ޖޭއެސްސީގެ ޖަލްސާތަކުގައި ބައިވެރިނުވީ އޭރު މަޖިލީހުގެ ރުހުން ނުލިބޭތީ: އެޓާނީ ޖެނެރަލް އުޝާމް

އެޓާނީ ޖެނެރަލް އަހުމަދު އުޝާމް: ޖޭއެސްސީ ޖަލްސާތަކުގައި ބައިވެރިނުވާ މައްސަލާގައި ޖަވާބުދާރީވެވަޑައިގެންނެވި - ފޮޓޯ: ރައީސް އޮފީސް

އެޓާނީ ޖެނެރަލް އަހުމަދު އުޝާމް: ޖޭއެސްސީ ޖަލްސާތަކުގައި ބައިވެރިނުވާ މައްސަލާގައި ޖަވާބުދާރީވެވަޑައިގެންނެވި - ފޮޓޯ: ރައީސް އޮފީސް

ޖުޑީޝަލް ސާވިސް ކޮމިޝަނުގެ ޖަލްސާތަކުގެ ހާޒިރީ ދަށްކޮށް އޮތީ ރައްޔިތުންގެ މަޖިލީހުގެ ރުހުން ލިބިފައި ނެތް ވަޒީރެއްގެ ގޮތުގައި ހުންނަވައިގެން އެ ކޮމިޝަނުގެ މަސައްކަތްތަކުގައި ބައިވެރިވާން ބޭނުން ނުވާތީ ކަމަށް އެޓާނީ ޖެނެރަލް އަހުމަދު އުޝާމް ވިދާޅުވެއްޖެ އެވެ.

ގާނޫނު އަސާސީގައި ޖޭއެސްސީ އެކުލެވިފައި އޮންނަ ގޮތުން ބަންޑާރަ ނައިބު އެ ކޮމިޝަނުގައި އިންނަވަން ޖެހެ އެވެ. އަދި ކޮމިޝަނުގެ ނިންމުންތައް ނިންމުމަށް ބާއްވާ މެންބަރުންގެ ޖަލްސާތަކުގައި ބައިވެރިވުމަކީ ވެސް ބަންޑާރަ ނައިބުގެ ގާނޫނީ ޒިންމާތަކުގެ ތެރޭގައި ހިމެނޭ ކަމެކެވެ.

ސަރުކާރުގެ ލެޖިސްލެޓިވް އެޖެންޑާގެ މައުލޫމާތު ދިނުމަށް މިއަދު ބޭއްވި ނޫސްވެރިންގެ ބައްދަލުވުމުގައި "އަދަދު" ނޫހުން އެ ސުވާލު ކުރުމުން އުޝާމް ވިދާޅުވީ އެ ޖަލްސާތަކުގައި އޭރު ބައިވެރިނުވި ސަބަބަކީ ރައްޔިތުންގެ މަޖިލީހުގެ ރުހުން ލިބިފައި ނެތް ވަޒީރަކަށް ވާތީ ކަމަށެވެ.

"ޖޭއެސްސީގެ ޖަލްސާތަކަށް ފަހުން އަޅުގަނޑު ނުދާން ފެށި ސަަބަބަކީ އަޅުގަނޑުގެ ރުހުމުގެ މައްސަލާގައި ރައްޔިތުންގެ މަޖިލީހުން ގޮތެއް ކަނޑައެޅިފައި ނެތުމުން، އަޅުގަނޑު ދެވަނަ ފަހަރަށް ރައީސް އެޕޮއިންޓް ކުރެއްވީމައި ރުހުމުގެ މައްސަލާގައި މަޖިލީހުން ގޮތެއް ނުނިންމީމައި އޮތުމުން ޖޭއެސްސީގެ ޖަލްސާތަކަށް ނުދަން،" އުޝާމް ވިދާޅުވި އެވެ.

ޖޭއެސްސީގެ އިތުރުން އެޓާނީ ޖެނެރަލްގެ ހައިސިއްޔަތުން ބާ ކައުންސިލްގައި ވެސް އިންނަވަން ޖެހޭ ކަން ފާހަގަ ކުރައްވައި އުޝާމް ވިދާޅުވީ އެ ކައުންސިލްގެ ބައްދަލުވުންތަކާއި މަޝްވަރާތަކުގައި ވެސް އޭނާ ބައިވެރިނުވާ ކަމަށެވެ.

މި އަހަރުގެ ޖެނުއަރީން ފެށިގެން ޖޭއެސްސީން ބޭއްވި ޖަލްސާތަކުގެ ތެރެއިން އުޝާމް ހާޒިރުވެވަޑައިގަތީ އެންމެ ތިން ޖަލްސާއަކަށެވެ. ކޮމިޝަނުގެ 15 ޖަލްސާއަކަށް އޭނާ ހާޒިރުވެވަޑައިގެންފައެއް ނުވެ އެވެ.

މީގެ ކުރީގައި ޖޭއެސްސީގައި އެޓާނީ ޖެނެރަލް ހިމެނޭހެން ސިޔާސީ ބޭފުޅުން ކޮމިޝަނުގައި ތިބުމާ ދެކޮޅަށް ވަކާލާތުކުރެއްވި ގާނޫނީ ތަޖުރިބާކާރުންގެ ތެރޭގައި އުޝާމް ވެސް ހިމެނިވަޑައިގަންނަވަ އެވެ. ނަމަވެސް މި ވަގުތަށް އެޓާނީ ޖެނެރަލްގެ ގާނޫނީ ޒިންމާ އާދަކުރައްވަން ޖެހޭ ކަމަށް ދެކެވަޑައިގަންނަވާ ކަމަށް އުޝާމް މިއަދު ވިދާޅުވި އެވެ.

"މިހާރު ގާނޫނު އަސާސީ އޮތް ގޮތުން ޖޭއެސްސީގައި ބަންޑާރަ ނައިބު އިންނަވަން ޖެހޭ، އެހެންވީމާ ޖޭއެސްސީގެ ޖަލްސާތަކަށް އަޅުގަނޑު ހާޒިރުވާން ޖެހޭނެ ކަމަށް ގަބޫލު ކުރަން، އެއީ އަޅުގަނޑުގެ ގާނޫނީ މަސްއޫލިއްޔަތެއް،" ރައްޔިތުންގެ މަޖިލީހުގެ ވިލިމާލެ ދާއިރާގެ މެންބަރަކަށް ހުންނެވުމަށް ފަހު، ބަންޑާރަ ނައިބުގެ މަގާމާ ހަވާލުވެވަޑައިގެންނެވި އުޝާމް ވިދާޅުވި އެވެ.

ޖޭއެސްސީގެ އެކުލެވުން ބަދަލު ކުރުމަކީ މި ސަރުކާރުގެ ވެސް ވައުދެކެވެ. އެ އެކުލެވުން ހިމެނޭ ގޮތަށް ގާނޫނު އަސާސީއަށް ގެންނަ ބަދަލުތަކުގެ ޖުމުލަ އެއް ބިލު ހުށަހެޅުން ވެސް ސަރުކާރުގެ ލެޖިސްލެޓިވް އެޖެންޑާގައި ހިމެނެ އެވެ. އެ ބަދަލުތައް ހިމަނައި ބިލު ފަރުމާކުރާނީ މަޝްވަރާއާއި ހިޔާލު ފުޅާ ދާއިރާއެއްގައި ހޯދުމަށް ފަހު ކަމަށް ވެސް އުޝާމް މިއަދު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox