އިންޑިއާގެ އެޕޯލޯ ހޮސްޕިޓަލުން ދިވެހިންނަށް ފުރުސަތުތަކެެއް

އިންޑިއާގެ ބެންގަލޫރުގެ އެޕޯލޯ ހޮސްޕިޓަލުން ދިވެހިންނަށް އޮތް ފުރުސަތުތައް ހާމަކޮށްފި އެވެ.

މިއަދު ޕީއެސްއެމްގައި ބޭއްވި ނޫސްވެރިންގެ ބައްދަލުވުމެއްގައި އެޕޯލޯ ހޮސްޕިޓަލުގެ ހެޑް އޮފް އިންޓަނޭޝަނަލް ބިޒްނަސް އަބޫބަކުރު ސިއްދީގު ވިދާޅުވީ އިންޑިއާގެ ބެންގަލޫރުގައި ހުންނަ އެޕޯލޯ ހޮސްޕިޓަލުން މަހެއްގެ މައްޗަށް އެވްރެޖުކޮށް 70 މީހުން ދައްކާ ކަމަށެވެ.

އެ ހޮސްޕިޓަލުން ރާއްޖޭގެ އިންޝުއަރެންސްތަކުގެ ތެރެއިން އެލައިޑް އަދި އަމާނާ ތަކާފުލް ކަވާކުރުމުގެ އިތުރުން އާސަންދަ ވެސް ކަވަރުކުރާތާ ތިން އަހަރު ވެފައިވާ ކަމަށް އަބޫބަކުރު ވިދާޅުވި އެވެ.

އެ ހޮސްޕިޓަލުގެ ނިއުރޯސާޖަން ޑރ. ސަޓިޝް ސަތުޔަނާރަޔަން ވިދާޅުވީ އެ ހޮސްޕިޓަލުން ބްރެއިން ޓިއުމަރުގެ ސާޖަރީ އެޑްވާންސްޑް ރޮބޮޓިކް މައިކްރޮސްކޯޕް އަދި އެންޑަސްކޯޕް ބޭނުންކޮށްގެން ހެދޭ ކަމަށެވެ.

މުޅި ދުނިޔޭގައި ވެސް އެންމެ ފެންވަރު ރަނގަޅު ބައިޕާސް ސެންޓަރު ހުންނަނީ އެޕޯލޯގައި ކަމަށާއި، ކާޑިއެކް ސާޖަރީ އަދި ރޮބޮޓިކްސް ހާޓް ސާޖަރީ އެ ހޮސްޕިޓަލުން ހަދާ ކަމަށް ކާޑިއޮލޮޖިސްޓް ޑރ. ގްރިޝް ނަވަސުންދި ވިދާޅުވި އެވެ.

"އަންހެނުންގެ ގިނަ ބަލިތަކަށް ކުރަން ޖެހޭ ސާޖަރީތައް އެޕޯލޯއިން ރޮބޮޓިކްސް ބޭނުންކޮށްގެން ހަދާ. އޭގެ ސަބަބުން ރިސްކު ކުޑަކޮށް ސާޖަރީތައް ފުރިހަމަ ކުރެވޭ،" ގައިނެކޮލޮޖިސްޓް އަދި ރޮބޮޓިކް ސާޖަން ޑރ. ރާނީ ބަޓް ބުންޏެވެ.

ރާއްޖެއާއި ބެންގަލޫރާ ދެމެދު ސީދާ ދަތުރުތައް މަންޓާ އެއާއިން އަންނަނީ ކުރަމުންނެވެ.

އެޕޯލޯ ހޮސްޕިޓަލުން ހިދުމަތް ދެމުން އަންނަނީ ދުނިޔޭގެ ފެންވަރުގެ ޑޮކްޓަރުންނާއެކު އެންމެ ފަހުގެ ޓެކްނޮލޮޖީތަކާއި މެޝިނަރީތައް ބޭނުންކޮށްގެންނެވެ.

އެޕޯލޯ ހޮސްޕިޓަލް 1983 ވުޖޫދަށް އައިސްފައިވާއިރު، ފާއިތުވެދިޔަ 40 އަހަރު ތެރޭގައި އެ ހޮސްޕިޓަލުން ވަނީ ހިދުމަތްތަކަށް ބޮޑެތި ކުރިއެރުންތަކެއް ގެނެސް ގިނަ އާ ކަންތައްތައް ތައާރަފްކޮށްފަ އެވެ.

އެޕޯލޯގެ 71 އަށްވުރެ ގިނަ ހޮސްޕިޓަލާއި، 350 ކްލިނިކް، 2،000 އަށްވުރެ ގިނަ ޑައިގްނޯސިސްޓިކް ސެންޓަރު، 5،500 އަށްވުރެ ގިނަ ފާމަސީ، 7،500 އަށްވުރެ ގިނަ ޕެރެމެޑިކްސް ހުންނައިރު، 13،000 އަށްވުރެ ގިނަ ޑޮކްޓަރުންނާއި 15،000 އަށްވުރެ ގިނަ ނަރުހުން އެ ހޮސްޕިޓަލުގައި ތިބެ އެވެ.

މީގެއިތުރުން އެޕޯލޯގެ އެޕް 2.7 މިލިއަނަށްވުރެ ގިނަ ޔޫޒާސް ބޭނުން ކުރެ އެވެ. އަދި އެ ހޮސްޕިޓަލުން އަންނަނީ އޭއައި ޓެކްނޮލޮޖީ ވެސް ބޭނުން ކުރަމުންނެވެ.

އެޕޯލޯ ހޮސްޕިޓަލުގައި ހިދުމަތްދޭ ސެންޓަރުތަކާއި އިންސްޓިޓިއުޓްތައް:

• ހާޓް އިންސްޓިޓިއުޓްސް
• ކެންސާ ސެންޓާ
• އިންސްޓިޓިއުޓް އޮފް އޯތޯޕެޑިކްސް
• އިންސްޓިޓިއުޓް އޮފް ނިއުރޯސައިންސް
• އިންސްޓިޓިއުޓް އޮފް ޓްރާންސްޕްލާންޓް
• އިންސްޓިޓިއުޓް އޮފް ރެންޓަލް ސައިންސް
• އިންސްޓިޓިއުޓް އޮފް އޮބްސްޓެޓިކްސް އެންޑް ގައިނޯކޮލޮޖީ
• އިންސްޓިޓިއުޓް އޮފް ގޭސްޓްރޯއެންޓަރޮލޮޖީ
• އިންސްޓްޓިޓިއުޓް އޮފް ސްޕައިން އެންޑް ރޮބޯޓިކް ސާޖަރީ
• ކްރިޓިކަލް ކެއާ
• އެމަޖެންސީ
• އިންސްޓިޓިއުޓް އޮފް ޕީޑިއަޓްރިކްސް