ޕެރަގުއޭ ބަލިކޮށް ބްރެޒިލުން ހާސްކަން ފިލުވާލައިފި

Jun 29, 2024, 3:27 AM
ޕެރަގުއޭ ބަލިކޮށް ބްރެޒިލުން ހާސްކަން ފިލުވާލައިފި

ލަސް ވޭގަސް, ޔުނައިޓެޑް ސްޓޭޓްސް (ޖޫން 29) - ކޮޕަ އެމެރިކާ ފުޓްބޯޅަ މުބާރާތުގައި 4-1 އިން ޕެރަގުއޭ ބަލިކޮށް ބްރެޒިލުން އެ ޓީމަށް ކުރިމަތިވެފައިވާ ޕްރެޝަރަށް ލުޔެއް ހޯދައިފި އެވެ.

ބްރެޒިލް ވަނީ ފުރަތަމަ މެޗުގައި ކޮސްޓަ ރިކާއާ ލަނޑެއް ނުޖެހި އެއްވަރުވެފަ އެވެ. އެހެންވެ، މި މެޗަށް ނުކުތްއިރު އެ ޓީމަށް އޮތީ ޕްރެޝަރު ކުރިމަތިވެފަ އެވެ.

އެލިގަންޓް ސްޓޭޑިއަމްގައި ކުޅުނު މި މެޗުގައި ބްރެޒިލަށް ލީޑުނަގަން 31 ވަަނަ މިނިޓްގައި ލިބުނު ޕެނަލްޓީން ލޫކަސް ޕަކޭޓާ ފޮނުވާލި ބޯޅަ ގޯލާ ސީދާނުވި އެވެ. އެކަމަކު އޭގެ ހަތަރު މިނިޓް ފަހުން، ވިނީޝިއުސް ޖޫނިއާ ވަނީ ބްރެޒިލަށް ލީޑުނަގައިދީފަ އެވެ.

Advertisement

ބްރެޒިލުން ވަނީ ފުރަތަމަ ހާފު ނިމުމުގެ ކުރިން، އިތުރު ދެ ގޯލު ޖަހައިފަ އެވެ. އެ ގޮތުން، ބްރެޒިލުން ލީޑުފުޅާކުރި ގޯލަކީ 43 ވަނަ މިނިޓްގައި، ސާވިއޯ ޖެހި ލަނޑެކެވެ. މިއީ، ރީބައުންސަކުން ލިބުނު ފުރުސަތެއްގައި ސާވިއޯ ޖެހި ލަނޑެކެވެ. މިއީ ގައުމީ ޓީމަށް އޭނާ ކާމިޔާބުކޮށްދިން ފުރަތަމަ ލަނޑެވެ.

ވިނީޝިއުސް ވަނީ ފުރަތަމަ ހާފުގެ އިތުރު ވަގުތުގައި ބްރެޒިލްގެ ތިން ވަނަ ލަނޑު ޖަހައިފަ އެވެ.

ދެ ވަނަ ހާފު ފެށުނުތާ ތިން މިިނިޓް ތެރޭ ޕެރަގުއޭގެ އޮމާރް އަލްޑެރޭޓޭ ފެނާންޑޭޒް ވަނީ ގޯލެއް ޖަހައި އެ ޓީމަށް އުންމީދެއް ހޯދައިދީފަ އެވެ. އެކަމަކު މެޗުގެ 65 ވަނަ މިނިޓްގައި ލިބުނު ޕެނަލްޓީއެއް ކާމިޔާބުކޮށް ޕަކޭޓާ ވަނީ ބްރެޒިލަށް ފުރަތަމަ މޮޅު ޔަގީންކޮށްދީފަ އެވެ.

ޕެރަގުއޭ އިން މެޗު ނިންމާލީ އެއް ކުޅުންތެރިއަކު މަދުކޮށެވެ. މެޗުގެ 81 ވަނަ މިނިޓްގައި އެ ޓީމުގެ މިޑްފީލްޑަރު އަންދްރޭސް ކޫބާސް އަށް ވަނީ ސީދާ ރަތެއް ދައްކައިފަ އެވެ.

މި ގްރޫޕްގައި ކުޅުނު އަނެއް މެޗުން ކޮލަމްބިއާ ވަނީ 3-0 އިން ކޮސްޓަ ރިކާ ބަލިކޮށް، ކުއާޓާ ފައިނަލުން ޖާގަ ހޯދައިފަ އެވެ. ގްރޫޕްގެ ދެ ވަނައިގައި އޮތް ބްރެޒިލުން ގްރޫޕްގެ ފަހު މެޗުގައި ކުޅޭނީ ކޮލަމްބިއާއާ އެވެ.

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox