އުރީދޫ އަތޮޅު ދުވުން ގޭމު މި ހިނގާ ޖުލައި މަހު ތ. ވޭމަންޑޫގައި ބޭއްވުމަށް ހަމަޖެހިފައިވާއިރު، އެއްވަނަ ހޯދާ މީހަކަށް ސަބްސްކްރިޕްޝަން އެމްވީގެ ފަރާތުން ސަބްސްކްރިޕްޝަން ބަންޑްލްއެއް ދޭން ނިންމައިފި އެވެ.
އުރީދޫއިން މޯލްޑިވްސްއިން ބުނީ ސަބްސްކްރިޕްޝަން އެމްވީގެ ފަރާތުން ހުށައަޅާފައިވާ އެއް އަހަރުދުވަހުގެ ބަންޑްލްގައި ހިމެނެނީ ޕްރައިމް ވީޑިއޯ، ކްރަންޗީރޯލް، ޖިއޯސިނަމާ އަދި ސާފްޝާކް ހިމެނެއެވެ.
މި ބަންޑްލްއާއެކު މުނިފޫހި ފިލުވުން އިތުރު ހަރުފަތަކަށް ގެންދެވޭނެ ކަމަށް އުރީދޫއިން ބުނެ އެވެ.
އުރީދޫގެ މި އަހަރުގެ ކަލަންޑަރުގައި ތައާރަފްކުރި މި ގޭމަކީ ރާއްޖޭގައި އުފައްދާފައިވާ ފުރަތަމަ ކެޝުއަލް ރަނާ ގޭމެވެ. ކޮންމެ މަހަކު ކުޅެގެން ލީޑާބޯޑުގެ އެއްވަނައަށް ދާ ފަރާތަކަށް އަގުހުރި އިނާމުތައް މި ގޭމުން ލިބިގެންދެ އެވެ.
މި ގޭމުގައި 12 ލެވެލް ހިމެނޭއިރު، ކޮންމެ މަހަކު އާލެވެލެއްގައި އާ ރަށަކަށް ދަތުރުކުރެވޭނެ އެވެ. އަންލޮކް ވެގެންދާ ލެވެލް ކުޅެވޭނީ ހަމައެކަނި އެމަހަކު އެވެ. ކަލަންޑަރުގައި ހިމެނޭ މަންޒަރުގައި ސިއްރު އާޓްވޯކެއް ހިމެނިފައިވެ އެވެ.
މި އާޓްވޯކް ގޭމްގެ ތެރެއިން ހޯދައިގެން ބޯނަސް ލެވެލްއެއް ކުޅުމުގެ ފުރުސަތު ލިބިގެންދާއިރު، މި އަހަރުގެ ކަލަންޑަރު އަދި ގޭމް ތައްޔާރު ކޮށްފައިވަނީ ލޫޕްކްރާފްޓްގެ ހުނަރުވެރި ޓިމުންނެވެ.
