ގަވަރުނަރު ވަކިކުރުމަކީ ހައްލެއް ނޫން، ހަރަދު ކުޑަކުރަން ޖެހޭ: އެމްޑީޕީ މެންބަރުން

ގަވަރުނަރު ވަކިކުރުމަކީ ހައްލެއް ނޫން، ހަރަދު ކުޑަކުރަން ޖެހޭ: އެމްޑީޕީ މެންބަރުން

ރައްޔިތުންގެ މަޖިލީހުގެ މާލިއްޔަތު ކޮމިޓީން ނިންމާފައިވާ ގޮތަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ގަވަރުނަރުގެ މަގާމުން އަލީ ހާޝިމް ވަކިކުރުމަކީ މާލީ ގޮންޖެހުންތަކަށް އޮތް ހައްލެއް ނޫން ކަމަށާއި ސަރުކާރުގެ ހަރަދުތައް ކުޑަކުރުމަށް އެ މައްސަލައިގެ ބަހުސްގައި ވާހަކަ ދެއްކެވި އިދިކޮޅު މޯލްޑިވިއަން ޑިމޮކްރަޓިކް ޕާޓީގެ މެންބަރުން ގޮވާލައްވައިފި އެވެ.

ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ ގަވަރުނަރު ވަކިކުރުމުގެ މައްސަލަ މަޖިލީހުގައި ހިންގުން ސިފަކުރެއްވީ ބަރުލަމާނީ ހަޔާތުގައި ކަޅު ދުވަހެއްގެ ގޮތުގަ އެވެ. ގަވަރުނަރު ވަކިކުރުމުގެ ބަހުސްގައި ހުރިހާ ބޭފުޅުންގެ ވާހަކަތަކުން ވެސް ގަވަރުނަރަކީ ހުރިހާ މައްސަލައެއްގެ ގޮތުގައި ސިފަކުރެއްވި ނަމަވެސް އެކަން އޮތީ އެހެން ނޫން ކަމަށް އޭނާ ވިދާޅުވި އެވެ.

ކޮވިޑާއެކު އާމްދަނީ އެއްކޮށް ހުއްޓުމުގެ ސަބަބުން ފައިސާ ޗާޕުކުރި ކަމަށާއި އެކަން އެގޮތަށް ކުރަން އެމްޑީޕީގެ ސަރުކާރުން ނިންމީ އެއީ ކޮވިޑުން އަރައިގަންނަން ދުނިޔޭގެ ހުރިހާ ގައުމަކުން ވެސް ކުރި ކަމަކަށްވާތީ ކަމަށް އޭނާ ވިދާޅުވި އެވެ. އެކަން ކުރީ ނަގަން ޖެހޭ ހުއްދަތައް ނަގައިގެން އޮންނަ އުސޫލުގެ ތެރެއިންކަން އޭނާ ފާހަގަކުރެއްވި އެވެ.

Advertisement

"މި މަޖިލީހުން ހަދާ ގާނޫނެއްގެ ދަށުގައި ސެންޓްރަލް ބޭންކް ވެސް އޮންނަނީ. މި މަޖިލީހުން ފާސްކޮށްފައި ލާރި ޗާޕު ކުރާށޭ ބުނީމައި ގަވަރުނަރު ޖެހޭނީ އެ ލާރި ޗާޕުކުރަން. އެއީ އެކަން ހިނގައިދިޔަ ގޮތް," ޣަފޫރު ވިދާޅުވި އެވެ.

"ގަވަރުނަރު ވަކިކޮށްގެން މާލީ ދަތިކަމެއް ހައްލެއް ނުވާނެ"

އެ ވާހަކަ ކުރިއަށްގެންދަވަމުން ޣަފޫރު ވަނީ މި ސަރުކާރު ވެރިކަމާ ހަވާލުވިއިރު އިގުތިސޯދު ރަނގަޅަށް އޮތް ނަމަވެސް ހަރަދު ބޮޑުވުމުގެ ސަބަބުން މާލީ ދަތިތަކަމާ ކުރިމަތިލާން ޖެހިފައިވާކަން ފާހަގަކުރައްވާފަ އެވެ. ނިޒާމީ ނުކުތާއެއްގައި މާލިއްޔަތު ކޮމިޓީގެ މުގައްރިރު ގާސިމް އިބްރާހިމް ވަނީ ޣަފޫރު ދައްކަވަނީ ކަނޑައެޅިގެން ހަގީގަތާ ހިލާފު ވާހަކަތަކެއް ކަމަށް ވިދާޅުވެފަ އެވެ.

"ބައްލަވާ ވެރިކަން ބަދަލުވިއިރު ރާއްޖޭގެ އިގުތިސޯދު އޮތް ހާލަތު. ރާއްޖެއަށް އާމްދަނީ ވަންނަމުންދިޔަ ވަރު. އެކަން ހިސާބުތަކުން ފެންނަން އޮންނާނެ. އެ ހަގީގަތް އޮޅުވައެއް ނުލެވޭނެ އިއްޒަތްތެރި ރައީސް. ހަރަދު ބޮޑުވަނީ," ގާސިމަށް ރައްދު ދެއްވަމުން ޣަފޫރު ވިދާޅުވި އެވެ.

މިދިޔަ ސަރުކާރުގެ ހަރަދު ބޮޑު ނޫން ކަމަށް ދަންނަވަނީ ނޫން ކަމަށާއި މި ސަރުކާރުގައި އެއަށްވުރެ ހަރަދު ބޮޑު ކަމަށް އޭނާ ވިދާޅުވި އެވެ. މާލީ ދަތިކަމަކީ ރާއްޖޭގެ އިގުތިސޯދު ގޯސްވެގެން, ރާއްޖެއަށް ލިބޭ އާމްދަނީ މަދުވެގެން ހިނގާ ކަމެއް ނޫން ކަމަށް ޣަފޫރު ވިދާޅުވި އެވެ. "ކުރެވޭ ހަރަދު މާ ބޮޑީ."

ރާއްޖޭގެ މާލީ ނިޒާމު ހިނގަމުންދިޔައީ ރަނގަޅަށް ކަމަށާއި ގަވަރުނަރު ބަދަލުކުރުމުން ސަރުކާރަށް ދިމާވެފައިވާ މާލީ ގޮންޖެހުންތަކުން ސަލާމަތްވެވޭނެ ކަމަށް ދެކިގެން ނުވާނެ ކަމަށް ޣަފޫރު ފާހަގަކުރެއްވި އެވެ.

"ގަވަރުނަރު ބަދަލުކުރުމުންނެއް ޑޮލަރެއް އަގެއް ހެވެއް ނުވާނެ. ގަވަރުނަރު ބަދަލުކުރުމަކުންނެއް ރައްޔިތުންނަށް އިތުރު ތަނަވަސްކަމެއް ލިބިގެންނެއް ނާންނާނެ. އަޅުގަނޑުމެންނަށް ހިޔާލީ ފޮލާ ކެއްކިދާނެ. އެކަމު އޭގެއެއިން ކުރާނެ އެއްވެސް އަސަރެއް ނޯންނާނެ. އިހުލާސްތެރިކަން އޮންނަންވީ," ސަރުކާރުގެ ރިކަރަންޓު ހަރަދުތައް ކުޑަކުރުމަށް ގޮވާލައްވަމުން ޣަފޫރު ވިދާޅުވި އެވެ.

"ސަރުކާރަށް ސަނާ ކީދާނެ, ކިޔާ ސަނާއަކުން ރައްޔިތުންނަށް ވާނެ ފައިދާއެއް ނޯންނާނެ. އަމިއްލަ ބޭނުމުގައި ސަނާ ކިޔައިގެން އެއްޗެހި ހޯދުމުގެ ސަގާފަތެއް އަދިވެސް އަޅުގަނޑުމެންގެ ތެރޭގައި އާލާކުރުމުގެ ވިސްނުން މި ގެންގުޅެނީ."

ސަރުކާރަށް މެނޭޖުކުރަން ނޭނގެނީ: ނާޒިލް

ސަރުކާރު ވެރިކަމާ ހަވާލުވިއިރު ބަޖެޓެއް ހަވާލުކުރި ނަމަވެސް އެކަން މެނޭޖުކުރަން ނޭނގުނު ކަމަށް މައިނޯރިޓީ ލީޑަރު އަދި ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް ވިދާޅުވި އެވެ. ގަވަރުނަރު ވަކިކުރަނީ ސަރުކާރަށް ނޭނގޭ ނޭނގުން ފޮރުވުމުގެ ގޮތުގައި ނާޒިލް ސިފަކުރެއްވި އެވެ.

"ދެ ގަވަރުނަރުން ލިޔަސް ނުކުރެވޭނެ. ތިން މީހުން ލިޔަސް ނުކުރެވޭނެ. [މާލިއްޔަތު] ކޮމިޓީގެ ޗެއާ އެ ވިދާޅުވަނީ ކޮވިޑު މެނޭޖުކުރީ ގޯސްކޮށޭ. އެ ބޭފުޅާ ކޮވިޑާ އެކީގައި އެންމެ ފުރަތަމަ ދިވެހި ރައްޔިތުން ވަޒީފާއިން ވަކިކުރަން ފެށީ," ނާޒިލް ވިދާޅުވި އެވެ.

ނިޒާމީ ނުކުތާއެއް ނަންގަވައި ގާސިމް ވަނީ ކޮވިޑު މެނޭޖުކުރީ ގޯސްކޮށް ކަމަށް ވިދާޅުވެފައި ނުވާނެ ކަމަށެވެ.

ވާހަކަ ކުރިއަށް ގެންދަވަމުން ނާޒިލް ވަނީ މި ސަރުކާރަށް މާލީ ހާލަތު މެނޭޖު ކުރަން ނޭނގޭ ކަމަށް ވިދާޅުވެފަ އެވެ. ރައީސް މުއިއްޒުގެ އަރިހުގައި އިހުލާސްތެރިކަމާ އެކު އެކަން ކޮށްދެއްވާނެ ބޭފުޅުން މިހާރު ނެތް ކަމަށް ނާޒިލް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox