ވައިގެ މަގުން އެތެރެކުރަން އުޅުނު 99 ޕަސެންޓު ޑްރަގު ހިފަހައްޓައިފިން: ކަސްޓަމްސް

Jul 16, 2024, 6:43 AM
ވެލާނާ އެއާޕޯޓުގައި ހުންނަ އެއާ ކާގޯ ޓާމިނަލް: ކަސްޓަމްސްއިން ބުނީ އެންމެ ބޮޑު ގޮންޖެހުމަކީ މުވައްޒަފުންގެ ދަތިކަން ކަމަށް -- ފޮޓޯ: އަބްދުﷲ އިޔާން/އަދަދު

ވެލާނާ އެއާޕޯޓުގައި ހުންނަ އެއާ ކާގޯ ޓާމިނަލް: ކަސްޓަމްސްއިން ބުނީ އެންމެ ބޮޑު ގޮންޖެހުމަކީ މުވައްޒަފުންގެ ދަތިކަން ކަމަށް -- ފޮޓޯ: އަބްދުﷲ އިޔާން/އަދަދު

ވައިގެ މަގުން ރާއްޖެއަށް އެތެރެކުރަން އުޅުނު މަސްތުވާތަކެތީގެ ތެރެއިން 99 ޕަސެންޓު މަސްތުވާތަކެތި އަތުލައިގެންފައިވާ މޯލްޑިވްސް ކަސްޓަމްސް ސާވިސްއިން މިއަދު ބުނެފި އެވެ.

ރައްޔިތުންގެ މަޖިލީހުގެ މާލިއްޔަތު ކޮމިޓީގައި މަސްތުވާތަކެތި އެތެރެވުން ހުއްޓުވުމުގައި ކަސްޓަމްސްގެ ދައުރާ ގުޅޭ މައުލޫމާތު ދެމުން ކަސްޓަމްސް ކޮމިޝަނަރު ޔޫސުފް މާނިއު ވިދާޅުވީ މުވައްޒަފުންގެ ދަތިކަން ހުއްޓަސް ކުރިން އަތުލައިނުގަނެވޭ ވަރަށް އެއާ ކާގޯއިން އެތެރެކުރަން އުޅޭ މަސްތުވާތަކެތި އަތުލައިގަންނަމުން އަންނަ ކަމަށެވެ.

"އެކަމަކު ވެސް އަޅުގަނޑު ދަންނަވާނީ އަދިވެސް އެހާ މަދު މުވައްޒަފުން ހުރެގެން ވެސް އަޅުގަނޑުމެން އަދި މިހާތަނަށް މީގެ ކުރިން ކެޕްޗާ ނުކުރެވޭ ވަރަށް މަސްތުވާތަކެތި ހުއްޓުވާފައި ހުންނާނީ، ވަރަށް ބޮޑަށް އިނގޭތޯ. ހަމަ ބޯޑަރުން، ކީކޭ ދަންނަވާނީ 99 ޕަސެންޓު އަޅުގަނޑުމެން ހަމަ ހިފަހައްޓާފައި ހުންނާނީ،" އޭނާ ވިދާޅުވި އެވެ.

ކަސްޓަމްސްގެ ވެރިން ކޮމިޓީގައި ދެއްކި ވާހަކައިގައި، އެ އިދާރާގެ ދައުރު އެންމެ ފުރިހަމައަށް އަދާކުރުމުގައި ދިމާވާ އެންމެ ބޮޑު ގޮންޖެހުމެއްގެ ގޮތުގައި ފާހަގަކުރީ މުވައްޒަފުންގެ ދަތިކަމެވެ. މިހާރު ވެސް، ކަސްޓަމްސްއަށް އިތުރު 330 މުވައްޒަފުން ބޭނުންވާ ކަމަށް މާނިއު ކޮމިޓީގައި ވިދާޅުވި އެވެ.

"އަޅުގަނޑުމެންނަށް މިވާ ދަތިިތަކަކީ އަޅުގަނޑުމެންގެ މުވައްޒަފުން ވެސް މަދު. މިހާތަނަށް ނެތް އަދި، މިހާރު އަޅުގަނޑުމެންގެ މުވައްޒަފުންގެ ކައުންޓަށް ބަލާއިރު އަސްލު އެކަށީގެންވާ ވަރަށް އެންމެ މިނިމަމްކޮށް ނެޝަނަލް ސެކިއުރިޓީ ތްރެޓަކަށް ނާންނަ ވަރަށް ބަލާއިރު ވެސް އަޅުގަނޑުމެންނަށް އިތުރަށް އަދި ބޭނުންވޭ 330 މުވައްޒަފުން،" އޭނާ ވިދާޅުވި އެވެ.

ބޭނުންވާ ވަރަށް މުވައްޒަފުންގެ ނެތުމުގެ އިތުރުން، މުވައްޒަފުންނަށް ދޭން ޖެހޭ ތަމްރީނުތައް ދިނުމުގައި ދިމާވާ ގޮންޖެހުންތައް ވެސް ކޮމިޓީގައި ކަސްޓަމްސްއިން ފާހަގަކޮށްފައިވެ އެވެ.

އެގޮތުން ކަސްޓަމްސްގައި ވަޒީފާ އަދާކުރާ ކޮންމެ މުވައްޒަފަކަށް މަދުވެގެން ހަ މަސް ދުވަހުގެ ތަމްރީނު ބޭނުންވާ ކަމަށް އެ އިދާރާއިން ކޮމިޓީގައި ބުންޏެވެ. އޭގެ ތެރޭގައި އިންޑިއާގައި ފުރިހަމަ ކުރަމުންދާ ތިން މަސް ދުވަހުގެ ތަމްރީނު ޕްރޮގްރާމަކާއި މަސައްކަތުގެ މައިދާނުގައި އިތުރު ތިން މަސް ދުވަހުގެ ތަމްރީނު ފުރިހަމަ ކުރަން ޖެހެ އެވެ.

އެކަމަކު، ބޭނުންވާ ވަރަށް މުވައްޒަފުން ނުލިބި، އެންމެ ފަހު ވަގުތުގައި މުވައްޒަފުން ނަގަަން ޖެހޭތީ، ތަންތަނަށް ފޮނުވަން ޖެހޭނީ ބޭނުންވާ ތަމްްރީނުތައް ވެސް ނުދީ ކަމަށް މާނިއު ކޮމިޓީގައި ވިދާޅުވި އެވެ. މިއާ ވިދިގެން، ސަލާމަތީ މައްސަލަތައް ވެސް ނިކުންނަ ކަމަށް އޭނާ ވިދާޅުވި އެވެ.

ތަމްރީނުތައް ނުދެވުމުގެ ސަބަބުން ދިމާވާ ކަމެއްގެ މިސާލެއް ދެމުން އެ މާނިއު ވިދާޅުވީ ކަސްޓަމްސްގައި ސްކޭން މެޝިންތައް ބޭނުންކޮށް އޭގެ ރިޕޯޓު ކިޔަން އެނގޭ ތިބީ މަދު މުވައްޒަފުންތަކެއް ކަމަށެވެ.

"މިހާރު ވެސް އަޅުގަނޑުމެންގެ މުވައްޒަފުންގެ ތެރެއިން ވަރަށް މަދު ބަޔަކަށް މި އިނގެނީ ސްކޭން ރިޕޯޓު ކިޔަން. ސްކޭން މެޝިން ފަންކްޝަން ކުރަން ވެސް. އެ ވާގޮތަކީ ފަހުން ވެއްދީމަ އަޅުގަނޑުމެންގެ ނުހުންނާނެތާ އެވަރުގެ ކެޕޭސިޓީއެއް އެ ޓްރެއިނިން ދޭކަށް،" އޭނާ ވިދާޅުވި އެވެ.

މުވައްޒަފުން މައްސަލައިގެ އިތުރުން ކަސްޓަމްސްއިން ވަނީ ޒަމާނީ ވަސީލަތްތައް ނެތުމާއި ބަނދަރުގައި ހުރި ޖާގައިގެ ދަތިކަމުގެ ސަބަބުންނާއި އެއާޕޯޓުގެ ސެކިއުރިޓީ ކަންކަން އިންތިޒާމުވެފައި ހުރި ގޮތުގައި ހުރި މައްސަލަތައް ކޮމިޓީގައި ފާހަގަކޮށްފަ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox