތިމާސް ކުރި އެވެ.

އެ ކޮމިޝަނުން ފެބްރުއަރީ 28، ގައި ނެރުނު ނޫސްބަޔާނުގައި ވަނީ މަޖިލިސް އިންތިހާބުގެ ކެމްޕޭނު ކުރަމުންދާއިރު, ކޮރަޕްޝަނަށް މަގުފަހި ނުވާނެހެން ކެމްޕޭން ކުރުމަށް އިލްތިމާސްކޮށްފަ އެވެ. އެގޮތުން, ކެންޑިޑޭޓުންނަށް ތާއިދު ހޯދުމަށް ގާނޫނުތަކާއި ގަވައިދުތަކާއި އުސޫލުތަކާ ހިލާފަށް ދައުލަތުގެ ވަސީލަތްތައް ބޭނުން ނުކުރަން އެ ބަޔާނުގައި އެދިފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox