ބެލްޖިއަމް ކަޓުވާލައި ފްރާންސް ކުއާޓާ ފައިނަލަށް

Jul 1, 2024, 6:06 PM
ބެލްޖިއަމް ކަޓުވާލައި ފްރާންސް ކުއާޓާ ފައިނަލަށް

ޑަސެލްޑޯފް (ޖުލައި 1) - މެޗުގެ ފަހު 10 މިނިޓުތެރޭގައި ކާމިޔާބުކުރި ލަނޑާ އެކު ޔޫރޯ ފުޓްބޯޅަ މުބާރާތުގެ ގަދަ 16 ގައި މިރޭ ބެލްޖިއަމް އަތުން 1-0 އިން މޮޅުވެ، ފްރާންސް މުބާރާތުގެ ކުއާޓާ ފައިނަލުން ޖާގަ ހޯދައިފި އެވެ.

ދެ ޓީމަށް ލަނޑު ޖަހާނެ މާ ގިނަ ހުސް ފުރުސަތުތަކެއް ނުލިބުނު މެޗުން ފްރާންސް ކުރި ހޯދީ މެޗުގެ 85 ވަނަ މިނިޓުގައި ފްރާންސްގެ ފޯވާޑް، ރަންޑަލް ކޯލޯ މުއާނީ ޕެނަލްޓީ އޭރިޔާ ތެރެއިން ފޮނުވާލި ޝޮޓް، ބެލްޖިއަމްގެ ޑިފެންޑަރު ޔާން ވެޓޮންގަންގެ ގައިގައި ޖެހިފައި ގޯލަށް އަމާޒުވުމުންނެވެ.

ފްރާންސްގެ މިޑްފީލްޑަރު އެންގޯލޯ ކާންޓޭ ޖައްސާލި ބޯޅަ މުއާނީ ކޮންޓުރޯލް ކޮށްލުމަށް ފަހު ގޯލާ ދިމާލަށް ފޮނުވާލި ވަގުތު، ވެޓޮންގަންގެ ގައިގައި ޖެހިފައި ބޯޅައިގެ މިސްރާބު ބަދަލުވުމުން، ބެލްޖިއަމްގެ ގޯލްކީޕަރު ކޮއެން ކަސްޓީލްސް އަށް އެ ބޯޅަ ދިފާއުކުރުމުގެ ފުރުސަތެއް ނެތެވެ.

ފްރާންސް އިން ލަނޑު ޖެހުމުގެ ދެ ތިން މިނިޓު ކުރިން، ބެލްޖިއަމް އިން ވަނީ ފްރާންސްގެ ގޯލަށް ނުރައްކާތެރި ހަމަލާއެއް ފޮނުވަލައިފަ އެވެ. ބެލްޖިއަމްގެ ވިންގާ ޖެރެމީ ޑޮކޫ ދިން ތުރޫ ޕާހަކުން ބެލްޖިއަމްގެ ކެޕްޓަން ކެވިން ޑި ބްރޭނާ އަށް ޖާގައެއް ލިބި، ޕެނަލްޓީ އޭރިޔާ ރޮނގުމަތިން ކަހަލަ ގޮތަކަށް ބާރު ޝޮޓެއް ފޮނުވާލި ނަމަވެސް ފްރާންސްގެ ގޯލްކީޕަރު މައިކް މައިގްނަން ވަނީ އެ ބޯޅަ ދިފާއުކޮށްފަ އެވެ.

އަދި މެޗުގެ 70 ވަނަ މިނިޓުގައި ބެލްޖިއަމްގެ ފޯވާޑް ރޮމެލޫ ލުކާކޫ ފޮނުވާލި ހަމަލާއެއްވެސް މައިގްނަން ވަނީ ދިފާއުކޮށްފަ އެވެ.

ފްރާންސްގެ ޓީމުން މުޅި މެޗުގައިވެސް ބެލްޖިއަމްގެ ޑިފެންސަށް އެންމެ ނުރައްކާކުރީ އެ ޓީމުގެ ކެޕްޓަން ކިލިއަން އެމްބާޕޭ އެވެ. ނޭފެތަށް ލިބުނު އަނިޔާއަކާ ގުޅިގެން މޫނުގައި މާސްކެއް އަޅައިގެން ކުޅެމުންދިޔަ އެމްބާޕޭ ވަނީ މެޗުގެ 53 ވަނަ މިނިޓުގައި ބެލްޖިއަމްގެ ތިން ކުޅުންތެރިން ކައިރިން ނައްޓާލުމަށްފަހު، ބާރު ހަމަލާއެއް ފޮނުވާލައިފަ އެވެ. އެކަމަކު، އެމްބާޕޭގެ ހަމަލާ ދިޔައީ ގޯލުގެ މަތިންނެވެ.

އަދި އޭގެ ފަހުން އެމްބާޕޭ ޕެނަލްޓީ އޭރިޔާ ތެރެއިން ފޮނުވާލި ހަމަލާއެއް ދިޔައީ ގޯލުގެ ދަނޑި ކައިރިން ބޭރަށެވެ.

ބެލްޖިއަމް އިން މެޗުގެ ފަހު މިނިޓުކޮޅުގެ ތެރޭގައި ކުރިއަށް ޖެހި، ލަނޑެއް ޖަހަން މަސައްކަތްކުރި ނަމަވެސް އެ ޓީމަށް އެކަން ކާމިޔާބެއްނުވިއެވެ.

ފްރާންސް އިން ކުއާޓާ ފައިނަލަށް ދިޔައިރު، މުބާރާތުގައި އެ ޓީމަށް ޖެހުނީ ތިން ގޯލެވެ. އެއީ ބައިކޮޅަށް ޖެހި ދެ ގޯލާއި އެމްބާޕޭ ޖެހި ޕެނަލްޓީ އެވެ. މި ފަހަރުގެ ޔޫރޯގައި ފްރާންސުން އޯޕަން ޕްލޭގައި އަދި އެ ޓީމުގެ ކުޅުންތެރިއަކު ލައްވައި ލަނޑެއް ނުޖަހަ އެވެ.

ބައިނަލްއަގުވާމީ ބޮޑެތި މުބާރާތްތަކުގައި ބެލްޖިއަމާ ދެކޮޅަށް ފަރާންސް އިން މި ވަނީ ފުރިހަމަ ރެކޯޑް ދަމަހައްޓައިފަ އެވެ. އެ ގޮތުން މުބާރާތްތަކުގައި ކުޅުނު ފަސް މެޗުގައި ވެސް ބެލްޖިއަމްގެ މައްޗަށް ކުރިހޯދީ ފްރާންސުންނެވެ.

ޔޫރޯގެ ކުއާޓާ ފައިނަލްގައި ފްރާންސްއާ ދެކޮޅަށް ނުކުންނާނީ ޕޯޗުގަލް ނުވަތަ ސްލޮވީނިއާ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox