ފްރާންސް

Jun 14, 2024, 10:31 AM
ފްރާންސް

ފްރާންސަކީ މި ފަހަރުގެ ޔޫރޯ ފުޓްބޯޅަ މުބާރާތަށް ތިން ވަނަ އަށް ކޮލިފައިވި ޓީމެވެ. މީގެ ކުރިން 10 ފަަހަރު ޔޫރޯ ފުޓްބޯޅަ މުބާރާތުގައި ފްރާންސް އިން ކުޅެފައިވާއިރު، އެ ޓީމުން ވަނީ ދެ ފަހަރު ޗެމްޕިއަންކަން ހޯދައި، އެއް ފަހަރު ފައިނަލްގައި ވާދަކޮށް، ބަލިވެފަ އެެވެ.

ފްރާންސުން ޔޫރޯގެ ޗެމްޕިއަންކަން ހޯދީ 1984 އާއި 2000 ވަނަ އަހަރު އެވެ. ފައިނަލުގައި ބަލިވީ، 2016 ވަނަ އަހަރު އަމިއްލަ ގައުމުގަ އެވެ.

މި ފަހަރުގެ ޔޫރޯ އަށް ފްރާންސް ކޮލިފައިވީ، ކޮލިގައިން ގްރޫޕް ބީގެ އެއް ވަނަ ޓީމުގެ ގޮތުގައި އެއްވެސް މެޗަކުން ބަލިނުވެ އެވެ. ފްރާންސް ހިމެނުނު ގްރޫޕްގެ ދެ ވަނަ ޓީމުގެ ގޮތުގައި ޔޫރޯ އަށް ކޮލިފައިވި ނެދަލެންޑްސް މުބާރާތުގައި ވެސް އޮތީ ފްރާންސާ އެއް ގްރޫޕެއްގަ އެވެ. ދެން، މި ގްރޫޕްގައި އޮތީ، އޮސްޓްރިއާ އާއި ޕޮލެންޑް އެވެ. ނިސްބަތުން ބަލާއިރު، މިއީ ފްރާންސަށް ފަސޭހަ ގްރޫޕެއް ނޫނެވެ.

ފްރާންސްގެ ކޯޗު ޑިޑިއޭ ޑެޝޯމްޕްސް އަކީ މި ފަހަރުގެ ޔޫރޯ ފުޓްބޯޅަ މުބާރާތުގައި އެއް ޓީމަކުން ފެންނާނެ އެންމެ ގިނަ ދުވަސްވީ ކޯޗެވެ. ފްރާންސަށް 2012 ވަނަ އަހަރު ކޯޗުކޮށްދޭން ފެށި ޑެޝޯމްޕްސް، އެ ޓީމު ގޮވައިގެން މި ނުކުންނަނީ، ތިން ވަނަ ޔޫރޯ ފުޓްބޯޅަ މުބާރާތަށެވެ.

ޑެޝޯމްޕްސްގެ ކޯޗުކަމުގައި ފްރާންސް އިން 2018 ވަނަ އަހަރުގެ ފީފާ ވޯލްޑް ކަޕް ކާމިޔާބުކޮށް، 2022 ވަނަ އަހަރުގެ ފީފާ ވޯލްޑް ކަޕް ފައިނަލަށް ދަތުރުކުރި އެވެ. ޑެޝޯމްޕްސް އަށް އެންމެ ހިތްދަތި އެއް ނަތީޖާ އަކީ، 2016 ވަނަ އަހަރު އަމިއްލަ ގައުމުގައި ކުޅުނު ޔޫރޯގެ ތަށީ ނުލިބުމެވެ.

ޔޫރޯ އަށް ސްކޮޑު ނެގުމުގައި އެންމެ ގޮންޖެހުން ބޮޑު ޓީމެއްގެ ގޮތުގައި ފެނިގެންދިޔަ، އެއް ޓީމަކީ ފްރާންސް އެވެ. އެކަމަކު، އެ ޓީމުން ވަނީ ތަޖުރިބާ އާއި މޮޅަށް ކުޅެމުން އަންނަ ޒުވާން ކުޅުންތެރިން ހިމެނޭހެން ވަރުގަދަ ސްކޮޑެއް އެކުލަވާލައިފަ އެވެ. ފްރާންސްގެ މި ޓީމު ލީޑުކުރުމުގެ ޒިންމާ އޮތީ ޒުވާން ކެޕްޓަން، ކީލިއަން އެމްބާޕޭގެ ބޮލުގައި އެޅިފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox