96ގެ ޔޫރޯ ހިތި ހަނދާންތަކުން ސައުތުގޭޓް ސަލާމަތެއްނުވޭ

Jul 14, 2024, 6:43 AM
1996 ގެ ޔޫރޯގައި ޕެނަލްޓީ ނާކާމިޔާބުވުމުން ސައުުތުގޭޓް ބޮލުގައި އަތްއަޅައިގެން.

1996 ގެ ޔޫރޯގައި ޕެނަލްޓީ ނާކާމިޔާބުވުމުން ސައުުތުގޭޓް ބޮލުގައި އަތްއަޅައިގެން.

"އެކަން ނުވީ ސައުތުގޭޓާހެދި،" 1996 ވަނަ އަހަރުގެ ޔޫރޯއަކީ އިންގްލެންޑަށް ކާމިޔާބުކުރެވޭ ވަރުގެ މުބާރާތެއްގައިތޯ ޓްރައިބަލް ފުޓްބޯލް އިން އިންގްލެންޑްގެ ކުރީގެ ފޯވަޑް ޓެޑީ ޝެރިންގްހަމްއާ ސުވާލުކުރުމުން ސަމާސާ ރާގަކަށް އޭނާ ޖަވާބު ދިނެވެ.

އެކަމަކު، މިއީ ހަގީގަތުގައި ވެސް ޔޫރޯ 96 ގެ ފަހުުން އިންގްލެންޑްގެ ބައެއް ސަޕޯޓާރުންނަށް ކުރެވޭ އިހުސާސެކެވެ. އެ އަހަރުގެ ޔޫރޯގެ ސެމީ ފައިނަލްގައި ޖަރުމަން އަތުން ޕެނަލްޓީ ޖަހައިގެން އިންގްލެންޑް ބަލިވިއިރު ސައުތުގޭޓް ވަނީ ޕެނަލްޓީ ބޭކާރުކޮށްލައިފަ އެވެ.

އެއީ މީގެ 27 އަހަރުކުރިން އިނގިރޭސި ފުޓްބޯޅައަށް ކުރިމަތިވި ހިތި ދުވަހެކެވެ. އަދި އޭގެ ފަހުން އަހަރުތަކެއް ފާއިތުވިޔަސް، އިންގްލެންޑްގެ ކޯޗު ސައުތުގޭޓަށް އެ ހަނދާންތަކާ އަދިވެސް ދުރަކަށް ނުދެވެއެވެ.

"ވިއްސަކަށް އަހަރުވި އަހަރެން ހޭދަކުރިން ކުޅުންތެރިއެއްގެ ގޮތުގައި، އެކަމަކު ފުރަތަމަ އަހަންނާ ދިމާވައިރުވެސް ބައެއް މީހުން ޔޫރޯ (96ގެ) ވާހަކަދައްކަން ފޭށީމަ ވަރަށް އުނދަގޫވޭ،" ސައުތުގޭޓް ބުންޏެވެ.

އިންގްލެންޑް އިން 1966 ވަނަ އަހަރުގެ ވޯލްޑް ކަޕް ކާމިޔާބުކުރި ފަހުން ބައިނަލްއަޤްވާމީ ބޮޑު މުބާރާތެއްގެ ތައްޓެއް ނުލިބެއެވެ. އެހެންކަމުން މިރޭގެ ފައިނަލް އިންގްލެންޑްގެ ކާމިޔާބުކޮށްފިނަމަ، ސައުތުގޭޓާއި އެ ޓީމުގެ ހުރިހާ ކުޅުންތެރިންވެސް ވާނީ އިންގްލެންޑްގެ ބަތަލުންނަށެވެ.

އިންގްލެންޑްގެ ސަޕޯޓަރުން އެ ޓީމާމެދު އަބަދުވެސް ފޮނި އުންމީދުތަކެއް ކުރެއެވެ. އިންގްލެންޑްގެ ނުފޫޒު ގަދަ މީޑިއާ އިން އެ ޓީމުގެ ހުރިހާ ކަމެއް ފޮލޯކުރެއެވެ. އެހެންކަމުން އިންގްލެންޑްގެ ކޮންމެ ނާކާމިޔާބީއަކާއެކު، ސަޕޯޓަރުންނާއި މީޑިއާގެ ފާޑުކިއުންތައް އިންގްލެންޑްގެ ޓީމަށް އަމާޒުވެއެވެ. މި އަހަރުގެ މުބާރާތްވެސް ދިޔައީ އެގޮތަށެވެ.

ސައުތުގޭޓް ބުނީ "ޤައުމަށް ހިދުމަތްކުރާއިރު" އަބަދު ފާޑުކިއުންތައް އަޑުއެހުމަކީ ފަސޭހަކަމެއް ނޫން ކަމަށެވެ.

"އަހަރަމެން އެންމެންވެސް ލޯބި ބޭނުންވޭ ދޯ؟ ގައުމަށް ކަމެއްކޮށްދޭއިރު، އަބަދުވެސް ފާޑުކިއުންތަކާ ކުރިމަތިލާންޖެހުމަކީ ފަސޭހަކަމެއް ނޫން،" ސައުތުގޭޓް ބުންޏެވެ.

އިންގްލެންޑް އިން 1966 ވަނަ އަހަރުގެ ވޯލްޑް ކަޕް ކާމިޔާބުކުރި ފަހުން ބައިނަލްއަޤްވާމީ ބޮޑު މުބާރާތެއްގެ ތައްޓެއް ނުލިބެއެވެ. އެހެންކަމުން މިރޭގެ ފައިނަލް އިންގްލެންޑްގެ ކާމިޔާބުކޮށްފިނަމަ، ސައުތުގޭޓާއި އެ ޓީމުގެ ހުރިހާ ކުޅުންތެރިންވެސް ވާނީ އިންގްލެންޑްގެ ބަތަލުންނަށެވެ.

ސެމީ ފައިނަލުގައި އިންގްލެންޑުން ނެދަލެންޑްސް ބަލިކުރި މެޗަށް ފަހު ސައުތުގޭޓް.

ސައުތުގޭޓްގެ އިރުޝާދުގެ ދަށުން ޔޫރޯ 2020 ގެ ފައިނަލަށް ވެސް އިންގްލެންޑް ދަތުރުކުރިއެވެ. އެކަމަކު، ފައިނަލްގައި އިޓަލީ އަތުން ވަނީ ބަލިވެފަ އެވެ.

މި އަހަރުގެ ޔޫރޯގެ ފައިނަލަށްވެސް އިންގްލެންޑް އިން ކުރީ ފަސޭހަ ދަތުރެއްނޫނެވެ. މުބާރާތުގެ ގުރޫޕް ސްޓޭޖުގައި ނޮކްއައުޓް ސްޓޭޖުގައި އިންގްލެންޑް ދެއްކި ކުޅުމަށް ގިނަ ފާޑުކިއުންތަކެއް އަމާޒުވިއެވެ. ހާއްސަކޮށް ޓީމު ސެލެކްޝަނާ ގުޅިގެން ސައުތުގޭޓަށް އިނގިރޭސި މީޑިއާ އާއި ސަޕޯޓަރުންގެ ނުރުހުން އަމާޒުވިއެވެ.

އެހެން ނަމަވެސް، މި ހުރިހާ ފާޑުކިއުންތަކާއެކު ފައިނަލާ ހަމައަށް އިންގްލެންޑް ދަތުުރުކުރުމުން މި ވަގުތަށް އިނގިރޭސި މީޑިއާ އާއި ސަޕޯޓަރުން ތިބީ ހިތްހަމަޖެހިފައެވެ. ފައިނަލް ކާމިޔާބުކޮށްފިނަމަ، އިނގިރޭސިން 1966 ވަނަ އަހަރުގެ ފަހުން ފުރަތަމަ ފަހަރަށް ބައިނަލްއަޤްވާމީ މުބާރާތެއްގެ ތައްޓެއް ލިބުނީއެވެ. ސައުތުގޭޓާއި ޓީމުގެ ކުޅުންތެރިން އިންގްލެންޑްގެ ބަތަލުންނަށް ވާނެއެވެ. އަދި ފަހަރެއްގައި، 1996ގެ ޔޫރޯގެ ނާކާމިޔާބީގެ ހަނދާންތަކާ ދުރަށް ދިއުމަށް ސައުގުގޭޓަށް ފަސޭހަވެގެންދާނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox