މެޗު އެއްވަރުވެ އިންގްލެންޑަށް އެއް ވަނަ، ސްލޮވީނިއާ އަށް ތާރީހީ ކާމިޔާބެއް

Jun 25, 2024, 9:05 PM
މެޗު އެއްވަރުވެ އިންގްލެންޑަށް އެއް ވަނަ، ސްލޮވީނިއާ އަށް ތާރީހީ ކާމިޔާބެއް

ފްރޭންކްފާޓް (ޖޫން 25) - ވަރުގަދަ އިންގްލެންޑް މޮޅުވިޔަ ނުދީ 0-0 އިން ހިފަހައްޓައި، ސްލޮވީނިއާ އިން ތިން ވަނަަ ޓީމުގެ ގޮތުގައި ޔޫރޯ ފުޓްބޯޅަ މުބާރާތުގެ ނޮކައުޓް ބުރަށް ދަތުރުކޮށް ތާރީހީ ކާމިޔާބެއް ހޯދައިފި އެވެ.

ގްރޫޕްގެ އެއް ވަނަ ހޯދި އިންގްލެންޑަށް ފަސް ޕޮއިންޓް ލިބުނުއިރު، ޑެންމާކް ދެ ވަނަ ހޯދީ ތިން ވަނަ އަށް ދިޔަ ސްލޮވީނިއާއާ އެއްވަރަށް ތިން ޕޮއިންޓް ހޯދައިގެންނެވެ. އެންމެ ރަނގަޅު ނަތީޖާ ނެރޭ ތިން ވަނަ ޓީމުތަކުގެ ތެރެއިން ގަދަ ހަަތަރު ޓީމަށް ލިބޭ ފުރުސަތެއްގައި ސްލޮވީނިއާ އަށް ވެސް ނޮކައުޓްގެ ޖާގަ ވަނީ ލިބިފަ އެެވެ. ޑެންމާކާ 0-0 އިން އެއްވަރުވެގެން ލިބުނު ޕޮއިންޓާ އެކު، ސާބިއާ މުބާރާތުން ކެޓީ ދެ ޕޮއިންޓާ އެކު އެވެ.

މެޗުގެ ހަތަރު ވަނަ މިނެޓުގައި ސްލޮވީނިއާ އަށް ވަނީ ގޯލު ޖަހަން ރަނުގެ ފުރުސަތެއް ލިބި ބޭކާރުވެފަ އެވެ. އޭރިއާ ތެރެއިން މުޅިން ހުހަށްހުރެ ސްލޮވީނިއާގެ ބެންޖަމިން ސެސްކޯ ބޮލުން ފޮނުވާލި ހަމަލާ އިންގްލެންޑްގެ ކީޕަރު ޖޯޑަން ޕިކްފޯޑް ވަނީ ދިފާއު ކޮށްފަ އެވެ.

މެޗުގެ 20 ވަނަ މިނެޓުގައި އިންގްލެންޑްގެ ފިލް ފޯޑަން ދިން ޕާހަކުން ބުކާޔޯ ސަކާ ގޯލު ޖެހި ނަމަވެސް ލައިންސްމަން ވަނީ އެ ގޯލު ޖެހި ޕާސްދިން ފޯޑެން ހުރީ އޮފްސައިޑުގައި ކަމަށް ނިންމައިފަ އެވެ.

އޭގެ ފަހުން މެޗުގެ 35 ވަނަ މިނެޓުގައި އިންގްލެންޑަށް ލިބުނު ހިލޭ ޖެހުމަކުން ފޯޑަން ފޮނުވާލި ހަމަލާ ސްލޮވީނިއާގެ ކީޕަރު ޖެން އޮބްލަކް ވަނީ ހުށިޔާރުކަމާ އެކު ދިފާއު ކޮށްފަ އެވެ. މެޗުގެ 40 ވަނަ މިނެޓުގައި ހެރީ ކޭން އަށް ވަނީ ލީޑު ނަގަން ރަނގަޅު ފުރުސަތެއް ލިބި ބޭކާރުވެފަ އެވެ. ކިއެރެން ޓްރިޕިއޭ ނަގައިދިން ހުރަހަކުން ކޭން އަށް ބޯޅަ ފޮނުވާ ނުލެވި, ދިޔައީ ބޭރަށެވެ.

ދެ ވަނަ ހާފުގައި ވެސް ކޮންޓްރޯލް ނަގާ ކުޅުނީ, އިންގްލެންޑުންނެވެ. އެކަމަކު، އެ ޓީމަށް ނުރައްކާތެރި ހަމަލާ އެއް އުފެއްދޭ ވަރުވީ މެޗުގެ 75 ވަނަ މިނެޓުގަ އެވެ. އިންގްލެންޑްގެ ޑެކްލަން ރައިސް ފޮނުވާލި ބާރު ހަމަލާ ވެސް ދިޔައީ ގޯލާ އަމާޒުނުވެ ބޭރަށެވެ.

ދެ ވަނަ ހާފުގެ ފަހު 15 މިނެޓުގައި އިންގްލެންޑުން ވަނީ ގިނަ ބަދަލުތަކެއް ގެނަސް ގޯލެއް ޖެހޭތޯ މަސައްކަތް ކޮށްފަ އެވެ. އެކަމަކު ސްލޮވީނިއާގެ ވަރުގަދަ ޑިފެންސް ފޫ އަޅުވާލެވޭ ގޮތް އެ ޓީމަށް ވަނީ ނުވެފަ އެވެ.

މެޗުގެ އިތުރު ވަގުތުގައި ބަދަލު ކުޅުންތެރިއެއްގެ ގޮތުގައި ކުޅެން އެރި ކޯލް ޕާމާ އަށް ވަނީ ގޯލަށް ޖަހަން ހުސްފުރުސަތެއް ލިބިފަ އެވެ. އެކަމަކު، އޭރިއާ ތެރެއިން މުޅިން ހުހަށްހުރެ ޕާމާ ޖެހި ބޯޅަ ސްލޮވީނިއާގެ ކީޕަރު އޮބްލަކް ވަނީ ދިފާއު ކޮށްފަ އެވެ.

މެޗު ނިމެން މިނެޓެއް ވެފައި ހުއްޓައި ޓްރެންޓް އަލެކްސަންޑަ އާނޯލްޑް ފޮނުވާލި ހަމަލާ ދިޔައީ ގޯލާ އަމާޒުނުވެ ބޭރަށެވެ.

ޔޫގޯސްލާވިއާގެ ނަމުން ވަކިވެ، ސްލޮވީނިއާގެ ނަމުން ވާދަކުރަން ފެށި ފަހުން މިއީ އެ ޓީމުގެ ދެ ވަނަ ޔޫރޯ އެވެ. އެންމެ ފުރަތަަމަ ޔޫރޯ އަކީ 2000 ވަނަ އަހަރުގެ މުބާރާތެވެ. އެ ފަހަރު ދެ މެޗުން، ބަލިވެ އެއް މެޗުން ބަލިވެގެން ގްރޫޕް ސްޓޭޖުން ކެޓީ އެވެ. މި ފަހަރުގެ ޔޫރޯގެ ދެ ވަނަ ބުރަށް ސްލޮވީނިއާ ދަތުރުކުރި ނަމަވެސް އެ ޓީމު އަދި މެޗަކުން މޮޅެއްނުވެ އެވެ. ކުޅުނު ތިން މެޗުން ވެސް ވަނީ އެއްވަރުވެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox