އުރުގުއޭ އިން ބްރެޒިލް ކަޓުވާލައި ކޮޕަ އެމެރިކާގެ ސެމީ އަށް

Jul 7, 2024, 4:42 AM
އުރުގުއޭ އިން ބްރެޒިލް ކަޓުވާލައި ކޮޕަ އެމެރިކާގެ ސެމީ އަށް

ލަސް ވޭގަސް، ޔުނައިޓެޑް ސްޓޭޓްސް (ޖުލައި 7) - ޕެނަލްޓީ ޖަހައިގެން 4-2 އިން ބްރެޒިލް ބަލިކޮށް، އެ ޓީމު ކަޓުވާލުމަށް ފަހު، އުރުގުއޭ އިން ކޮޮޮޕަ އެމެރިކާ ފުޓްބޯޅަ މުބާރާތުގެ ސެމީ ފައިނަލަށް ދަތުރުކޮށްފި އެވެ.

މިއީ، 13 އަހަރު ތެރޭގައި އުރުގުއޭގެ ފުރަތަމަ ސެމީ ފައިނަލް އެވެ. އެ ޓީމުން އެންމެ ފަހުން، ކޮޕަ އެމެރިކާގެ ސެމީ އަށް ދަތުރުކުރީ 2011 ވަނަ އަހަރު އެވެ. އެ ފަހަރު އެ ޓީމުން މުބާރާތް ކާމިޔާބުކުރި އެެވެ.

ސެމީގައި އުރުގުއޭ ކުޅޭނީ ކޮލަމްބިއާއާ ދެކޮޅަށެވެ. ކޮލަމްބިއާ އިން ވަނީ ކުއާޓާ ފައިނަލުގައި ޕެނަމާގެ މައްޗަށް 5-0 އިން ކުރިހޯދައިފަ އެވެ.

Advertisement

އެލިގަންޓް ސްޓޭޑިއަމްގައި ކުޅުނު މެޗުގެ ފުރިހަމަ ވަގުތު ހަމަވިއިރު، އުރުގުއޭ އާއި ބްރެޒިލް އޮތީ ލަނޑެއް ނުޖެހި އެއްވަރުވެފަ އެވެ. ކޮޕަ އެމެރިކާގެ މި ފަހަރުގެ ގަވާއިދުގައިވާ ގޮތުން، ފުރިހަމަ ވަގުތު ހަމަވާއިރު އެއްވަރުވެފައި އޮވެއްޖެނަމަ، އިތުރު ވަގުުތުގެ ދެ ހާފް ނުކުޅެ، ނަތީޖާ ނެރެން ޕެނަލްޓީ ޖަހާނެ އެވެ.

ދެ ޓީމުގެ ފަރާތުން ވެސް މެޗުގައި ޖުމްލަކޮށް ބަލާއިރު ލަނޑު ޖަހާނެ ފުރުސަތުތަކެއް ހޯދިތަން ފެނުނު މި މެޗުގައި، އުރުގުއޭ އިން ފަހު ވިއްސަކަށް މިނިޓް ކުޅުނީ ކުޅުންތެރިއަކު މަދުކޮށެވެ. އެއީ އެ ޓީމުގެ ނަހިޓަން ނަންޑޭޒް އަށް މެޗުގެ 75 ވަނަ މިނިޓްގައި ރަތް ކާޑު ދެއްކުމުންނެވެ.

ބްރެޒިލްގެ ރޮޑްރީގޯ އަށް ކުރި ފައުލަކަށް ނަންޑޭޒަށް ރަތް ކާޑު ދެއްކީ ވީޑިއޯ އެސިސްޓަންޓް ރެފްރީ (ވީއޭއާރް)ގެ އެހީގައި ކަންކަން ބެލުމަށް ފަަހު އެވެ.

ޕެނަލްޓީގައި، ފެޑެރީކޯ ވަލްވޭޑޭ އުރުގުއޭގެ ފުރަަތަމަ ޕެނަލްޓީ ކާމިޔާބުކުރިއިރު، ބްރެޒިލްގެ ފުރަތަމަ ޕެނަލްޓީ އެޑާ މިލިޓާއޯ ފޮނުވާލުމުން، އުރުގުއޭ ކީޕަރު ސާޖިއޯ ރޮޗޭ ވަނީ މަތަކޮށްފަ އެވެ. ރޮޑްރީގޯ ބެންޓަންކޫރު އުރުގުއޭގެ ދެ ވަނަ ޕެނަލްޓީ ކާމިޔާބުކުރިއިރު، އަންޑްރެއަސް ޕެރެއިރާ ވަނީ ބްރެޒިލްގެ ދެ ވަނަ ޕެނަލްޓީ ގޯލަށް ވައްދާލައިފަ އެވެ.

އުރުގުއޭގެ ތިން ވަނަ ޕެނަލްޓީ ޖޯޖިއަން ޑީ އަރަސްކައޭޓާ ކާމިޔާބުކުރިއިރު، ބްރެޒިލްގެ ތިން ވަނަ ޕެނަލްޓީ ޑަގްލަސް ލުއީޒް ފޮނުވާލިއިރު، އަމާޒުވީ ދަނޑިއަށެވެ. އުރުގުއޭގެ ހަަތަރު ވަނަ ޕެނަލްޓީ ހޯސޭ ހިމެނޭޒް ފޮނުވާލުމުން، ބްރެޒިލްގެ ކީޕަރު އެލިސަން ބެކާ އެ ބޯޅަ ހުއްޓުވި އެވެ. އަދި ބްރެޒިލްގެ ހަތަރު ވަނަ ޕެނަލްޓީ ގަބްރިއަލް މާޓީނެލީ ކާމިޔާބުކުރި ނަމަވެސް، އުރުގުއޭގެ ފަސް ވަނަ ޕެނަލްޓީ ޖަހަން ދިޔަ މެނުއަލް އުގާޓޭ ބޯޅަ ގޯލަށް ވައްދާލުމާ އެކު އެ ޓީމު މޮޅުވީ އެވެ.

މިއީ އުރުގުއޭގެ ކޯޗު މާސެލޯ ބިއެލްސާ އަށް ލިބުނު ބޮޑު މޮޅެކެވެ. މީގެ ކުރިން ކޮޕަ އެމެރިކާގައި ޗިލީ އާއި އާޖެންޓީނާ ގޮވައިގެން، ބިއެލްސާ ވަނީ ބްރެޒިލް އަތުން ބަލިވެފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox