މި ފަހަރު ފްރާންސާ މި ކުޅެނީ "ތަފާތު" ނެދަލެންޑްސް އެއް

Jun 21, 2024, 9:13 AM
މި ފަހަރު ފްރާންސާ މި ކުޅެނީ "ތަފާތު" ނެދަލެންޑްސް އެއް

ލައިޕްޒިގު (ޖޫން 21) - ޔޫރޯ ފުޓްބޯޅަ މުބާރާތުގައި މިރޭ ފްރާންސާ ދެކޮޅަށް މި ކުޅޭ ނެދަލެންޑްސް އަކީ ކޮލިފައިންގައި ފެނުނު ޓީމާ "ތަފާތު" ޓީމެއް ކަމަށް އެ ޓީމުގެ ކޯޗު ރޮނާލްޑް ކޫމަން ބުނެފި އެވެ.

ކޮލިފައިންގައި ފްރާންސް ވަނީ ދެ މެޗުން ވެސް ނެދަލެންޑްސް ބަލިކޮށްފަ އެވެ. ޕެރިހުގައި ކުޅުނު ހޯމް މެޗުން ފްރާންސް 4-0 އިން މޮޅުވިއިރު، އަމްސްޓެޑަމްގައި ކުޅުނު އަވޭ މެޗުން ފްރާންސް ކުރިހޯދީ 2-1 އިންނެވެ.

"ސީދާ ކޮން ތަފާތުތަކެއް ކަމެއް ބުނެދޭކަށެއް ނޭނގޭ. އެކަމަކު، އަހަރެމެން މި ފަހަރު މި ހުރީ އެ މެޗުތަކަށް ވުރެ ރަނގަޅަށް ތައްޔާރުވެގެން، އަހަރެމެންގެ ކުޅުންތެރިންގެ ފޯކަސް ރަނގަޅުވާނެ، މި ފަހަރުގެ މުބާރާތުގެ ތައްޔާރީތަކަށް ފަހު،" މިރޭގެ މެޗުގެ ކުރިން އޮތް ނޫސްވެރިންގެ ބައްދަލުވުމުގައި ކޫމަން ބުންޏެވެ.

Advertisement

އޭނާ ބުނީ ނެދަލެންޑްސް އިން މި މެޗަށް ތައްޔާރުވަނީ ފްރާންސްގެ ކެޕްޓަން، ކީލިއަން އެމްބާޕޭ ކުޅޭނީ މެޗުގެ ކޮން ހިސާބަކުންތޯ އެ އަށް ވިސްނައިގެން ނޫން ކަމަށެވެ. މި މެޗުން ބޭނުންވަނީ ފްރާންސްގެ އެންމެ ވަރުގަދަ ޓީމާ ޗެލެންޖްކޮށް ކާމިޔާބު ކުރެވޭ ވަރަށް ވަރުގަދަ އަށް ތައްޔާރުވާން ކަމަށް ކޫމަން ވަނީ ބުނެފަ އެވެ.

ފްރާންސާއި ނެދަލެންޑްސް ވަނީ ގްރޫޕްގައި ކުޅުނު ފުރަތަމަ މެޗުން މޮޅުވެފަ އެވެ. އެހެންކަމުން، މިރޭގެ މެޗުން މޮޅުވާ ޓީމަކަށް ބާކީ މެޗެއް އޮއްވައި ގަދަ 16 ޔަގީންވާނެ އެވެ.

"އަހަރެމެން އަތުގައި އޮތް ފުރުސަތެއް ބޭނުންކުރުމާ މެދު އަހަރެމެން ސަމާލުވާން ޖެހޭނެ،" ދެ ވަނަ ފަހަރަށް ނެދަލެންޑްސް ޓީމާ ހަވާލުވެ މަސައްކަތް ކުރަމުން އަންނަ ކޫމަން ބުންޏެވެ.

މިއީ ޔޫރޯގައި ނެދަލެންޑްސް އާއި ފްރާންސްގެ ހަތަރު ވަނަ ކުރިމަތިލުމެވެ. އެ ގޮތުން، 1996 ވަނަ އަހަރުގެ ޔޫރޯގެ ކުއާޓާ ފައިނަލުގައި ފްރާންސް އިން ނެދަލެންޑްސް ބަލިކުރި އެވެ. އެކަމަކު، ގްރޫޕް ސްޓޭޖުގައި މި ދެ ޓީމު މީގެ ކުރިން ކުޅުނު ދެ ފަހަރު ވެސް ކުރިހޯދީ ނެދަލެންޑްސް އިންނެވެ. އެއީ 2000 ވަނަ އަހަރާއި 2008 ވަނަ އަހަރުގެ މުބާރާތުގަ އެވެ.

ނެދަލެންޑްސްގެ ކެޕްޓަން ވާޖިލް ވެން ޑައިކް ވަނީ މި ފަހަރުގެ ޔޫރޯގެ ދެ ފޭވަރިޓުން ނެގިއިރު، އޭގެ ތެރޭގައި ފްރާންސް ހިމަނައިފަ އެވެ. އިންގްލެންޑާއި ފްރާންސަކީ ސްކޮޑަށް ބަލާއިރު އެންމެ ވަރުގަދަ ދެ ޓީމުކަން ފާހަގަކޮށް، ވެން ޑައިކް ބުނީ ނެދަލެންޑްސް އިން ކޮންމެ މެޗެއްގައި ވެސް ކުޅުންތެރިންގެ އެންމެ ރަނގަޅު ލެވަލަށް ކުޅެފިނަމަ ކޮންމެ ޓީމެއް އަތުން ވެސް މޮޅުވެވޭނެ ފެންވަރު އެބަހުރި ކަމަށެވެ.

ފްރާންސާއި ނެދަލެންޑްސް މިރޭ ކުޅޭ މެޗު ފަށާނީ 12 ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox