މޯލްޑިވްސް އެސޯސިއޭޝަން އޮފް ޓްރެވަލް އޭޖެންޓްސް އެންޑް ޓުއާ އޮޕަރޭޓާސް (މަޓާޓޯ) އިން ފުރަތަމަ ފަހަރަށް ބާއްވާ "މޯލްޑިވްސް ޓްރެވަލް ކޮންފަރެންސް 2024" ވިމެންސް އެޑިޝަން އިއުލާންކޮށްފި އެވެ.
ފަތުރުވެރިކަމުގެ ސިނާއަތުގެ އަންހެނުންނަށް ހާއްސަކޮށްގެން ކުރިއަށް ގެންދާ އެ ކޮންފަރެންސް އޯގަސްޓު 19، ގައި ހޮޓެލް ޖެންގައި ބާއްވަން ނިންމާފައިވާ ކަމަށް މަޓާޓޯއިން ބުންޏެވެ.
މަޓާޓޯއިން ބުނީ އެ ކޮންފަރެންސްގެ މަގްސަދަކީ ފަތުރުވެރިކަމުގައި އަންހެނުންނަށް އަސަރުކުރާ މުހިންމު މައްސަލަތަކަށް އަލި އަޅުވައިލުން ކަމަށެވެ. ހަމަހަމަކަން އާލާކުރުމާ އެކު ސިނާއަތުގެ ގޮންޖެހުންތަކަށް ހައްލެއް ހޯދުމަށް ހާއްސަކަން ދީގެން ކޮންފަރެންސްގައި މުޅިން އަންހެން ވާހަކަދެއްކުންތެރިން ހިމެނޭ ދެ ޕެނަލެއް ކުރިއަށް ގެންދަން ހަމަޖެހިފައިވާ ކަމަށް ވެސް ބުންޏެވެ.
އެ ޕެނަލްގައި ކުރިއަށް ގެންދާ މަޝްވަރާ މައުލޫގެ ތެރޭގައި ހިމެނެނީ ވިމެންސްއިން މެނޭޖްމަންޓުން އެޑްރެސިން ދަ ޑިސްޕެރިޓީ އާއި ވިމެން އިން ޓުއަރިޒަމްއިން ކޮމްބެޓިން ސޮސައިޓަލް ސްޓިގްމާ އެވެ.
ކޮންފަރެންސްގެ ސަބަބުން ފަތުރުވެރިކަމުގެ ދާއިރާގައި އަންހެނުންނަށް ދިމާވާ ހުރަސްތަކާއި މެދު ހޭލުންތެރިކަން އިތުރު ކުރުމާއި، އެހީތެރިކަމާއި ހަމަހަމަ މާހައުލެއް ގާއިމު ކުރުމަށް ސްޓްރެޓެޖީތައް ހޯދުން ކަމަށް މަޓާޓޯއިން ބުނެ އެވެ.
