ގުލާގެ މޮޅު ގޯލުން ތުރުކީން ޖޯޖިއާ ބަލިކޮށްލައިފި

Jun 18, 2024, 6:00 PM
ގުލާގެ މޮޅު ގޯލުން ތުރުކީން ޖޯޖިއާ ބަލިކޮށްލައިފި

ޑޯޓްމަންޑް (ޖޫން 18) - ނަވާރަ އަހަރުގެ މިޑްފީލްޑަރު، އާޑާ ގުލާ ޖެހި މޮޅު ގޯލުން ތުރުކީން 3-1 އިން ޖޯޖިއާ ބަލިކޮށް، މި ފަހަރުގެ ޔޫރޯ ފުޓްބޯޅަ މުބާރާތް މޮޅަކުން ފަށައިފި އެވެ.

މިއީ، މިދިޔަ އަށް އަހަރު ތެރޭ ތުރުކީ އަށް ޔޫރޯގައި މޮޅުވެވުނު ދެ ވަނަ މެޗެވެ. އެ ޓީމުން 2016 ވަނަ އަހަރުގެ ޔޫރޯ އާއި 2020 ވަނަ އަހަރުގެ ޔޫރޯގައި ކުޅުނު ހަ މެޗުގެ ތެރެއިން މޮޅުވީ އެންމެ ފަހަރަކު އެވެ. އެއީ 2016 ވަނަ އަހަރުގެ ޔޫރޯގެ ގްރޫޕް ސްޓޭޖު ފަހު މެޗުގައި ޗެކް ރިޕަބްލިކް އަތުންނެވެ. އެންމެ ފަހުގެ ޔޫރޯ އިން ކެޓީ ގްރޫޕް ސްޓޭޖު ތިން މެޗުން ވެސް ބަލިވެގެންނެވެ.

އަނެއްކޮޅުން މިރޭގެ މެޗަކީ، ޖޯޖިއާ އިން ބައިނަލްއަގުވާމީ ބޮޑު މުބާރާތެއްގައި ކުޅުނު ފުރަތަމަ މެޗެެވެ.

Advertisement

ޖަރުމަނުގެ ސިގްނަލް އިޑޫނާ ޕާކުގައި ކުޅުނު މެޗު ފަށައިގެން 11 ވަނަ މިނިޓްގައި ތުރުކީން ފޮނުވާލި ހަމަލާއެއް ވަނީ ދަނޑިއަށް އަމާޒުވެފަ އެވެ. އެ ގޮތުން، ތުރުކީގެ ކާން އައިހާން ޖެހި ބޯޅައިގައި ގޯލަށް ވަނަނުދީ ހުރަހަކަށްވީ ދަނޑިއެެވެ.

ލަނޑެއް ޖެހޭތޯ ތުރުކީން ކުރަމުން އައި މަސައްކަތް، 25 ވަނަ މިނިޓްގައި ކާމިޔާބުކުރީ މާޓް މުލްޑޫރް އެވެ. އޭނާ މި ލަނޑު ޖެހީ އޭރިއާ ރޮނގުކައިރިން ވޮލީ އަކުން ގޯލުގެ ކަނަށް ބޯޅަ ފޮނުވާލައިގެންނެވެ. އޭގެ ތިން މިނިޓް ފަހުން، ކެނާން ޔިލްޑިޒް ވަނީ ލަނޑެއް ޖަހައި، ތުރުކީގެ ލީޑުފުޅާކޮށްދީފަ އެވެ. އެކަމަކު، ރެފްރީ ވަނީ ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލައިފައި އޮފްސައިޑް ކަމަށް ނިންމައިފަ އެވެ.

ތުރުކީގެ ޗަނޮނޮގްލޫ ކައިރިން ކްރަވަޝްކޭލިއާ ބޯޅަ ހިފައިގެންދަނީ.---

ޖޯޖިއާ އިން ވަނީ ކުޅުން ރަނގަޅުކޮށް 32 ވަނަ މިނިޓް ލަނޑެއް ޖަހައި އެއްވަރުކޮށްފަ އެވެ. އެ ގޮތުން، ޖޯޖިއާގެ ޖިއޯޖީ ކޮޗޮރަޝްވިލީ ނެގި ހުރަހަަކަށް އަރައި، އެ ޓީމުގެ ޖޯޖިއަސް މިކައުޓްޒޭ ވަނީ ލަނޑު ޖަހައި ނަތީޖާ ހަމަމަކޮށްދީފަ އެވެ. މިއީ، ބައިނަލްއަގުވާމީ ބޮޑު މުބާރާތެއްގައި ޖޯޖިއާ އިން ޖެހި ފުރަތަމަ ގޯލެވެ.

ދެ ވަނަ ހާފު ފަށައިގެން، ޖޯޖިއާ އިން ލީޑުނެގޭތޯ އެޓޭކްތަކެއް ކުރި އެވެ. އެ ގޮތުން އެ ޓީމުގެ ތަރި، ކްވިޗާ ކްރަވަޝްކޭލިއާ އާއި މި މެޗުގައި ލަނޑު ޖެހީ މިކައުޓްޒޭ އަށް ލިބުނު ފުރުސަތުތަކުގެ ބޭނުންނުހިފުނެވެ.

ތުރުކީން އަލުން ލީޑުނެގީ 65 ވަނަ މިނިޓްގަ އެވެ. މި ލަނޑު ޖެހީ، ތުރުކީގެ 19 އަހަރުގެ މިޑްފީލްޑަރު، އާޑާ ގުލާ އެވެ. އޭރިއާބޭރުން ގުލާ ޖެހި ޝޮޓް، ޖޯޖިއާގެ ކީޕަރު ޖިއޯޖީ މަމަޑަޝްވިލީ އަތްމަތިން ގޮސް އަމާޒުވީ ގޯލުގެ މަތީ ކަނަށެވެ. މިއީ މި ފަހަރުގެ ޔޫރޯގައި ފެނުނު އެންމެ ރީތި އެއް ގޯލެވެ.

ގުލާ އަކީ ކްރިސްޓިއާނޯ ރޮނާލްޑޯ އަށް ފަހު، ޔޫރޯގައި ކުޅުނު ފުރަތަމަ މެޗުން ލަނޑު ޖެހި 20 އަހަރުން ދަށުގެ ކުޅުންތެރިޔާ އެވެ. ރޮނާލްޑޯ، ވަނީ 2004 ވަނަ އަހަރު ޔޫރޯގައި އަލަށް ކުޅެ ފުރަތަމަ މެޗުގައި ގްރީސް ކޮޅަށް ލަނޑު ޖަހައިފަ އެވެ.

މެޗުގެ 69 ވަަނަ މިނިޓްގައި ތުރުކީގެ ލީޑުފުޅާކޮށްދޭން އޭރިއާތެރެއިން އެ ޓީމުގެ އޯކުން ކޮޗްކޫ އަށް ލިބުނު ފުރުސަތުގައި ރަނގަޅަށް ބޯޅަ ފޮނުވާނުލެވުނެވެ. އޭގެ ދެ މިނިޓް ފަހުން، ޖޯޖިއާ އިން އަނެއްކާ ވެސް ނަތީޖާ ހަމަހަމަކުރުމާ ގާތަށް ޖެހިލި އެވެ. އޭރިއާތެެރެއިން ޖޯޖިއާގެ ކޮޗޮރަޝްވިލީ ޖެހި ބޯޅަ އަމާޒުވީ ގޯލުގެ ދަނޑިއަށެވެ.

ތުރުކީން ބަދަލަކަށް ކުޅެން އެރި ޔޫސުފް ޔަޒީޗީ ވަނީ މެޗުގެ 87 ވަނަ މިނިޓްގައި ރަނގަޅު ހަމަލާއެއް ފޮނުވާލައިފަ އެވެ. އެ ގޮތުން، އޭރިއާތެރެއިން ޔަޒީޗީ ބޮލުން ޖެހި ބޯޅަ ޖޯޖިއާ ކީޕަރު މަމަޑަޝްވިލީ ވަނީ މަތަކޮށްފަ އެވެ.

ޖޯޖިއާ އިން ފަހު ވަގުތު ގިނަ ކުޅުންތެރިންތަކެއް އެޓޭކަށް ފޮނުވައިގެން ގޯލެއް ޖެހޭތޯ ބެލި އެވެ. އެ ގޮތުން ކްރަވަޝްކޭލިއާ ހިލޭޖެހުމަކުން ޖެހި ބޯޅައެއް ވަނީ ދަނޑިއަށް އަމާޒުވެފަ އެވެ. އަދި ރީބައުންސަކުން ޖޯޖިއާގެ ބުޑޫ ޒިޑްޒިވާޑްޒޭ ޖެހި ޝޮޓް ތުރުކީގެ ސަމިތު އަކައިދިން ވަނީ ބްލޮކްކޮށްފަ އެވެ.

އޭގެ ފަހުން ވެސް، މެޗުގެ އިތުރު ވަގުުތުގައި ލަނޑެއް ޖަހައި، ޖޯޖިއާ އިން އެއްވަރުކުރަން ކުރި މަސައްކަތުގައި، އެ ޓީމުގެ ކީޕަރު މަމަޑަޝްވިލީ ވެސް ކުރިއަށް ޖެހި ހުރި ވަގުތެއްގައި ކުރި އެޓޭކުގައި ތުރުކީގެ ކަރީމް އަކްތުރުކޮގްލޫ ވަނީ ހުސްކޮށް އޮތް ގޯލަށް ބޯޅަ ފޮނުވާލައި ތުރުކީ އަށް ތިން ޕޮއިންޓް ޔަގީންކޮށްދީފަ އެވެ.

މި ގްރޫޕްގައި ދެން އޮތް ޗެކް ރިޕަބްލިކާއި ޕޯޗުގަލް އިން މިރޭ ބައްދަލުކުރާނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox