ޔޫރޯ 2024 ގެ ފައިނަލު މެޗު ބެލުމަށް ދިރާގުން އެޗްޑީސީއާ ގުޅިގެން ހުޅުމާލެ ދެވަނަ ފިޔަވަހީގައި ބޮޑު ސްކްރީނެއް ބަހައްޓާނެ ކަމަށް ދިރާގުން ބުނެފި އެވެ.
އެ ބޮޑު ސްކްރީން ބަހައްޓާނީ ދިރާގުން ބުނި ގޮތުގައި ހިޔާ ފްލެޓް ހިމެނޭ ސަރަހައްދުގައި، ހިޔާ ފްލެޓް ޓަވަރު 1 އަދި ވިނަރެސް ޓަވަރު 1 އާ ދެމެދު އެވެ.
ދިރާގުން ބުނީ މިރޭ 10:00 އިން ފެށިގެން ސްކްރީނުން ލައިވްކޮށް މަންޒަރުތައް ދައްކަމުންދާނެ ކަމަށެެވެ.
ޔޫރޯއާ ދިމާކޮށް ދިރާގުން ތައާރަފްކޮށްފައިވާ އޮފާތައް ތެރޭގައި ސޮނީލިވް ޕެކްއާއެކު ރާއްޖޭގެ ކޮންމެ ތަނަކު ހުރެގެން ފައިނަލް މެޗު އެންމެ 80ރ. އާއެކު 80ޖީބީ ޑޭޓާ އަދި ސޮނީލިވް ޕްރިމިއަމް އެކްސެސް 30 ދުވަހަށް ލިބެ އެވެ.
އޭގެއިތުރުން، ދިރާގުން ޖެހީ ލިބުނީއާއެކު މިރޭ މޮޅުވާނެ ޓީމު ރަޖިސްޓާ ކުރުމަށްފަހު، ޖަހާ ކޮންމެ ގޯލަކަށް 1ޖީބީ ޑޭޓާ ހިލޭ ލިބެ އެވެ.
