ޔޫރޯގެ ފައިނަލްގައި މިރޭ އިންގްލެންޑާއި ސްޕެއިން ނުކުންނައިރު، މި ދެ ޓީމުން ވަނީ ބައިނަލްއަޤްވާމީ މުބާރާތްތަކުގައި މީގެ ކުރިންވެސް ބައްދަލުކޮށްފައެވެ. އެކަމަކު ފުޓްބޯޅަައިގައި ދިގު ތާރީހެއް އޮތް މި ދެ ގައުމުވެސް މުބާރާތްތަކުގައި މާ ގިނަ ފަހަރަކު ބައްދަލެއް ނުކުރެއެވެ. މިއީ ބައިނަލްއަޤްވާމީ (ފިރިހެން) މުބާރާތެއްގެ ފައިނަލްގައި މި ދެ ޓީމު ކުރިމަތިލާ ފުރަތަމަ ފަހަރެވެ.
ސްޕެއިން މިރޭގެ މެޗަށް ކުރިމަތިލަނީ ހަތަރު ވަނަ ފަހަރަށް ޔޫރޯގެ ތަށި ކާމިޔާބުކުރުމުގެ އަމާޒުގައެވެ. ސްޕެއިން ތަށި ހޯދައިފިނަމަ، ޔޫރޯގެ ތަށި އެންމެ ގިނައިން ހޯދި ޓީމުގެ ރެކޯޑް ލިބޭނެއެވެ.
އިންގްލެންޑަށް އަދި މިހާތަނަށް ޔޫރޯ ކާމިޔާބެއް ނުކުރެ އެވެ. އިންގްލެންޑްގެ ޓްރޮފީ ހަރުގަނޑުގައި މިއަދާ ހަމައަށް ވެސް ފެންނަން ހުރީ 1966 ވަނަ އަހަރު އަމިއްލަ ގައުމުގައި ވޯލްޑް ކަޕް ކާމިޔާބުކުރުމެވެ.
ޔޫރޯ 2020ގެ ފައިނަލަށް އިންގްލެންޑް ދަތުރުކުރިއެވެ. ފައިނަލްގައި ބަކިވީ އިޓަލީ އަތުންނެވެ. ސްޕެއިން އެންމެ ފަހުން ޔޫރޯ ކާމިޔާބުކުރީ 2008 އަދި 2012 ވަނަ އަހަރެވެ.
ޔޫރަޕްގެ ފުޓްބޯޅައިގައި ކުރީގައި އޮތް ދެ ގައުމަށް ވިޔަސް، އިންގްލެންޑާއި ސްޕެއިން މިހާތަނަށަ މާ ގިނަ ފަަހަރު މުބާރާތްތަކުގައި ބައްދަލެއްނުކުރެއެވެ. ހާއްސަކޮށް 2000ގެ ފަހުން، މިއީ މި ދެ ޓީމު ބައިނަލްއަޤްވާމީ މުބާރާތުގައި މާ ގިނަ ފަހަރު ބައްދަލެއްނުކުރެއެވެ. މި ދެ ޓީމުގެ މެދުގައި 2004-2016 އަށް ކުޅެފައިވަނީ ޢެކުވެރިކަމުގެ މެޗުތަކެވެ.
ސްޕެއިން - އިންގްލެންޑް މިހާތަނަށް މުބާރާތްތަކުގައި ކުރިމަތިވިލި މެޗުތައް:
ވޯލްޑް ކަޕް 1950 - ސްޕެއިން 1 - 0 އިންގްލެންޑް
ޔޫރޯ 1968 - ސްޕެއިން 0 - 1 އިންގްލެންޑް (ފުރަތަމަ ލެގު)، ސްޕެއިން 1 - 2 އިންގްލެންޑް (ދެ ވަަނަ ލެގު)
ޔޫރޯ 1980 - ސްޕެއިން 1 - 2 އިންގްލެންޑް
ވޯލްޑް ކަޕް 1982 - ސްޕެއިން 0 - 0 އިންގްލެނޑް
ޔޫރޯ 1996: ސްޕެއިން 2 - 4 އިންގްލެންޑް (ޕެނަލްޓީ ޝޫޓްއައުޓް)
ނޭޝަންސް ލީގު 18/19: ސްޕެއިން 2 - 1 އިންގްލެންޑް / ސްޕެއިން 2 - 3 އިންގްލެންޑް
